Números 23:7 - Dupade Uruode

⁷ Uje Balaam e déji ore gari ga narare ga chósi tome ore: "Moábgosode ore eduguéjna cuchábi Balac chutṍri yu to diríca iji yuniri casé to uje i tu Aram. Ga yijíñome cucaranone iji yuniri casé iji guedé garani yui to diríca uje yicáji de. Enga eduguéjnai Balac uruode chósi tome dañosoringuéone to diríca: '¡Bé ga o barúja jnani bajai Jacob ájnape disi ejode ore to! Yojningane u israélgosode ore ujetiga asi ome piserẽrachúringai ome ore jne.' Chósi te ome dañosoringuéone diríca.

Números 23:7 Iomraidhean Croise

Génesis 10:22

Enga Sem uté abode ore íode u udojo: Élam, Asur, Arfaxad, Lud, Áram ore.

Génesis 28:2

Mu bo enga acáji báqui casica Betuél uniri Padan-áram, enga ácariji bẽrate Labán gari iji uté jne, enga óji uté urodie uñáraque gari jne.

Génesis 28:7

Enga Esaú chirajapise Jacob uje dopísi dayé, daté ore ojningane cucha, enga jĩraque chicáji ore ojningai punire Padan-áram.

2 Samuel 23:9

Dicasepísode udore uje gadioque ore nanique udore jõrai i tu Eleazar ga ahohítagosi Dódo ujnacare uté. Ga uté nóna David aja pocaningai nanique. Ga ore doi filistéogosode iji ore idai Pasdamim ga ore chujé ore iji uté. Uje filistéogosode ore chose urasade israélgose ga ore chayo, mu que Eleazar chayome ore to.

Sálmos 49:5

¿Cuchárique u gu a ujetiga yitodo jeta dire gajnaréngone chise yu, jeta yajnapaisórone udore chaparu yibai iji yiyaridi ome dajosipiedie ome yu?

Sálmos 78:2

A yuchẽre yibijnani gai jeta yatata yacãrájaringo cucha provérbios ome uaque, ga a yedogode u cucha pimojmane jne uje ibiracho quigode udore, uje jé jogate aro erámi nanique.

Provérbios 26:2

Ujetiga gosi chacacãre ua ome daru noñatígo marínga, o cucha bisidéguiji gosi uruode udore ome ua, ga gosi uruode udore cho chugúpẽre asétique ome dáringai choque. Chamáñaje que babárique cucha cus ome uté gu.

Números 22:11

Enga Balac uté chiroque daruode aja yu ga chingome yu uje cojñonguemúrique e chise ore uniri ga e déji ajei to. Enga ore tṍraji Egípto ga jiépisi ore to iji ore uniri ajei. Enga jé u uje Balac chutṍri yu to eti yo yurúja ore ga yisi ome piserẽrachúringai ome ore to, ga ore doi ore ga ore sué ore gai enga chijócãre ore iji daniri.–

Números 22:17

Ango bajegaitígo aja uyu to jne ga yisi ome ua to jne, ga a ca yujuséjo ua to jne jetiga ese yoque to. Jecute be ga o barúja ayorébuode udojo to ga asi ome piserẽrachúringai ome israélgosode udore iji yocuniri ajei to. Jecute yijócha bajei údi ga jĩraque abágui yu to."–

Números 23:18

Enga Balaam e nararápo rĩ ga chósi tome ore: "Balac, Zipor ujnacari á, angaripísi yuruode quigode to:

Números 23:6

Ga Balaam e jno ga chajníja daseradéjnane to. Ga chise Balac, ujode pangarate ore uje ore cháguena gaté iji uraque daseradéjnane ejode to. Yojningane u moábgosode ore angaránone uje ore cháguena gaté iji gaseradéjnane ejode iji uté.

Números 24:15

Ga e yiji: "Balaam jé u yu darai, ga yãrapi tu yai jnani bajai Beor. E yĩrarare ga yatata yajirigode cucha ome uaque. Chamáñaje que cucha ibiratique cus ome yu gu ujetiga ca yiraja quitique.

Números 24:21

Ga Balaam chimópo quinítagosode ore to rĩ iji dedominone, ga ore gajneque uruode to uje chojninga: "Jnani bajai Caín ape disi ejode uaque á, yimo uacacoyapídode que. A quinítagosode uhuaque uacajoso ati ca pirajaque uáguiji uacacoyapídode udore to. Ga uacajnui tu chugúpẽri uje pésu daguíjnai iji cucarãte yorícojnane ójodie to. Mu yimo pioguéjnai uje tṍraji asíriagosode ore uniri ome uacaguíjnai uté uje déji cucarãte umarejnájnai ójo to. A ore chejna uacaguíjnai tuté enga a ore chisa uaque enga a ore jno uacádi jne aja daniri to."

Números 24:23

Ga Balaam qué jno datatagode údi ga chojninga: "Yosõripísi jóroque ore yui to jne ujetiga Dupade ujuyaquéode udore qué chise ore ucuecaringuéone to. ¿Ama uñeque chapidirase to a?

Números 24:3

Ga Balaam chojningame daruode: "Balaam uyu to ga yãrapi tu Beor to nanique. E yĩrarare ga yatata yajirigode cucha ome uaque. Chamáñaje que cucha ibiratique cus ome yu gu ujetiga ca yiraja quitique.

Matéo 13:33

Enga Jesús chojningápome ore rĩ: –Dupade urasapísode a ore chõre raque jne enga ore gajnui u arurégode bisitique to uje chequéraque chójneja harína pipesutique gai, uje gadioque tázadie. Mu jé cachodi tu uje harína pipesudi uté quérã enga cho dabai.–

Matéo 13:35

Chacãra dacajnaquéode aja cuchade gu uje Dupade uruode atatasórone uñai jé urusãracho nanique uje chojninga: A yo cucha gajnu iji yacajnaquéode jne. A yopo quique cuchade to jne rĩ uje cáma pududicho to iji erámone taningane.

Márcos 12:12

Jecute judíode angaránone ore chucuepísi dasocáringome Jesús ome úringárique pisaque. Ore chirajapise gu uje Jesús chacãra dacajnaquéode aja cuchade ga chopise ore adode. Mu a ca togome ore uje ore todo ayorébui gu uje ore cháta rágaja Jesús jnese. Mu a ca ore adésu dayaridode iji ore ejode enga jĩrique ore jnome daquitígo.

1 Samuel 17:10

Saúl irógode, israélgose uaque, amesẽcho yuru quigode udojo, ¡ga arócho uacuñeque aja yi iji de ga jĩraque yoco yoquijocaningame ñane!–

1 Samuel 17:36

Yisocai udé ome yigué caraté ica, jé aja ujoi cuchiso chagu ore ga a jé yadi tupo rĩ gajiné ome dupa quedéjnane catecãraisṍri filistéogosi uté jeta yimánaja jnumi. Uje uté pota sué Dupa uecai urasade ore yoquibai uje que pujnuéngai Dupapísi urasade ore uyoque mu. Yeduguéjná, baroi tu yu arĩa, ajuéga uté ome uyu ga yi ga yujé ¡sa!

1 Samuel 17:45

David chajnai Goliat uruode ga chojninga: –Bangureta jóroque boidode bõráchaque ome yu uje bajna basõre, baquesei, boidi queségodóque ore. Mu uyu ga a yo yõráchaguiji Pangarádejna Pujnuéngaisṍri uté i ome ua. Uje israélgosode Yocangarádejna Dupa togójmai uté, ga a uté u jne gu jeta sué babai gajiné. Uje uté chudute bachietabáitigade ome urasade israélgose uyoque gu.