Números 23:3 - Dupade Uruode

³ Uje e ore chujé degode udore ga jé u uje daijnai Balaam catecã́ri ore eduguéjnai Balac. Enga chojninga: –Arodape yocaseradéjnane to jne. Ga yiji ga yicáji ti uje gusu yu iji ti. Ja seca Dupade chiqueta raja yu ga yangarami uruode iji to jne ujetiga catecã́ri yu iji uté to. Enga a yingo Dupade uru quitígo ome ua to jne.– Enga cucarãte cototé déji ore dosadi iji uté to enga Balaam qui tu cucarãte cototé uaté ome dacatecãraitigade enga jé gusúpusu uté iji dacatecãraitigade jogadi uté to.

Números 23:3 Iomraidhean Croise

Génesis 22:13

Enga jé u uje Abraham chajire dejode enga chimo áyasa choquírique uje uedie chimere iji ñane iji porabidie údode. Enga que toc eti jno. Enga Abraham doi áyasa choqui uté enga chejñu iji poridie enga jno údi aja daserani. Enga chijnime dabi ga chicha áyasa aja dabi charidi. Enga chujé áyasa aja daserani gai uje abi gajneque que, enga chujé áyasa tome daquesei iji gaserani gai. Ga jé u uje chujé áyasa tuaté enga chibore iji daserani.

Génesis 22:2

Enga Dupade chojningame Abraham: –Abraham, be bape ugurui uje bajnorapise enga asi ome yu jne. Bo údi aja ore uniri Moriah, enga ocho yojningai cucarãte jne enga acáji ójo jne. Ga apésu gaserani iji cucarani uté enga ẽra babi tuté ome yu iji uté jne enga abore, enga a gajnui tu cuchiso pẽrapáitique ome yu jne.–

Génesis 8:20

Enga jé u nanique uje Noé pésu daserani tome Dupade gajnéone dosipécho. Enga jé u uje doi dosipeque chojmara, chojmara, chojmarane iji cuchisode ujade jetiga chujé ore jnese enga chibore ore iji daserani ome Pangarádejnai Dupade.

Éxodo 18:12

Jétro uté doi aquirájna abi ga tẽrame Dupade, ga chibore iji daseradéjnai gai ome Dupade. Enga tẽrája Dupade ome cuchiso uñéngo to. Ga Aarón, Israel ájnape disi ejo ore dayode ore di jnese jeta ore chacásãra Moisés, iyoquíjnai ore iji ore posode udore gai uje ore chachietáji Dupade ome átedatéode udore gu.

Números 23:12

Mu Balaam chojninga: –Yingome uaque diríca jeta yijína uaque to diríca ga yedu Pangarádejnai Dupade gueranone yurúo ome ore to jetiga yo yurúja ore ome to diríca.–

Números 23:15

Enga daijnai Balaam chaquĩ́rapo Balac iji uraque daseradéjnane ejoi to rĩ ga chojninga: –Ácarabíji yocaseradéjnane ejoi to. Enga yiji enga yicatecãrámi Dupade iji ti to jne rĩ.–

Números 23:2

Ga ore eduguéjnai Balac dopísi daijnai Balaam uruode to. Ga ore doi aquirájna choquíode, jé aja áyasa choquíode ome gaseradéjnane udore. Enga jé u uje Balac, Balaam ore cháta rágaja ñane enga ore chujé deranone cuchiso udore aja gaseradéjnane udore jnese, enga que ore aseradéjnarique chimoque aquirájna choquírique uje ore chujé aja gai, jé aja áyasa choquírique rĩ.

Números 23:26

Enga Balaam chajnai eduguéjnai Balac uruode enga chojninga: –E jiei uje yingome ua to uje a yedu Pangarádejnai Dupade gueranone yuru omío ome beránganeméone bamajósõre ore to.–

Números 23:4

Enga Dupade chiqueta raja Balaam iji icatecãraitigade jogadi to. Ga Balaam catecã́ri Dupade bajaque to enga chojninga: –Bamo yaseradéjnane uje gare iji ti. Bamo uje aquirájna pariguéjnane déji yaseradéjnane udore jnese, jé aja áyasa choqui pariguéjnane to, déji yaseradéjnane gáyode jnese to.–

Números 24:1

Balaam narare iji dajei ga chojningame re: "A jé ca yicatecãrirási Dupade to, mu jé chisirásome yuru omone ome yu to ome israélgosode ore gajnetígo yurúo to." Jecute Balaam que dopoi dasocabei to rĩ. Que chicáji sañeque ome dacatecãraitigárique. Ga chajire israélgosode iji dádi iji erãpetarei ajei.

Matéo 4:8

Quigade enga Satanás jno údi aja cucarãte chaguesi ójo. Jé u uje Satanás chingo punire ueradode aja jnese, iji erámi údode. Chingopo úringane cuchábejna ome rĩ.

Josué 24:10

Mu yaquĩ́ra Balaam uru gajnaréngone iji pijnani to nanique, enga yicha dara omone aja pijnani to nanique. Ga jé u nanique uje Balaam narare nanique ga cho darúja israélgosode nanique ome cucha omone to nanique. Ga jé u nanique uje yiqueta uágome cucha gajnaréngone nanique ga jé u uje uacajnuéño ore gáyode jnese nanique.