Números 23:10 - Dupade Uruode

¹⁰ Ga jiépisi ore to ga ore gajnui tu jnumi urui ome dapetígajnai ga que pisecarãte ore to. ¿Ama uacuñeque doi enga chisecãru ore ga chirajárase ore batigárique to a? Pininaquei dépisi jnani parágode udore ajéode to, ga pitoringai chise ore mu que ore áyuguhebátigade chijócãre ore ininaquéode to. ¡Yipésupú ga yitoi to gajneri mu a jé yorase ore to gajneri ga yisírase pininaquei iji yitoringárique uécharique to jne rĩ!"

Números 23:10 Iomraidhean Croise

Génesis 13:16

Enga Dupade chojningápome Abram nanique rĩ: "A yipésu bape disi ejórigo ore jne enga a ore cho jnumi urui jne uje a jiépisi ore jne. Bamo uje que ayorérique déji uje chiraja jnumi péode jnese. Enga jé chopise bape disi ejórigo ore to jne jetiga ca pisecarãte ore iji erámi údode jnese to."

Génesis 28:14

Enga a jiépisi bape disi ejórigo jne enga a ore gajnui tu jnumi urúrigo jne uje que toque jeta pisecarãte. A bape disi ejórigo ore gajneque puniri udé dosadode jnese, jé iji umusoi garani, jé aja guedé cacadi, jé aja casaque garani, jé aja guedé garani udore ore ujai tudé jnese. Enga a erámi unirisórone, iji erámi údode jnese, a ore chagutíyame ua, bape disi ejode ore jnese jne.

Sálmos 116:15

Uje Pangarádejnai chajire jnumi ga chimo danguresóningo uje toi, ga cho cucha oreránguiji udore itoringai uté.

Sálmos 37:37

Cadójnanga jne jnani uté uje que iyoguérique cuse, ga ajiripise ate ujñapetai uté. Uje uté ucueque pajesereringai adode ome re ga a jé uerate cucha tocachugode ome uté jne iji dire piqueminóningo.

Provérbios 14:32

Ayoré ate gajnaréngone ore adode u uje gajnarécho ga jé inguíraja ore aja jnumi te rĩ. Jé basa ga ayoré ate arégode ore ipararinguei tu uje chãraque ore ome cuchade jnese.

2 Coríntios 5:1

Yirajágo uje yocao ayorei tudé gajnui tu guiguíjna pipesutique ome pijmanéringui. Uje jĩraque íjnoque. Enga yirajágo rĩ ujetiga toque yoque, mu e dimane yocao icha ejórique ome yoque iji gaté. Yocao ichai tuté gajnui u guiguíjna pipesutique rĩ, mu e que cho ayorérique ipesutique go, mu pimanique ome Dupade jmainie.

Apocalípsis 14:13

Enga yudute puruode uje tṍraji guéode ome yu uje chojninga: –Arúsãre cuchade unojo quigode enga ósi tome: A jé yoco ditijínanguiji Yocangarádejnai anguresórone ore jnese uje ore toina, jé aja uné iquéode.– Mu Dupade Ujopié Espíritu Sánto doi enga chojninga: "Jé u arĩ́e. Chamáñaje ore cho dajñare ome dasagode cucha, enga ore átegoningáne nóna ore to aja gaté."