Números 22:6 - Dupade Uruode

⁶ Jecute yutṍri ua ujetiga bo bu ga abágui yibijnane. Yigaidi u gu jeta o barúja ayorébuode udore iji yocuniri. Bamo uje jiépisi ore ga etoguipise ore rĩ, ga a ore sué yoquibai iji yocuniri to, ga a ca togome yoque jeta yijócãco ore to iji yocuniri. Uje yudute bajnomei gu uje o barúja gosi ga baruode tocade to. Uerate baruode, jeoga gajnarécho, mu yudúco uje ore tocade jnese. Jecute o barúja ayorébuode iji yocuniri enga a ca ore ujñapeque jne ome yoque to, ga yujégo ore enga yijócãcopo ore iji yocuniri to jne rĩ.'"

Números 22:6 Iomraidhean Croise

Génesis 12:3

A yo yurúja bajnorasórone ore jne ome cucha omone, jé basa ga a yo yurúja betesórone ore ome cucha gajnaréngone. Enga a chise diri jne ujetiga erámi unirisórone jnese iji erámi údode jnese ore chiraja yicaniratiguei gu ua jne."

Génesis 27:29

Yipésupú enga pidaisórone a jiei ore jne iji erámi jeta ore doi baroquéode jõ. Enga a chise diri jetiga erámi unirisórone ore chichaga dagataidie iji jnumi iji baquei jnese jne. Jé cho to baté ujnacarode uñane, a ore cho deduguéjna cuchábi iji ua to jne enga a ore chichaga dagataidie iji baquei jnese to jne. Mu jetiga ore áyipiedie gajnaréngome ua jne, enga jé basa ga Dupade áyipiedie gajnaréngome betésoningo ore to jne. Jé basa ga ujetiga ore áyipiedie omei ome ua enga a Pangarádejnai Dupade áyipiedie omei ome ore to jne."

1 Reyes 22:13

Uje Acab uté irógode proféta tácho qué ore déji dáringane dara gai, mu Acab utocaidi casé e chise Dupade uruode júsõri Micaı́as uté ujetiga di údi, ga cho quique urúringome ore eduguéjnai yui ujetiga Micaı́as uté chirate Acab irógode proféta tácho udore aja ore uruode. Ga chojningame: –Yoqueduguéjnai tibidi ua que uje pota gu jeta chiraja Pangarádejnai áyipiedie jne ome pocaningai yui. Cajirape to uje proféta udore uñane jnese uru qui chojmara ome yoqueduguéjnai uje ore chatata cucha dacate piqueminórone ome uté, ga ueradı́piso ore uruode. Ga yijócha bajei údi jeta baruode jé cho ore uruode, ga ueracho to.–

1 Reyes 22:6

Enga jé u nanique uje israélgosode ore eduguéjna cuchábi Acab chamáta darógode proféta tácho ore aja ñane, uje ore batigai a jé chorase 400 uñeque nanique. Ga udore ore eduguéjnai Acab chojningame ore: –¿Ama ueradi tu ujetiga yucugujnángoji yoquida casica Ramot-Galaad uje déji sı́riagosode ore gari, jeoga jé dóji yoquijocaningai ome ore a?– Ga ore chajnai deduguéjnai uruode ga ore chojninga: –Be, uje a Dupa Pujnuéngaisṍri chicha ore idai aja bajmainie jne, Yoqueduguéjná.–

1 Reyes 22:8

Enga israélgosode ore eduguéjnai Acab chojninga: –Uñai qué déji arı̃a, jetiga yicatecãcobi ga chingome Pangarádejnai áyipiedie ome yoque jne. Ga uté i tu Micaı́as, ga Imla ujnacari tu uté. Mu yetaque uté yui, uje ı́jnoque ujetiga uerate uruode ome yajnéone cucha dacate ujetiga chisı́rase uyu. Uté chedu chatata cucha dacate gajnarétigo ujetiga chise yu jne.– Mu eduguéjnai Josafat chaquı̃́ra dojoi eduguéjna ome uruode udore uje chojninga: –A jé ca baruode urásu udore, Eduguéjná.–

Nehemías 13:2

Enga Dupade etétigai tiji amóngosode, moábgosode ore u gu uje ore chãraque yote pijódode ome urasade israélgoso nanique, enga ore charángapo cucha pibosode ome israélgosode ore rĩ, enga ore charángapo daniri ome ore to rĩ uje ore chaquesu ore unirone aja Dupade ojningai punire ueradéjnai yui. Jecute Dupade guetétigade u udojo iji ore. Enga que gusu udore mu etétigai upo rĩ uje amóngosode ore eduguéjnane, moábgosode ore eduguéjnane ore cháta raja ñane ome israélgosode ore nanique. Enga ore tibidi daijna cuchábi Balaam uté nanique ujetiga ore chisi ome daplátadie ome nanique ga uté cho darúja Dupade urasade israélgose ore nanique. Mu Yocangureni Dupa Pujnuéngaisṍre chinoningase daijnai uté uru gajnaréngone nanique iji pijnani ga nóña ga puru omío nanique.

Sálmos 109:28

Ajuéga jeta udore ore chamacãre yu ome daru gajnarétigo, mu ua ga acacãre yu ome baru ueradode. Apésu ga yijmongarájasórone udore ore inguíraja pajegátigai aja re jne. Mu jé basa ga baroi uyu a yinína yu jne.

Provérbios 26:2

Ujetiga gosi chacacãre ua ome daru noñatígo marínga, o cucha bisidéguiji gosi uruode udore ome ua, ga gosi uruode udore cho chugúpẽre asétique ome dáringai choque. Chamáñaje que babárique cucha cus ome uté gu.

Números 22:12

Ga Dupade narare ga chojningame daijnai Balaam uté: –Ca ajína eduguéjnai utocaidode ore to jne, enga ca o barúja ayorébui to iji ore uniri ajei. Chamáñaje e yo yurúja ore to ome cucha omone jeta ore gajnecho to.–

Números 22:17

Ango bajegaitígo aja uyu to jne ga yisi ome ua to jne, ga a ca yujuséjo ua to jne jetiga ese yoque to. Jecute be ga o barúja ayorébuode udojo to ga asi ome piserẽrachúringai ome israélgosode udore iji yocuniri ajei to. Jecute yijócha bajei údi ga jĩraque abágui yu to."–

Números 23:13

Mu ore eduguéjnai Balac jé chajo raja ujetiga Balaam cho darúja ore ome daru gajnaréngone ga chojninga: –Cachi bamo ore jnese gu iji bádi, jecute que apota o barúja ore jnese. Mu yico ga yayógo cucarani gai aja jogatique uñeque uje que pijoque ore jnese ome ua iji uté. Jé socaseti garósi ore iji bedominone enga baru gajnaréngone tṍraji babijnani ome ore.–

Números 23:27

Ga Balac catecã́ri Balaam gaté rĩ ga chojninga: –Be ga ajína yu to ga yucuegoi jogate uñeque to. Ja seca Dupade juéga baru gajnarétigo ome ua iji sañeque jne ujetiga o barúja israélgosode ore iji sañeque.–

Números 24:9

Ore gajnui tu caraté sijnátique jé aja caraté sijnángueraque uje cho dajñare ga que ayorérique doi ga cho jome ore to ga ore tṍra rome ayorérique to. Ga jé ore dóji ti to, ga ca o jome ore to. ¡Israélgosode uaque á, ujetiga gosi cho darúja uaque ome daru omone to ga a jé chajniápo gosi gai to jne rĩ é! ¡Ga jé chopome ujetiga gosi chopo darúja ua ome daru gajnaréngone to mu a gosi uru gajnaréngone chajniápo gosi gai to jne rĩ á!"

Héchos 16:16

Dire uñai enga yicagopóji rĩ uje ore catecã́ri Dupade iji. Enga yico gapua iji yui uje Satanás utocaidi déji ajei. Enga irósorone ore iplátadie garané u uje ayoréode chutṍri. Uje uaté chiraja cucha piqueminórone gu uje Satanás utocaidi déji ajei. Jecute ayoréode ore pota ore chiraja to enga ore chutṍri gapua ujetiga chatatame ore.

Josué 24:9

Mu moábgosode ore eduguéjna cuchábi doi uaque to nanique, ga pota nanique jeta chijócãre uaque to nanique. Ga moábgosode ore eduguéjnai uté i tu Balac nanique ga uté dai i tu Zipor to nanique. Mu Balac uté tibidi daijnárique bajaque nanique uje i tu Balaam ujetiga cho darúja israélgosode uaque to. Gaidi tu jórogu nanique ujetiga pésu uacáringáringo serẽrája nanique. (Daijnai Balaam uté dai i tu Beor nanique.)

1 Samuel 17:43

Goliat chojningame David: –¿Ama ajose tamocórigaja yu uje bajna pidábi ome yu jeta ajé yu ome boidábi pidape suté?– Goliat jĩraque cho darúja David ome daru noñángone ga cosa dangureni dupa quedéjna gotique ome David.