Números 22:12 - Dupade Uruode

¹² Ga Dupade narare ga chojningame daijnai Balaam uté: –Ca ajína eduguéjnai utocaidode ore to jne, enga ca o barúja ayorébui to iji ore uniri ajei. Chamáñaje e yo yurúja ore to ome cucha omone jeta ore gajnecho to.–

Números 22:12 Iomraidhean Croise

Génesis 12:2

A yipésu uaque jne enga a jiépisi uacape disi ejode jne enga a etoque ore jne enga a erámi unirisórone todo ore jne iji erámi údode jnese. A yipésu ua jne enga a ujnomerãque ua jne iji erámi údode jnese enga erámi unirisórone ore agutíyabádi tu ua jne.

Sálmos 144:15

¡Pininaquei gajnengórone u udore ore uje ore cho dajnéngu cucha arégode ucode! ¡Pininaquei gajnengórone u udore ore uje ore angureni Dupa u Pangarádejnai uté!

Sálmos 146:5

Pininaquei gajnesṍri u gosi uje átajasṍri tu jnani bajai Jacob uté angureni Dupa, ga uté anguretigai jogadi u Dadupa Pangarádejnai.

Números 22:11

Enga Balac uté chiroque daruode aja yu ga chingome yu uje cojñonguemúrique e chise ore uniri ga e déji ajei to. Enga ore tṍraji Egípto ga jiépisi ore to iji ore uniri ajei. Enga jé u uje Balac chutṍri yu to eti yo yurúja ore ga yisi ome piserẽrachúringai ome ore to, ga ore doi ore ga ore sué ore gai enga chijócãre ore iji daniri.–

Números 22:13

Ga chise dire uñai ga Balaam jĩraque niji iji durasé ga tibágui Balac irógode to ga chojninga: –Boyo ga ajníño to uje a ca yijína uaque to uje Pangarádejnai Dupade charángome yu to jeta yijína uaque to.–

Números 22:6

Jecute yutṍri ua ujetiga bo bu ga abágui yibijnane. Yigaidi u gu jeta o barúja ayorébuode udore iji yocuniri. Bamo uje jiépisi ore ga etoguipise ore rĩ, ga a ore sué yoquibai iji yocuniri to, ga a ca togome yoque jeta yijócãco ore to iji yocuniri. Uje yudute bajnomei gu uje o barúja gosi ga baruode tocade to. Uerate baruode, jeoga gajnarécho, mu yudúco uje ore tocade jnese. Jecute o barúja ayorébuode iji yocuniri enga a ca ore ujñapeque jne ome yoque to, ga yujégo ore enga yijócãcopo ore iji yocuniri to jne rĩ.'"

Números 23:23

Que daijnárique déji erámi údode ujetiga doi ga cho darúja jnani bajai Jacob uté ájnape disi ejode israélgoso ga uru gajnaréngone chacája to. Enga que daijnárique déji to jetiga cho darúja ore ga ujopiéraque chacája ore to. Ga daijnane a yijnángorása yógaja israélgosode udore to mu a yiracórase ore to mu jĩraque dara omone tṍraji yoquibijnanone ome ore to. Jecute yojningame ore: '¡Israélgosode uaque á, uacajneque pátegoningáne to uje uacangureni Dupa uecai ipesute cucha pitijabádode iji uaque to, ga yitijago uacadode jnese!'

Números 23:3

Uje e ore chujé degode udore ga jé u uje daijnai Balaam catecã́ri ore eduguéjnai Balac. Enga chojninga: –Arodape yocaseradéjnane to jne. Ga yiji ga yicáji ti uje gusu yu iji ti. Ja seca Dupade chiqueta raja yu ga yangarami uruode iji to jne ujetiga catecã́ri yu iji uté to. Enga a yingo Dupade uru quitígo ome ua to jne.– Enga cucarãte cototé déji ore dosadi iji uté to enga Balaam qui tu cucarãte cototé uaté ome dacatecãraitigade enga jé gusúpusu uté iji dacatecãraitigade jogadi uté to.

Números 23:8

Mu ¿jé yo ringome gosi to a, jeta yo yurúja gosi ujetiga ca Dupade urugaite gosi to? ¿Jé yo ringome gosi jeta yacacãre gosi to ome cucha gajnaréngone to, ujetiga Pangarádejnai Dupade e chacacãre gosi bajaque ome cucha omone?

Números 24:9

Ore gajnui tu caraté sijnátique jé aja caraté sijnángueraque uje cho dajñare ga que ayorérique doi ga cho jome ore to ga ore tṍra rome ayorérique to. Ga jé ore dóji ti to, ga ca o jome ore to. ¡Israélgosode uaque á, ujetiga gosi cho darúja uaque ome daru omone to ga a jé chajniápo gosi gai to jne rĩ é! ¡Ga jé chopome ujetiga gosi chopo darúja ua ome daru gajnaréngone to mu a gosi uru gajnaréngone chajniápo gosi gai to jne rĩ á!"

Matéo 27:19

Uje qué Piláto déji dayaripi gai uje qué chirote ayorébui ore ajéningo, enga acoté chiroque daruode aja uje chojningame: –Ca báyipieraque gajnaréngaja uté to. Uje que bárique cuse. Yĩ́cara que gu enga yurigode gajnaréchome que.–

Romános 11:29

U gu uje a Dupade e chichagárasa cuchade aja gosi yui, ga que isocai tu ujetiga qué chijnapo deranone udore iji gosi gari rĩ. Jé upo rĩ uje que chécãrapo dáyipie quitique ome gosi úringárique pibijnangaite rĩ. Ujetiga e chĩ́care ome gosi, enga jé jogate.

Efésios 1:3

¡Urénga, pisígai opejã Yocangarádejnai Jesucrísto Dayé Dupade uté! Chamáñaje uté jé upúsu uje e chacacãre yógome cucha pitijabate ponáyone jnese iji gatajnoquei. Enga gose uje yitomárangoji Crísto. Jé ũrepise uje eyúgojma Dupade guẽrate oreránguejnane udore ome uyoque, jecute que ore eruénique cusipise.