Números 22:11 - Dupade Uruode

¹¹ Enga Balac uté chiroque daruode aja yu ga chingome yu uje cojñonguemúrique e chise ore uniri ga e déji ajei to. Enga ore tṍraji Egípto ga jiépisi ore to iji ore uniri ajei. Enga jé u uje Balac chutṍri yu to eti yo yurúja ore ga yisi ome piserẽrachúringai ome ore to, ga ore doi ore ga ore sué ore gai enga chijócãre ore iji daniri.–

Números 22:11 Iomraidhean Croise

Génesis 27:29

Yipésupú enga pidaisórone a jiei ore jne iji erámi jeta ore doi baroquéode jõ. Enga a chise diri jetiga erámi unirisórone ore chichaga dagataidie iji jnumi iji baquei jnese jne. Jé cho to baté ujnacarode uñane, a ore cho deduguéjna cuchábi iji ua to jne enga a ore chichaga dagataidie iji baquei jnese to jne. Mu jetiga ore áyipiedie gajnaréngome ua jne, enga jé basa ga Dupade áyipiedie gajnaréngome betésoningo ore to jne. Jé basa ga ujetiga ore áyipiedie omei ome ua enga a Pangarádejnai Dupade áyipiedie omei ome ore to jne."

Números 22:10

Ga Balaam chajnai Dupade uruode to ga chojningame: –Moábgosode ore eduguéjnai Balac utocaidode u udore ore, ga Balac uté dai i tu Zipor nanique.

Números 22:12

Ga Dupade narare ga chojningame daijnai Balaam uté: –Ca ajína eduguéjnai utocaidode ore to jne, enga ca o barúja ayorébui to iji ore uniri ajei. Chamáñaje e yo yurúja ore to ome cucha omone jeta ore gajnecho to.–

Números 23:11

Enga eduguéjnai Balac chojninga: –Aya baruode udore. ¿Ama yibidi ua gu jeta acacãre udore ome baru ueradode udore a? Úngare, yibidi ua gu jetiga o barúja yocumajosórone ore to ome baru gajnarétigo enga apésu ore iserẽrachúringáringo to.–

Números 23:7

Uje Balaam e déji ore gari ga narare ga chósi tome ore: "Moábgosode ore eduguéjna cuchábi Balac chutṍri yu to diríca iji yuniri casé to uje i tu Aram. Ga yijíñome cucaranone iji yuniri casé iji guedé garani yui to diríca uje yicáji de. Enga eduguéjnai Balac uruode chósi tome dañosoringuéone to diríca: '¡Bé ga o barúja jnani bajai Jacob ájnape disi ejode ore to! Yojningane u israélgosode ore ujetiga asi ome piserẽrachúringai ome ore jne.' Chósi te ome dañosoringuéone diríca.

Números 24:10

Mu uje Balac chudute Balaam icotaquéode ome israélgosode ga chãrai dajmanocórodie iji gaté ga tãrara jmanegataidie ga chojninga: –¡Aya Balaam! Uje yibidi ua gu jetiga o barúja yocumajosórone to ujeta apésu ore iserẽrachúringáne to. Mu bedu bacotaquéode ome ore enga e gadioque bacotaquéode jogadode ome ore to.

Josué 24:10

Mu yaquĩ́ra Balaam uru gajnaréngone iji pijnani to nanique, enga yicha dara omone aja pijnani to nanique. Ga jé u nanique uje Balaam narare nanique ga cho darúja israélgosode nanique ome cucha omone to nanique. Ga jé u nanique uje yiqueta uágome cucha gajnaréngone nanique ga jé u uje uacajnuéño ore gáyode jnese nanique.

1 Samuel 17:43

Goliat chojningame David: –¿Ama ajose tamocórigaja yu uje bajna pidábi ome yu jeta ajé yu ome boidábi pidape suté?– Goliat jĩraque cho darúja David ome daru noñángone ga cosa dangureni dupa quedéjna gotique ome David.