Números 21:16 - Dupade Uruode

¹⁶ Ga jé u nanique uje israélgosode ore jno ga ore chise yote quedéjnai uje i tu Arnón, ga ore jnopo rĩ ga ore chise ore ajmite uñai uje i tu Beer. Ga Beer uté i qui tu ore jochai yote. Ga jogadi u uté nanique uje Yocangarádejnai catecã́ri Moisés iji to nanique enga chojninga: "Amáta barasade ore aja ñane to ga jé u ujetiga yisi ome yodi ome uaque to."

Números 21:16 Iomraidhean Croise

Génesis 21:19

Enga jé u uje Agar dopísi Dupade uruode. Enga chajniápo aja daquigade rĩ enga jé u uje chimo gajño uje Dupade chingo jogadi taja. Enga irágupúsu yodi. Enga jé u uje chirate dago cucha ao iji enga jno údi aja Ismael ujetiga chóji to.

Éxodo 17:6

Uje a yirote uáguiji pajmini uté jne uje i tu Horeb ga a yajo yu aja cucarané cucháberaque dosatique jne iji to. Uje e eso yojningai uté pajmite gajneri ga ajé cucarané uaté ome bogué jne ga a yodi tṍraji jne ga barasade ore chóji yote bayai tuté jne.– Enga Moisés doi Dupade uruode ga Israel ájnape disi ejode ore dáquiode ore pañapísiji uje Moisés chujé cucarané cuchabé uaté ome dogué.

Juan 4:10

Mu Jesús chajnai samáriagoto uaté enga chojninga: –Ísega ca araja to uje Dupade pota ujetiga chisi ome cuchadatei ome ua. Enga a ca araja uyu gosi uje yutai yodi iji ua. Ujetiga arajárase yu enga a atárasi yodi iji yu enga a yisírasome yote uecai ome ua.–

Juan 4:14

Mu ujetiga gosi chóji yerani yote uecai enga que toque ujetiga uté gosi qué cajnóriji. Chamáñaje yerani yote ome uté gosi gajnui u sibíjnai iji gosi ajei ujetiga ca íjnongapo rĩ, jé iji deréjnane jnese. Enga gosi eca iji deréjnane jnese to.–

Apocalípsis 21:6

Unojo quigade enga chojningame yu: –E yimate cuchade jnese. Yajnua tu purusãra bajé uje i tu A, jé basa yajnua tupo purusãra ejópise uje i tu Z. Chamáñaje bajaque yu ome cuchade jnese, mu uje cuchade udore chise deruéode mu jé yijogate. Jecute uté gosi uje cajnóriji, enga a yisi ome yote uecai tome uté jne uje tṍraji sibíjnai iji gaté enga bisideque yerani yote tome uté gosi.

Apocalípsis 22:1

Enga Dupade iroque gaté unirísõre chingome tié tome yu uje uaté que iguínique cuse. Enga tié tuaté yocárepise uje pucuecaringuei déji uaté. Enga cho ajicaranone. Enga tié tuaté tṍraji Dupade, Jesucrísto ore charipi cuchábi. Uje Jesucrísto uté gajnua tu áyasa pẽrapáideraque.

Apocalípsis 22:17

Dupade Ujopié Espíritu Sánto, áyasa gajnui Jesucrísto gajma ore dejéna uágaja daquigade. Enga ore chojninga: –Boyóji te é.– Jecute udore ore jnese uje ore chudute ore pijnane enga ore doi to enga ore tibidi to enga ore chojninga: –Boyóji te á.– Uacuñeque ujetiga cajnóriji, enga gosi tibágui ore pijnane udore enga chóji yote uecai iji ore gari. Chamáñaje Dupade guẽrate bisideque gu yote uecai tuté.

Juéces 9:21

Uje Jotam chejna daruode udojo guesi ga jĩraque chayome ore, ga chijna dagajñua aja ore idai uje i tu Beer ga chácariji uté to uje todo dayai Abimelec gu.