Números 21:1 - Dupade Uruode

¹ Enga jé u uje israélgosode ore jnopo rĩ ga ore chaquesúrase ore uniri Neguev iji gatócoro to. Mu arádgosode ore eduguéjna cuchábi chudute to uje israélgosode chajna dajei taja ore idai Atarim yui to, ga ore eduguéjnai uté chojninga: "Yico ga yajningaco ore iquei to ga yujégo ore to." Enga ore doi pocaningai ome israélgosode enga ore chisa uñane ga ore jno ore údi to.

Números 21:1 Iomraidhean Croise

Génesis 12:9

Enga ore jnopóji uté rĩ enga que ore ibisógaja dajesui, mu ore moji udore, udore aja daqui ore idai Neguev yui.

Números 14:45

Ga ore chise cucarani mu amaléquegosode, cananéogosode ore tuangóa ore iji uté to ga ore chujé ore ga ore chucajningárome ore iji uté to ga ore chose ore iji ore idai Hórma nanique.

Josué 12:14

Hórmagosode ore eduguéjna cuchábi. Arádgosode ore eduguéjna cuchábi.

Josué 7:5

Enga háigosode ore cugujnáji israélgosode ore iji ore ujuyaquei joride ga chicha degode aja joride ejode iji israélgosode, ga ore yugode chise 36 ore iji Josué urasade udore. Ga qué ore cugujnápoi ore gaté rĩ, ga ore chicha deque gatéode aja ore ejopiéraque uje ore jochadíe u cucaranenie iji uté, ga ore chicha deque ejode cachodode aja ore ejopié uaté ejode to. Enga jé u nanique uje israélgosode ore serẽrája iji háigosode ore jmainie, enga que ore chichagápo raja dáringárique pujnuéngaisṍre rĩ. Enga ore chayome ore jnese.

Juéces 1:16

Moisés iyoquíjnai uté uje quinítagose nanique ga i uñai tu Hobab. Ga uté ujnacare disi ejode ore déji ore idai nanique uje i tu Picadebui, uje e ore cho darása iji judágosode to. Mu chise diri nanique uje quinítagosode udore jnoji dedai tuté ga ore nóna judágosode uñane aja erãpetarei iji judágosode uniri ajei ga déji umusoi garani yui. Ga idógosi ore idai uje i tu Arad. Ga ore chácariji uté, ga ore cho dedáji uté.