Números 20:4 - Dupade Uruode

⁴ Moisés á, ¿gotique gu a uje borei Dupade urasade uyóguiji erãpetarei udé to ica? ¿Ama bagaidi u ica jeta yitogóji udé to ga yipatíorango yocachidode cuchiso to jne a?

Números 20:4 Iomraidhean Croise

Sálmos 106:21

Ore chicadígui daquetasṍri Dupade uté, uje uté u uje pésu cuchadatéode iji Egípto ome ore.

Éxodo 16:3

Uje ore chojninga: –Uje yugúcoji Egı́pto ica ga yichago yoquĩraca piagode aja yoquejode ica uje yocãraqueguedie aquirájna irágu ga subudé yóguiji ejode ica ga que yejnángo. Mu uje uacajnicho yóguiji Egı́pto ica ga uacoreyoi yóguiji erã́petarégode udojo ga a yitogoi ome cutejmane yoquiyaguhéo jne iji udojo. Jé go uje Dupade que noñome yóguiji Egı́pto ica ga yichago yocóderigui aja uté to ica, mu a yichago yocóderigui aja erã́petarégode udojo gajneri uje Dupade chorei yóguiji erámone udojo ica.–

Éxodo 17:3

Ga Israel ájnape disi ejode udore jé ãre chejna ore ga jé u uje ore chedo Moisés iji dajade jnese. Ga ore chojningame Moisés: –¿Gotique gu uje bajnime yóguiji Egípto ica ya? A bajéode u jeta yitogoi ome yocuyátigo iji erámone udojo, yocabode ore uyoque, jé aja yocachidode cuchiso ore jnese.–

Éxodo 5:21

Jnanione udore ore chojningame Moisés, Aarón ore: –Uaque u uje uacapéso Faraón ájningai ome yoque, ga iroquéode chácariji yocúdode ome uacaringaquéode ome yoque ga jé areque jeta Dupade cho dajuñame uaque jne. Yejnárejo yógome capatadie, Faraón ore gu uaque diríca. Cho jetiga asíñome asṍrerangome Faraón ga chujé yógome uaquerané uaté uacasõre uje iróguedie capatai que ore chajire dejopoi ome yoque gu uaque diríca.–

Números 11:5

Urénga ueradéjna nanique uje yicoi egíptogosode ore iroquéode nanique ga yajo ore gueranone oyite arione to nanique enga subudépise yóguiji arione to nanique. Mu que gusu oyídode arione nanique mu yajo ore acade cucha to nanique, jé aja pepínonie, jé aja melonie, jé aja cebólladie, jé aja ájodie.

Números 14:2

Uje dire uñai nanique ga ore pojna Moisés, Aarón ore údode to ga ore chojninga: "Omi turásu jeta jé yácagoji Egípto to ica enga yichagorása yocódedie aja to jne. Jeoga yichago yocódedie aja erãpetarei udé ajénigo.

Números 16:41

Ga chise dire uñai ga jé israélgosode ore chaguhéta Moisés, Aarón ore gai ga ore chojninga: –Uaquejnáño yocurása casodé ore to diríca uje Yocangarádejnai Dupade urasapísode u ore múñi.–

Héchos 7:35

Ore gueteque Moisés nanique uje ore chojningame: "¿Jé gosi iroque ua aja yoque ujetiga ajire yocadode aja quigode ujetiga yoco yocangarádejnai iji ua ya?" Ore gueteque mu Dupade jé chiroque aja ore ujetiga ore cho deduguéjnai iji ujetiga chijnime ore iji egíptogosode gari. Dupade jé urúo udore ome Moisés uje Dupade utocaidi chiqueta raja iji porabia.

Juéces 11:16

Uje yocáquiode israélgose ore jnoji Egípto nanique ga ore chicáji erãpetarei ga ore qui tu Yote Quedéjna Caratai. Ore chicáji uéchamitó to aja pajmini uje i tu Cádes nanique.