Números 20:13 - Dupade Uruode

¹³ Ga israélgosode ore ajminémei uté i tu Meríba ome ore. Ga Meríba uruode qui tu "Angoninguite Parigode Jodébei Yote" to. Uje ore pota dojnóngaja Dupade iji uté to, mu Dupade que chejna ore ome ore idojnóngamátigade, mu chisi ome dacaniratiguéode ome ore to ga úringai ueque ome pisijnaringuéone pijógome ore iji uté nanique.

Números 20:13 Iomraidhean Croise

Sálmos 81:7

Babidi yu ome báyuguhebátigade ga yiqueta ua ome udore. Yichajnai ua iji yibié uaté gue abuja uje guéode uruode cho dapoguiépidi iji uaté. Ga yetingare banguretigai iji gajño uaté uje i tu Meríba.

Sálmos 81:8

Urénga, yurasade uaque á, angáchoi yu ga a jé yisíome yaquĩraquéode ome uaque jne. ¡A jé angáchobírasi yu, israélgosode uaque á!

Sálmos 95:8

Uje uté chojninga: –Ca ajároyo uágaja ome yuru quigode, enga ca oyo uacayode ore uje ore áyipiedie uajádei iji pajmini uje i tu Meríba icaite, ga ore isocai upo rĩ iji pajmite uñai uje i tu Masah iji diri tuté iji erãpetarei.

Éxodo 17:7

Ga Moisés pésu pajmini uté i nanique ga chĩ́care Meríba aja. Meríba i qui u Pichietabátigade Jogadi. I uñai u Masah nanique. Ga Masah i qui u Petingaquéode Jogadi, chamáñaje ore chetingare Dupade nanique gu. Ga ore chojningame daruode: "¿Ga Pangarádejnai gotique déji yoquejode, jeoga jé ca déji yoquejode? ¡Uje chiese yocagutíyabádi u uté mu que ujñapegome yoque iji yoquiyaridi udé!"

Deuteronómio 32:51

Bamo gu uje batigate Aarón, uhuaque que beyoi yuruode ica iji uacarasade israélgose ore iquei to. Yojningai tu uje uacagúsoi erãpetarei Zin ica iji uacapáringai uje i tu Meríba-Cádes. Uacarasade ore pojna uágome dayádode to ica. Enga yojningame ua ica: 'Be, ga acatecã́ri cucarané to ga a yodi tṍraji to ome baruode.' Mu bayó yuruode gai ica ga bajé cucarané. Enga cho jetiga oyo cucha bisidéguiji yu iji ore iquei ica.