Números 20:11 - Dupade Uruode

¹¹ Ga Moisés chejna daruode udore guesi ga chujé cucarãte cototé tuaté ome dogué to. Ga chujé ga gare. Ga yodi jĩraque tṍraji cucarãte cototé iji ore edominone to. Ga jĩraque israélgosode doi yodi ga ore chóji to, ga ore chisiapo dachidode cuchiso iji to rĩ.

Números 20:11 Iomraidhean Croise

Sálmos 105:41

Jé basa ga chajuque cucarané uaté ga yodi pojnámiji uaté ga chayóji erã́petarétique údode ga cho tié bayéraque aja dajesui.

Sálmos 114:8

U gu uje uté pésu cucarané ga nóña ga gajño; cucarané timingue mu nóña ga simíjnai tṍraji uaté.

Sálmos 74:15

Ga ua u uje bajuque cucarané uaté ga bapésu jeta yodi pojnámiji uaté ga cho tié bayéraque aja dajesui; jé basa ga yote quedéjnane déji uje eteque cajnóri mu ua u uje bapésu udore ga dajuque udore jochai to ga que yotique dépoji rĩ.

Sálmos 78:15

Uté chajuque cucaranenie iji erãpetarei uté, ga chisíome yote podi ome ore jeta ore ujuyapise ga cho yote quedéjnane ajédatéode ome ore.

Sálmos 78:16

Dupade pésu ga yodi pojnámiji cucarané uaté ga chayo aja jnumi yui ga cho tié jochatique aja dajesui.

Sálmos 78:20

Jé ũré uje uté chujé cucarané jeta pojna ga yodi tṍraji uaté ga cho yote bayade aja dajesúrique diríca, mu ¿jé chisírasome cucha pibotique ome yoque to a? ¿Ga jé chátarása cucha ãríringo aja to a, jeta urasade uyoque yajo udore?–

Éxodo 17:6

Uje a yirote uáguiji pajmini uté jne uje i tu Horeb ga a yajo yu aja cucarané cucháberaque dosatique jne iji to. Uje e eso yojningai uté pajmite gajneri ga ajé cucarané uaté ome bogué jne ga a yodi tṍraji jne ga barasade ore chóji yote bayai tuté jne.– Enga Moisés doi Dupade uruode ga Israel ájnape disi ejode ore dáquiode ore pañapísiji uje Moisés chujé cucarané cuchabé uaté ome dogué.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

1 Coríntios 10:4

Ore chóji yodi to jnese uje tṍraji cucarané cuchabé ome ore. Mu cucarané tuaté gajnui tu Crísto. Enga Crísto upúsu to uje nóna ore aja ore ajesúode erámio nanique enga cho ujetiga yote unéri tṍraji uté to ome ore enga ore agutíñamáite uté jnese nanique.

Santiágo 1:20

Mu gosi ujetiga jĩraque ájningarãque ome daruode, enga imoi tu uje que doi Dupade áyipie omenie quigode ome re.

Juéces 15:19

Ga Dupade chuchẽre parurébia gai iji Sansón ejoi. Ga yodi tṍraji ga Sansón chóji yodi uté enga úringai tuqué ãre pose jĩraque jno. Enga yodi uté jé jogate gatuaque iji ore idai Léhi ejoi. Ga ore pésu yote tocachui uté i ga ore chojningame 'Dupade Utaisṍri Chimo Dataidi Yote Tiji Dejoi'. Ga uté i tu En-hacore ome israélgosode ore nanique.

1 Samuel 15:24

Jecute Saúl chojningame Samuel: –Jé ũré ua uje yiyó Dupade uruode gai que, ga que yi bojninga casodé quigode gu uje yitodo yurasade ore uje ore nóna yu aja yoquijocaningai que. Ga ore chiroque yu aja cuchade udore. Jecute yipésu ore ojningane cucha udore.