Números 17:8 - Dupade Uruode

⁸ Dire uñai ga Moisés chicapóji Dupade iguíjnai ajé uñai rĩ enga chajire Aarón ogué ga ujnienie cuse to. Mu que gusu ujnienie mu pojnánguenie cuse to. Enga adie cusapo to rĩ enga adie udire e timanipise to ga adie udire i tu alméndra. Ga obiréjnapise uje Dupade ajegaidode u levígosode ome daroquéode to. Mu ajegáitedatéi upúsu levígosode ore utocaidi Aarón ome daroquéode to uje ogué tu gu uje ujnienie cuse to.

Números 17:8 Iomraidhean Croise

Sálmos 110:2

A Pangarádejnai tẽra dapijoguto docogué ome ua jne iji Sión, uje íode uñai tu Jerusalén, ga docogué uaté imoi tu báringai ujopíerãque cuchape. ¡A Pangarádejnai uté pésu ga ajnué bamajósoningo ore gai jne jeta o baróguiji udore ore jnese jne!

Números 16:5

Enga Moisés chojningame Coré, jorane ore jnese: –A Yocangarádejnai chingopísa dajegaidi daróquedaté aja yoque dirome. Ga a obiréjnapise ingarai iji yoque dirome ujetiga doi iroquéode. Ga a gusu Dupade ajegaidípisi jne ujetiga pujuegate Dupade yui ome uté jne iji iguíjnai.

Números 17:5

Ga a yipésu yajegaidi uté ogué jne enga ujniéringui cuse to aja guesi yui. Ga a obiréjnapise ome ujode pangarácho ore to uje yajegaidi tu uté gosi uje ogué ujnienie cuse to. Yigaidi u gu ujetiga israélgosode ore chiraja uacáringane yajegaicho ga ore cha bu dachietabáitigade ome uaque to iji yiquei."

Números 17:9

Ga Moisés doi ore oguedie jnese iji Yocangarádejnai Dupade iquei, ga jno udire údi aja darasade israélgoso ujetiga ore chimo to. Quigade enga gajnesórone ore chisa doguedie jnese.

Hebréos 9:4

Gaserani déji Ajé Puyaguipísi uté rĩ uje óro ueque. Enga uté u uje ore chãru cucha ai unérone iji. Cuchade pi dépoji rĩ enga óro déji gañámi jnese. Cuchade pi uté i cuse to enga ore chĩ́care Dupade uru iyiejájnane pi cajo aja. Co déji cuchade pi uté ajei to rĩ enga óro uegue co uaté to. Enga Dupade iringuíone arureque déji ajei uje i tu maná. Enga jnani bajai Aarón ogué dépoji cuchade pi tuté ajei to rĩ. Uje ogué uaté u uje agatadi sué nanique. Enga Dupade áyipiedie jogotodie cucaranei dépoji cuchade pi ajei to rĩ.