Números 17:5 - Dupade Uruode

⁵ Ga a yipésu yajegaidi uté ogué jne enga ujniéringui cuse to aja guesi yui. Ga a obiréjnapise ome ujode pangarácho ore to uje yajegaidi tu uté gosi uje ogué ujnienie cuse to. Yigaidi u gu ujetiga israélgosode ore chiraja uacáringane yajegaicho ga ore cha bu dachietabáitigade ome uaque to iji yiquei."

Números 17:5 Iomraidhean Croise

Ésdras 2:62

Uje jnanione udore chucué déode iji dáquiode urusarane mu que ore chise déode iji darujna aode udore. Jecute que toc ujetiga pangurete ore ome dáringáringo Dupade irócho, ga que pujuegate ome ore jeta ore doi Dupade iroquéode iji iguíjna cuchábi nanique.

Sálmos 105:26

Pangarádejnai chiroque daroi Moisés, jé aja dajegaidi Aarón uté.

Isaías 11:1

Cachi jnani bajai Isaí toi nanique ga gajnua tu pore togué uje cṍraja jnumi. Mu a chise dínique jne ujetiga ujniéraque suépo rĩ ga uté ájnape disi ejoi a u jne ujetiga ujnomerã́quedatépise.

Números 11:1

E chise diri nanique uje Dupade chudute israélgosode ore úringane chi-chi-chío uje ore narañime cucha dacadode gu. Ga ore chijnime Dupade ájningai ome raque nanique ga Dupade chiroque pioi aja ore irengúi ga ore chácariji pioi ajã́ro ga chajuguipise ore agutedie.

Números 16:11

¿Jé gotique a uje gajnarécho uacaruode ome Aarón que, uje que uté ichajapite re aja Dupade iroquéode nanique? Cachi uacachietabáidi tupúsu Dupade, uje Dupade u gu uje chisi ome yoquisagode ome darógode uyoque jnese.–

Números 16:5

Enga Moisés chojningame Coré, jorane ore jnese: –A Yocangarádejnai chingopísa dajegaidi daróquedaté aja yoque dirome. Ga a obiréjnapise ingarai iji yoque dirome ujetiga doi iroquéode. Ga a gusu Dupade ajegaidípisi jne ujetiga pujuegate Dupade yui ome uté jne iji iguíjnai.

Números 17:10

Ga Dupade chojningame Moisés: "Bopo Aarón ogué údi aja yiguíjnai ajei rĩ uje ujnienie cuse gu. Ga acháji yuruode pi cajo iquei to. Yigaidi tu gu jeta ca potigayaquérique déji barasade ore ome Aarón, ape disi ejode ore úringane yirócho iji ore ujade, uje yiraja ore gu uje ate noñaque barasade udore enga jecucha ga ore tagu yuruode aja. Mu jé socaseti ore jnusina Aarón ogué isocade jne enga jé u ujetiga ore cha dachietabáitigade to ome yu, enga a ca yujé ore jne."

Números 17:6

Ga Moisés chingopísa Dupade uruode ome israélgosode enga jé u uje ore angaránone di doguedie údi iji Moisés to. Ga gare iji yirídai to ore oguedie. Ga Aarón ogué déji ore oguedie ujai to.

Números 17:8

Dire uñai ga Moisés chicapóji Dupade iguíjnai ajé uñai rĩ enga chajire Aarón ogué ga ujnienie cuse to. Mu que gusu ujnienie mu pojnánguenie cuse to. Enga adie cusapo to rĩ enga adie udire e timanipise to ga adie udire i tu alméndra. Ga obiréjnapise uje Dupade ajegaidode u levígosode ome daroquéode to. Mu ajegáitedatéi upúsu levígosode ore utocaidi Aarón ome daroquéode to uje ogué tu gu uje ujnienie cuse to.

1 Coríntios 10:10

Yirajágo to uje yocayode jnani bajácho uñane ore cho chere, chere ome Dupade to nanique uje ore chetaque adode. Jecute Dupade chiroque daroque gaté unirísõre dequejnangóri aja ore ujetiga chujé ore. Enga uásejna togode. Jecute ajuso uaqueo to enga ca oyo chere, chere ome Dupade to.

Josué 4:7

Enga a achajnáñoi ore urúrigo to jne enga a ojnichome ore jne: 'Chimo cuchade arĩa. Uje yajujo tiédaté Jordán nanique ga Dupade uruode pi cajo jnungórone ore chuchiéjna yodi pijnanai jnese nanique ome darídade ga jé u uje Dupade chaquĩ́ra tié iji ore dosadode nanique iji daruode pi cajo iquei. Ga nóña ga jnupe cajnore ga israélgosode uyoque yirijoji uéchai jnese nanique. Ga yijnójo tié jochai jongotodie cucaranei aja guesi nanique ga yipéco unucodé iji yoquirengúi gatócoro nanique. Yoquigaidi tu nanique gu jeta yimóngo yocujnunguenie udire ga yujnusínango Dupade ipesútedatéode ome yoque to.'"