Números 16:5 - Dupade Uruode

⁵ Enga Moisés chojningame Coré, jorane ore jnese: –A Yocangarádejnai chingopísa dajegaidi daróquedaté aja yoque dirome. Ga a obiréjnapise ingarai iji yoque dirome ujetiga doi iroquéode. Ga a gusu Dupade ajegaidípisi jne ujetiga pujuegate Dupade yui ome uté jne iji iguíjnai.

Números 16:5 Iomraidhean Croise

Sálmos 105:26

Pangarádejnai chiroque daroi Moisés, jé aja dajegaidi Aarón uté.

Sálmos 115:10

Aarón ájnape disi ejode uaque á, anguretáyo Pangarádejnai Dupade uté, uje átapi uaque ga ichajaque raja uaquei ome cuchade jnese.

Sálmos 65:4

Pininaquei gajnesṍri tu gosi uje bajegaite uté, ga bacha uté aja barosadi jeta cho dajogadi iji bejoi uté iji baguíjna cuchábi dosadode gatuaque. A yũrúangoji cucha uerate dipeséode udore jnese iji baguíjnai uté, uje baguíjna cuchape pirosobádi u uté.

Éxodo 28:1

Dupade chojningame Moisés gaté: "Moisés á, aquĩ́ra bayai Aarón iji bejoi jne jeta yo yiroguipísiji uté to jne. Jé aja ujnacarode ore to uje ore íode u udojo: Nadab, Abiú, Eleazar, Itamar ore. A yo yirógode iji ore to jne rĩ jeta ore cháta cuchade aja dayé iji yiguíjna puyai uté jne. Ga udore ore u jne iji uacarasade israélgose ore ujade jeta ore doi yiroquéode jne.

Éxodo 28:41

Ujeta e amate bayai Aarón, ujnacarode ore iguidedie udire jne ga be aceite jne enga aníraja udore ore ójodie to uje aceite gãrapi u poria adie uje poria uaté i tu olívo. Ga imoi tu uje udore e pirosobácho ore ome darasade to, enga ore úringane yiroguipíso quene pijoque uje yingara ore jogadi ome yiroquéode.

Éxodo 28:43

Enga a jecucha Aarón, ujnacarode ore chijna dacalzoncíllodie jne jeta ore chacája yiguíjna cuchábi ajei, jeoga ore déji ore aseradéjnai dosadi. Jeta ore pésu cuchade jnese iji yiguíjna puyai uté jne, ga jé ca chimoque jne jeta ore chijna ga jé ca ore chejñu iji re jeta e ore déji dasagode yiroquéode gáyode. Ore gaidi u gu jeta ca ore cho parágome Dupade uyu yojningane cucha uñeque, enga a jé ca gosi toi jne iji dasagode udore gai ¡paque! Enga yujúdode udojo que cucha noñaque gotique quigode, uje que toque jeta jé ca pipesute udojo quigode. Mu que yedu Aarón, ujnacarode ore ome gotique mu jé yojningane u Aarón ape disi ejórigo ore jnese to jne jeta ore basája ore charidode udore to jne."

Malaquías 3:18

Enga a jogadi upo to jne rĩ jetiga ajníño yibai. Enga quene jogadi tu ujetiga oyo pisoca omone ipesusórone iji yijnorasórone, jé basa ga a oyo cucha gajnaréngone ipesusórone iji yetesórone ore. Chamáñaje a quene arajáyopise pisoca omone, cucha gajnaréngone ore iji uñane ujade to gu. Enga a arajáyopise yanguresõripísode iji tágode ujade to jne rĩ."

Números 16:3

Ga ore nóna ñane aja Moisés, Aarón ore to. Ore gaidi tu jeta ore chusẽre ore edodie to. Enga ore chise Moisés, Aarón ga jĩraque ore chusẽre ore edodie to ga ore narare ga ore chojningame ore: –Yachógopíse uacajosipiedie to uje uacoyo ayorédatéi iji uaque to ga uacajnáño uacamenuringuéone ome yoque to. Jecucha ga uacasíyo uacabáyode ome Dupade uje chiese Dupade iroguipise uáguiji yocujade to. Mu Dupade ajegaite israélgosode uyoque jnese. ¿Ama gosi guẽrate uacamenuringuéone ome uaque ujetiga yangácoi uaque to ga gusu pangarate uaque to a?–

Números 16:6

Ujeta jec ũré anguretáyo uágome Dupade iroquéode to ga obechoi Dupade iguíjnai dirome jnese. Ga beyoi uaquerásorone uje pioi jnupuñúringai gajnei tu ga asicho cucha ai unéri taja pioi jnupuñúringai gai to ga boyo údi aja Dupade iguíjnai ajei to. Ujetiga Dupade chimesẽre uaque gosi isocade enga a obiréjna jne uje Dupade ajegaite uté gosi. Ueradéjnapise Dupade gueranone daroquéo ome levígosode uaque to, mu añuchopúsu uaqueo to ome Dupade uje e uacajnachoi Aarón isagode cucha ome uaque to.–

Números 17:5

Ga a yipésu yajegaidi uté ogué jne enga ujniéringui cuse to aja guesi yui. Ga a obiréjnapise ome ujode pangarácho ore to uje yajegaidi tu uté gosi uje ogué ujnienie cuse to. Yigaidi u gu ujetiga israélgosode ore chiraja uacáringane yajegaicho ga ore cha bu dachietabáitigade ome uaque to iji yiquei."

Números 17:8

Dire uñai ga Moisés chicapóji Dupade iguíjnai ajé uñai rĩ enga chajire Aarón ogué ga ujnienie cuse to. Mu que gusu ujnienie mu pojnánguenie cuse to. Enga adie cusapo to rĩ enga adie udire e timanipise to ga adie udire i tu alméndra. Ga obiréjnapise uje Dupade ajegaidode u levígosode ome daroquéode to. Mu ajegáitedatéi upúsu levígosode ore utocaidi Aarón ome daroquéode to uje ogué tu gu uje ujnienie cuse to.

Juan 15:16

Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Héchos 1:2

Enga yingopo ipesute ejode jnese aja ua to rĩ uje pésu nanique uje cáma jnome gaté. Mu uje cáma jnome gaté nanique enga doi dajegaidode iji dacadigode ujade ujetiga chingo dáyipiedie aja ore enga ore doi iroquéode. Enga chĩ́care darógode 'apóstoles' aja ore. Enga Jesús garíjogoto u Dupade Ujopié Espíritu Sánto nanique uje pésu cuchade udore.

Héchos 1:24

Enga ore catecã́ri Dupade enga ore chojninga: –Yocangarádejnai Dupade á, barajapise ore áyipiedie jnese. Jecute ango yoque bajegaitíguiji jnani gáreode udore ore.

Héchos 13:2

Dire uñai uje udore ore catecã́ri Dupade iji ñane gari enga ore chopo uyatáguiji re rĩ ome dacatecãraitigade ome Dupade. Enga jé u uje Espíritu Sánto catecã́ri ore enga chojninga: –Angaráño Sáulo, Bernabé ore jogatígome uaque ujetiga ore doi yiroquei uñeque uje e yimánome ore.–

Héchos 15:7

Iyajmaque ore ome dabotaquéode enga Pédro chague enga chojninga: –Yujode Jesús anguretasórone uaque, uacarajáyo jnese uje diyajmaque ica uje Dupade ajegaite yu iji uacajade ujetiga yacate purása quedéjnane ome Jesús adode to. Gaidi u gu ujetiga purása quedéjnane changureta Jesús to.

Héchos 22:14

Enga Ananías chojningápome yu rĩ: "Yocayode jnani bajácho angureni Dupa e imeserãque ua, enga ajéode u ujetiga araja áyipiedie quitígo. Enga ajéode upo rĩ ujetiga amópise utocaite paraguipísi Jesús enga adute uté uruode to iji pijnani.

Efésios 2:13

Mu e cuchade chécãre re ome uaque. Iji deréjna cásodicáite iji uacaquigade udore ga jé ũrepise uje idájapise uáguiji Dupade. Mu uje e uacatojmárañoji Crísto uté ica, enga quene jogadi tu uje Dupade chorei uáguiji dei. ¡Jecute e idógosipise uáguiji Dupade uté, enga gose Crísto uté iyoi úringai pojneque! Chamáñaje Crísto chojne ome dayoi ome uacasijnaringuéone úringane pĩrocho gu.

2 Timotéo 2:19

Mu que pumuchayaque Dupade ojningane cucha. Uje chojninga: "Yocangarádejnai chiraja danguresõre ũrepísode." Chojningápo rĩ: "Gosode uje ore cho Crísto anguresõre iji re enga ore gajnei tu ujetiga ore chetaque pisijnaringuéone jnese ome raque."

Hebréos 12:14

Acueyoi pajesereringane ome uacojode ayoréo ore jnese. Enga eduyo Dupade iji uacáyipiedie. Ujetiga gosi ca chedu Dupade iji dáyipie enga a jé ca chimópise Yocangarádejnai jne.

Apocalípsis 1:6

Enga pésu yoque enga eduguéjna cuchape yoque to ujetiga yicoi dai Dupade iroquéode to. Enga yocajnúone u jnani bajade angaránone sacerdote uje ore chedu Dupade iroquéode nanique iji Dupade iguíjna cuchábi. Jecute beyoi enga yisigopise Jesucrísto uté gai iji deréjnane jnese jne ome úringai ujopíerãque, ome ingoningádatéi to rĩ. Amén.

1 Samuel 2:28

Yajegaite levígosode jeta ore chuse yiguíjnai adode guio nanique iji israélgosode ore uáguedie uñanie ujade. Enga ore gajnei tu jeta ore chipotame darasade gueranone ore gachite cuchiso nanique ome yu. Ga ore chipotapome cucha ai unérone nanique rĩ iji yiguíjnai ajei ga ore u jeta ore tujúna yáyipiedie pijogútodie uje i tu efod nanique uje ore pésu cuchade aja quigode nanique iji yiguíjnai ajei. Ga israélgosode ore tẽra deranone cucha ome yu nanique uje jecucha ore isocai u gu, ga yujuéga jetiga yirógode ore chagutíyame udore ore isocade udore nanique. Ga levígosode ore gajnepídi upo rĩ jeta ore tagu darasade gachidode cuchiso udore arione nanique uje ore chisi ome yu. Uje uacãrapíode u jnani bajai Leví ore to ga jé uacabeyoi ore isoca cásodicáite to iji yiguíjnai tudé.