Números 16:3 - Dupade Uruode

³ Ga ore nóna ñane aja Moisés, Aarón ore to. Ore gaidi tu jeta ore chusẽre ore edodie to. Enga ore chise Moisés, Aarón ga jĩraque ore chusẽre ore edodie to ga ore narare ga ore chojningame ore: –Yachógopíse uacajosipiedie to uje uacoyo ayorédatéi iji uaque to ga uacajnáño uacamenuringuéone ome yoque to. Jecucha ga uacasíyo uacabáyode ome Dupade uje chiese Dupade iroguipise uáguiji yocujade to. Mu Dupade ajegaite israélgosode uyoque jnese. ¿Ama gosi guẽrate uacamenuringuéone ome uaque ujetiga yangácoi uaque to ga gusu pangarate uaque to a?–

Números 16:3 Iomraidhean Croise

Sálmos 106:16

Iji ore irengúi ga ore charatáyime Moisés úringai eduguéjna ome; ga ore isocai upo rĩ ome Aarón, uje Pangarádejnai cãraque uté ome daroquéode.

Sálmos 68:17

Dupade gajnéone guebéquedatéo déji uje pocaningane gajnecho udore ga jiépisi ga ore batigai sué veinte mílnie, jé aja mil dipeséjnanie ore gai. Uje Pangarádejnai tṍraji cucarani Sinaí uté ome dáringai pirosobate nanique, enga adi jé u to uje chicáji daguíjna ajé pirosobádejnai uté iji Jerusalén uaté.

Éxodo 19:6

Ga a yipésu uaque jne enga a oyo sacerdóteode jnese iji jnumi iji yojningai uté uacaniri údode jnese jne. Uje a jé oyo uacasaque cucha pisaguíji yúringai picatecãraite iji uacaniri tuté údode. Ga a oyo punire pirosobátique jne uje yingaraque uacaqui gu ujeta eduyo yadode aja uacajesui uté jnese.' Ga ango udojo aja bojode israélgoso ore jne.–

Números 14:14

Jetiga egíptogosode ore chudute to jne uje bejna israélgosode ore uyoque to enga a ore chingome cananéogosode ore to jne enga a ore chujñieta ua to. A e ore chudute uje israélgosode Yocangarádejnai tu ua ga bajína yógaja quedéjnane to. A e ore chudute to jõ uje yijínango ñane iji cucarani ójo diríca ga bo ayoré iji ua to ga yicatecãcoi ñane iji cucarani uté ójo to diríca. A e ore chudute bajnomei to uje yajnángo batocaidé gue abuja iji jnumone to iji dirode jnese, mu chise dejai to ga gue abuja tuaté pésu re ga díreca ejode to iji dejade ga uaté idírecaringuéi chijñate yoquibáyode to iji dejade. Ga gajnua tu yoquijnaningone cucha.

Números 16:11

¿Jé gotique a uje gajnarécho uacaruode ome Aarón que, uje que uté ichajapite re aja Dupade iroquéode nanique? Cachi uacachietabáidi tupúsu Dupade, uje Dupade u gu uje chisi ome yoquisagode ome darógode uyoque jnese.–

Números 16:41

Ga chise dire uñai ga jé israélgosode ore chaguhéta Moisés, Aarón ore gai ga ore chojninga: –Uaquejnáño yocurása casodé ore to diríca uje Yocangarádejnai Dupade urasapísode u ore múñi.–

Números 23:21

Israélgosode ore gãrapi u yedójnari jnani bajai Jacob nanique, ga que ayorérique déji jetiga chise ore iyoguérique to. Ore angarádejnai Dupade déji ore gari ga uté nóna ore aja quedéjnane to. Erámi unirisórone uñane ore cho deduguéjnane iji dojode erámi unirísoño, jé basa ga israélgosode ore cho deduguéjna cuchábi iji dangarádejnai Dupade uté.

Héchos 7:39

Mu yocayode jnani bajácho que ore pota ore tangári Moisés go. Mu ore pota jeta ore chajni aja Egípto.

Héchos 7:51

Estéban qué jno dacajnaquéode údi enga chojninga: Mu jecucha ga angoninguite parique uaque. Cho jetiga ca arajáyo Dupade enga uaquetácho Ujopié Espíritu Sánto rĩ. Jé uacadi u uacayode jnani bajácho adode.