Números 14:3 - Dupade Uruode

³ Gajnarénguei Dupade áyipiedie ica gu ome yoque uje jno yocúdi aja cananéogosode ore uniri udé. Uje chiese yicoi pocaningai ome ore, ga yoco yocuniri iji ore uniri uté jne. Mu a ca togome yoque jne, uje cananéogosode a ore chejna yoque to enga a ore chisa yocacotedie, yocabode ore to ga a ore cho daróguiji ore to. Omi tu ome yoque jeta yajníngopója Egípto to jne rĩ."

Números 14:3 Iomraidhean Croise

Nehemías 9:17

Ga udore ore chiraja bapesudode cuchadatéo nanique mu que ore tangári ua nanique ga que ore jnusinápo bátedatéode udore nanique rĩ. Mu ducusuréchoquí udore ome ua enga ore pota dasutedie nanique jeta ore asutérigui chatirépo ore aja Egípto nanique rĩ. Mu bamo ore angoninguite paritigade udore nanique mu jé bajína ore aja quedéjnane nanique enga que ajíñome ore iji te jmete nanique. Uje jĩraque bacadígui ayoréode yoquisijnaringuéone gu. Enga jecucha bosõre ayoréode ore enga banejé ore údode. Enga badota ua ome ore isoca gajnaréngone. Enga bejna bajnoraquei taja ore gatuaque.

Sálmos 78:40

¡Gatuaque ga israélgosode udore ore isoca nanique iji erãpetarei uje ore tagu Dupade uruode quigode aja, enga ore pésupúsu uté áyuguhebátigai iji erãpe eyutiguei uté!

Éxodo 16:3

Uje ore chojninga: –Uje yugúcoji Egı́pto ica ga yichago yoquĩraca piagode aja yoquejode ica uje yocãraqueguedie aquirájna irágu ga subudé yóguiji ejode ica ga que yejnángo. Mu uje uacajnicho yóguiji Egı́pto ica ga uacoreyoi yóguiji erã́petarégode udojo ga a yitogoi ome cutejmane yoquiyaguhéo jne iji udojo. Jé go uje Dupade que noñome yóguiji Egı́pto ica ga yichago yocóderigui aja uté to ica, mu a yichago yocóderigui aja erã́petarégode udojo gajneri uje Dupade chorei yóguiji erámone udojo ica.–

Éxodo 5:21

Jnanione udore ore chojningame Moisés, Aarón ore: –Uaque u uje uacapéso Faraón ájningai ome yoque, ga iroquéode chácariji yocúdode ome uacaringaquéode ome yoque ga jé areque jeta Dupade cho dajuñame uaque jne. Yejnárejo yógome capatadie, Faraón ore gu uaque diríca. Cho jetiga asíñome asṍrerangome Faraón ga chujé yógome uaquerané uaté uacasõre uje iróguedie capatai que ore chajire dejopoi ome yoque gu uaque diríca.–

Números 16:13

Yetajopise ua to gu uje bajnime yóguiji Egípto diríca. Cachi jnacarai jiépisi iji Egípto to ica ga yocachidedie aquirájnai ijnanie tamuta to ica. Ga jé chopome cutérone to iji Egípto uje tṍraji dedodie to ica. Ga bajnime yóguiji yocunire ueradéjnai ica ga jé borei yóguiji tarétigade udojo ujetiga yichago yocódedie iji udé. Mu que gusu udore mu bapota jeta o eduguéjna cuchábi iji ua to iji yocujade.

Números 20:3

Ga ore chojninga: –¡A ueradéjnapise ome yoque jeta Yocangarádejnai chatarása yógaja dejna casodica yocurása ore to ica. Uje gajnareque uje a quene yitogóji de jne ome yocuyádode!

Héchos 7:39

Mu yocayode jnani bajácho que ore pota ore tangári Moisés go. Mu ore pota jeta ore chajni aja Egípto.