Números 14:2 - Dupade Uruode

² Uje dire uñai nanique ga ore pojna Moisés, Aarón ore údode to ga ore chojninga: "Omi turásu jeta jé yácagoji Egípto to ica enga yichagorása yocódedie aja to jne. Jeoga yichago yocódedie aja erãpetarei udé ajénigo.

Números 14:2 Iomraidhean Croise

1 Reyes 19:4

Jé basa ga Elı́as uté qué jnome daquei gaté ga chicáji erãpetarei uté ga chejna dire chojmarai ome dáringai urugu iji erãpetarei údode. Enga chisósi porataque nanique uje i tu retáma, ga chácariji porabia suaté uburúdabi. Ga Elı́as pota nanique jeta toi ¡paque! bisideque, uje cutame cucha dacadode gu. Ga ajei jochaquéode qui jé u ome Pangarádejnai, uje chojninga: –Pangarádejná, e gome yajnenie pujurei uje chise yu, ga be ga ajnime yucuecaringuei iji yu, ga yajna yáquiode ore to. Uje que yitiógara ujetiga yujnué ore gai ome yucuecaringuérique jeta umarejna iji erámi tudé.–

Sálmos 106:24

Ore poja cutejmai uté jnupe ueratígajna; enga que ore changureta Dupade ichagájade cucha udore yúode ome raque.

Sálmos 106:25

Uje udore ore cho chere, chere, chere iji daguíjnane cárpa údode, ga que ore doi Pangarádejnai áyipie quitique gotique.

Sálmos 106:45

Ga jnusina daru casodica ome ore, jecute chécãre dáyipie ome ore uje uté ijnoraquei jiépisi gu.

Éxodo 14:11

Ga Moisés ujode Israel ájnape disi ejo chojningame Moisés: –¿Ama jé ca ore óderigui déji Egípto to diríca ya? uje a bapotigádi u ujeta yichago yocóderigui aja garáijnane udojo jeta ore chujé yóguiji udé uje babo yocúdi iji Egípto diríca. ¿Gotique uje que ajíome yóguiji Egípto diríca, ga jé ca aroque yógaja doi iji Egípto diríca?

Éxodo 15:24

Ga jé u uje Israel ájnape disi ejode ore dosója Moisés ga ore chojninga: "E yicajnocóji. ¿Ga jé yójigo pírique jne a?"

Éxodo 17:3

Ga Israel ájnape disi ejode udore jé ãre chejna ore ga jé u uje ore chedo Moisés iji dajade jnese. Ga ore chojningame Moisés: –¿Gotique gu uje bajnime yóguiji Egípto ica ya? A bajéode u jeta yitogoi ome yocuyátigo iji erámone udojo, yocabode ore uyoque, jé aja yocachidode cuchiso ore jnese.–

Jonás 4:3

Jonás chojningápome Dupade rĩ: –Jecute be ga ajé yu jne uje que ejna betei casodé ore gu. Deroco yucuecaringuei ome yu uje que ejna ore gu.–

Jonás 4:8

Mu uje guedé e idájai jnumi ga jé u uje guedé ojodie pioque erámi ome duchubie dugúgode iji gai. Mu quigade ga Dupade chiroque úyujna aja erámi uje tṍraji guedé garani yui ga pioguipise erámi ome Jonás uquécasé uje topísi duchubie dugúgode iji Jonás aserani gai ga jé u uje pioque Jonás gai to. Ga quigade ga jé u uje edodie cho jise ome erãpe dotáningai. Enga Jonás chojningame re: –Unere pitoringai yui ome yu uje que cucha yucuecaringuei ome yu gu.–

Números 11:1

E chise diri nanique uje Dupade chudute israélgosode ore úringane chi-chi-chío uje ore narañime cucha dacadode gu. Ga ore chijnime Dupade ájningai ome raque nanique ga Dupade chiroque pioi aja ore irengúi ga ore chácariji pioi ajã́ro ga chajuguipise ore agutedie.

Números 11:15

Mu jeta jé ca asi ome yátajasónique ome yu ga gusu yu ome ore enga be ga ajé yu to. Ujeta jé ũré enga ajnóra yu ga ajé yu ga pujuredie eruei tu ome yu jne.–

Números 11:5

Urénga ueradéjna nanique uje yicoi egíptogosode ore iroquéode nanique ga yajo ore gueranone oyite arione to nanique enga subudépise yóguiji arione to nanique. Mu que gusu oyídode arione nanique mu yajo ore acade cucha to nanique, jé aja pepínonie, jé aja melonie, jé aja cebólladie, jé aja ájodie.

Números 14:1

Enga israélgosode ore jnatupúsu Dupade ojningai punire ueradéjna ome raque nanique. Mu uje ore chudute guidáyode ojñane to ga áyuguhebátaque ore jnese enga ore poji dejai údode jnese uje ore todópisa Canaán unirisórone yui gu.

Números 14:22

Enga que potigayagápo yurúrique rĩ, uje yĩrarare enga jecucha yuruode tocade. Jecute uje yãraque yojningai punire ueradéjna ome ore ga que potigayaquérique déji yuruode udore to, enga a ca ore chisípise yojningai tuté punire jne. Yojningane u israélgosode ore uje ore pañaji yipesútedatéode iji egíptogosode ore uniri ica uje yijnime ore iji egíptogosode ore jmainie ica, jé aja yipesútedatéode to uje yipésu iji de erãpetarei udé ajei. Ore chimo to mu ore dojnóngaja yipesudode udore ore jnese. Ore u uje ore pañapísiji yingoningájnai mu ore cho cucha bisidéguiji, enga ore pésu yujuredie gatuaque to iji erãpetarei udé ajei. Que ore áyipieraque dépisi yuruode úringáringo pipesucho to enga ore tagu yuruode aja gatuaque to.

Números 16:13

Yetajopise ua to gu uje bajnime yóguiji Egípto diríca. Cachi jnacarai jiépisi iji Egípto to ica ga yocachidedie aquirájnai ijnanie tamuta to ica. Ga jé chopome cutérone to iji Egípto uje tṍraji dedodie to ica. Ga bajnime yóguiji yocunire ueradéjnai ica ga jé borei yóguiji tarétigade udojo ujetiga yichago yocódedie iji udé. Mu que gusu udore mu bapota jeta o eduguéjna cuchábi iji ua to iji yocujade.

Números 16:41

Ga chise dire uñai ga jé israélgosode ore chaguhéta Moisés, Aarón ore gai ga ore chojninga: –Uaquejnáño yocurása casodé ore to diríca uje Yocangarádejnai Dupade urasapísode u ore múñi.–

Números 17:6

Ga Moisés chingopísa Dupade uruode ome israélgosode enga jé u uje ore angaránone di doguedie údi iji Moisés to. Ga gare iji yirídai to ore oguedie. Ga Aarón ogué déji ore oguedie ujai to.

Números 20:2

Mu íjnonguipíse yodode iji ore apáringaméi uté to nanique. Ga israélgosode ore pésu dáguedie ome Moisés, Aarón ore ga ore chimáta ñane ga ore chicáji Moisés, Aarón ore enga ore pojna Moisés ore údode to.

Números 20:3

Ga ore chojninga: –¡A ueradéjnapise ome yoque jeta Yocangarádejnai chatarása yógaja dejna casodica yocurása ore to ica. Uje gajnareque uje a quene yitogóji de jne ome yocuyádode!

Números 20:4

Moisés á, ¿gotique gu a uje borei Dupade urasade uyóguiji erãpetarei udé to ica? ¿Ama bagaidi u ica jeta yitogóji udé to ga yipatíorango yocachidode cuchiso to jne a?

1 Coríntios 10:10

Yirajágo to uje yocayode jnani bajácho uñane ore cho chere, chere ome Dupade to nanique uje ore chetaque adode. Jecute Dupade chiroque daroque gaté unirísõre dequejnangóri aja ore ujetiga chujé ore. Enga uásejna togode. Jecute ajuso uaqueo to enga ca oyo chere, chere ome Dupade to.

Hebréos 3:16

¿Jé gosode a uje ore chudute Dupade uruode nanique, mu ore tagu Dupade uruode aja? Udore ore u jnese uje Moisés ijnimique ore nanique iji egíptogosode ore gari.

Júdas 1:16

Jnanione udore ore chachóguina cuchade ome raque. Ore dojnóngapója dojode ayoréo rĩ. Que ore chucué dojode ayoréo ueratigárique, mu ore ucuegode u dahueratigade ome raque. Enga ore chisipise dabáyode ome dojode ayoréo. Aringácachoquí ore to uje ore uruode ueracho ome dojode ayoréo, mu ore ajegaitígo u ore guẽrapáitigo cucha.