Números 13:8 - Dupade Uruode8 Efraíngosode ore utocaidi u Oseas ga uté dai i tu Nun nanique. Faic an caibideil |
Enga udojo quigade nanique ga Yocangarádejnai Dupade catecã́ri Moisés gaté rĩ. Enga chojningame: "Moisés á, e idógosi batoringai. Mu ajína Josué aja yiguíjnai ajé uñai uje i tu 'Dupade, Yutuãjóa Ñane Iji Te,' ga a yingo yipotigádode cucha aja uté jnese jne." Ga jé u uje Moisés, Josué que ore chajirape cuchárique ga ore quítequiguíji Dupade iguíjnai.
Dupade e catecã́ri jnani bajai Nun ujnacari to, uje i tu Josué. Enga chojningame: "Josué á, ajnusi ua ome yiroquéode to jne, ga adota ua ome cucha ponáyone jnese to. Chamáñaje a ua u gu ujeta bo barasade israélgose ore údi aja yojningai punire ueradéjna to. Enga a yugúsiji bari to jne ga a yijína ua aja quedéjnane to jne rĩ."
Áyipieranguipíse Nun ujnacari Josué uté nanique. Chamáñaje Moisés cãra Josué uté jogadi nanique gu ujetiga pangarate uté to, ga chajo gatoi aja jnumi enga catecã́ri Dupade iji gai. Jecute que etatique cuse to iji Moisés itoringai quigade, ga jĩraque israélgosode ore cho dangaráni iji Josué uté to, enga ore pésupúsu uté acajnaquéode Dupade urúo quigode uje Dupade cho quique udore ome Moisés nanique.
Ga ore dopísi Yocangarádejnai Dupade áyipiedie ga ore chisi ome ore idai Timnat-séra ome Josué nanique uje uté déji cucarani údi nanique iji tuijnai ajei. Chamáñaje Josué chutai Dupade nanique gu iji taningai ujetiga cho dajnéngu cucaranone udore jne. Jecute efraíngosode ore juéga dajnepídi petique ome Josué, urasade ore nanique, ga Josué ore cho dajnéngu cucaranone udore údode nanique. Enga Josué chirópo ore idai Timnat-séra tuté aja gaté rĩ ga chimánaja gaté ga jé u uje cho dedai iji uté to nanique.