Números 13:4 - Dupade Uruode

⁴ Enga ore íode u udojo nanique: rubéngosode ore utocaidi u Samúa uje uté dai i tu Zacur nanique.

Números 13:4 Iomraidhean Croise

Génesis 35:22

Enga iyajmaque ore iji ore irengúi uje ore chapáji. Mu chise diri nanique uje Israel ujnacarode uñai Rubén e pota dayé acoté uña, uje i tu Bílha. Enga chisa ejode uje pota. Mu chise diri uje Israel chudute to uje ujnacari pota acoté uña enga chisa ejode, enga jé u uje ájningaránguipíse ome dajnacari. Jacob ujnacarode gare iji yirídai nanique.

Génesis 35:23

Enga abode iji acoté Léa gari chojmára iji yijmanuñai enga ore íode u udojo: ape bajaguipísi i tu Rubén. Jé basa ga quigaminórone ore íode u udojo: Simeón u uñai, jé basa ga Leví u uñai to, jé basa ga Judá u uñai, jé basa ga Ísacar, Zabulón u uñane.

Números 13:3

Uje Moisés e chimate datocaidode ga chiroque ore aja doi to. Ga ore jno ga ore jnoji erãpetarei uté to nanique uje i tu Parán. Enga que ayoré gajnarécho utocaidode, mu pangaranipise udore ore jnese nanique.

Números 13:5

Simeóngosode ore utocaidi u Safat, uje uté dai i tu Hori nanique.

Números 14:36

Ga Dupade chajire Moisés utocaidode guidáyo ore jnese ga jé u uje ore toi paque to. Chamáñaje ore chajire cananéogosode ore uniri údode, mu que ore pésu puniri uté unéningai ome darasade gotique, mu ore chicota jnani umarejnájnane ome darasade to, ga ore ipesute darasade isadodéringane ome dojñane udore. Ga jé u uje israélgosode ore pojna Moisés nanique enga que ore doi Dupade ojningane cucha gotique ga gose guidáyode udore nanique. Jecute Dupade chujé guidáyode udore, ga chejnápise ore.

Apocalípsis 7:5

Jnani bajai Judá ape disi ejode 12 mil uje pajója Dupade i aja ore. Jnani bajai Rubén ape disi ejode 12 mil to uje ore chajója Dupade i aja ore enochade to. Jnani bajai Gad ape disi ejode 12 mil to uje ore chajo Dupade i aja ore enochade to.