Números 13:16 - Dupade Uruode

¹⁶ Moisés utocaidode íode u yatatagode udojo ga ore u nanique uje ore chope guidai ome cananéogosode ore uniri nanique. Mu Moisés ecãraque utocaidi Oseas i nanique uje uté dayé i tu Nun. Ga chĩ́care Josué aja Oseas uté nanique.

Números 13:16 Iomraidhean Croise

Éxodo 17:9

Moisés chojningame Josué: –Josué á, amáta jnacarode uñéngo jne jeta ore doi pocaningai ome yoquicasisórone udore jne. Ujeta e ajócãchome ore dirome ga a yugúsiji uacabai iji oroné cucháberaque dirome ga a yujé yogué aja uacabai dirome uje Dupade gajné yogué tuaté jeta Pangarádejnai chatapísaja uaque.–

Números 13:15

Gádgosode ore utocaidi u Geuel, ga uté dai i tu Máqui.

Números 13:8

Efraíngosode ore utocaidi u Oseas ga uté dai i tu Nun nanique.

Números 14:30

Ga gusu Caleb, Josué ore to jne jeta ore chise yojningai quigode punire ueradéjna to. Ore u gu uje ore changureta yuruode. Mu uaque ga yingo punire ueradéjnai taja uaque to, mu uacáyipiedie chicai quedéjnai ome yuruode quigode to enga a ca eso yojningai punire uté to jne. Uacajneque yuru iyiejájnane to nanique mu que eso yuruode unétique ga uacadojnóchopo aja to rĩ, jecute a ca eso yojningai punire ueradéjna to.

Números 14:6

Jé chopome guidai casodé ore to rĩ uje ore íode u Caleb, Josué ore. Áyuguhebátaque ore to ga ore doi daguidedie ga ore chajnangarase iji daróbedie ga imoi tu uje ore jnusipísi jórogui darasade ome Dupade guerani punire ueradéjna to.

Números 27:18

Enga jé u uje Dupade chajnai Moisés uruode to enga chojninga: –U arĩ́e, ũrepise ua to. Yajegaidi tu Josué to ujetiga chácariji bayaridi to jne. Yojningai tu jnani bajai Nun ujnacari uté. Áyipieranguipíse Josué gu. Enga be ga asa gatoi ga ajo aja jnumi ga acatecã́ri uyu ome to, ga jé u jne jeta pijoque úringai yajegaite to.–

Héchos 7:45

Enga Dupade guẽrate daguíjnai cucha ao ome yocayode jnani bajácho ujetiga ore chajnerame aja dape disi ejórigo to. Jecute Josué ore chijna to uje ore doi pocaningane ome purása quedéjnane. Enga Dupade chijócãre purása quedéjnane ore iji ore unirone ujetiga israélgosode ore cho daniri iji ore uniri. Enga jecucha ga Dupade iguíjnai cucha ao déji yocayode jnani bajácho ore gari, jé aja dirode uje ore eduguéjnai u David.

Romános 9:25

Enga Dupade isocai uté ome purása quedéjnane jé péroji daruode júsõri Oseas casicaite urusarane iji Dupade uru quigode nanique. Uje Dupade chojninga nanique: –A yiji jnenga a yo yurása iji purása quedéjnane jne, Uje que yurása ore to nanique múñi. Enga a yĩ́care "Yurása yedójnarie" aja uaté uje que ijnorangónique cuse nanique.–

Deuteronómio 32:44

Uje Moisés chijñecáraja dapesudedie Dupade iradei ga jõrai tu Nun ujnacari Josué to. Ga israélgosode ore déji ore ejode to jnese. Ga Moisés, Josué ore chejna iradedie achachagúgode aja guesode to ome darasade ore to.

Hebréos 4:8

Israélgosode ape ejode ore chise Dupade ojningai punire uje ore eduguéjnai u Josué nanique. Mu que ore cho dajñare iji. Ujetiga ore chorase dajñare iji uté, enga a ca Dupade chĩ́carirase dire uñai ome ore ujetiga ore chacája gari enga ore cho dajñare iji.