Números 13:1 - Dupade Uruode

^1-2 Yocangarádejnai catecãrápoi Moisés to nanique rĩ ga chojninga: "Acatecã́ri jnanione uñéngo to ujetiga ore chope guidai ome cananéogosode ore uniri bajaque. Yojningai uté Canaán u uje yichaga uacayode ore to nanique uje yojningame ore nanique: 'A uacape disi ejode ore gajneque punire ueradéjnarique jne iji uacaquigáningo to.' Apuse israélgosode uacáguedie aja jnese to jne ujetiga caníratígo cho guidai ome yojningai punire ueradéjna uté to. Ga ajnime jnani chojmarai, chojmaráringo iji uacáguedie ore jnese ga ore nóna ñane aja yojningai punire ueradéjna uté to. Yojningane u pangaranipísode ore jeta ore cho guidai ome cananéogosode ore."

Números 13:1 Iomraidhean Croise

Sálmos 90:1

Pangarádejná, e yoco yoquiyaridébei iji báringai Pãrésõre jé iji yocáqui cásodicáite ore jnese iji yoquiquigáningo, ga jé chuságaja pape disi ejórigo ore eruénique jnese.

Números 12:16

Uje dirode e gare iji ti ga María chisápo darasade ore to rĩ ga quene ore jnoji darengúi uté to uje i tu Hazerot. Enga ore jno ga ore chise dajminémei iji erãpetarei ajei to nanique uje i tu Parán enga ore chácariji uté to.

Números 13:13

Asérgosode ore utocaidi i tu Setur enga uté dai i tu Micael.

Josué 14:7

Uje yugúcoji ore uniri Cádes-barnéa nanique enga Moisés casica chiroque yógaja cananéogosode ore uniri to nanique ujeta yoco guidáyo ome ore nanique ga yejnanie siquerei chise 40 nanique. Uje yiríngo iji punire ueradéjnai tudé nanique uje yajmitágo nanique ga yatata yoquimone cucha jnese ome Moisés, ga ũrepise yu ome yuruode jnese nanique.

Josué 2:1

Uje qué Josué urasade ore déji darengúi nanique uje i tu Sitim enga Josué catecã́ri jnani gárode iji darasade ujade nanique. Ga tibidi dajegaidode udore nanique ujetiga gusu ore ome Josué enga chingo daruode aja ore nanique. Enga chojningame ore: "Boyo ga ajnáñoji ore idai Jericó ga oyo guidai jne ome ore iji ore idai. Enga ajicho ore idai uté údode, jé aja eruéode jnese." Ore jno nanique ga ore chise daqui guidai uté to nanique. Ga jé u nanique uje ore chucué damochápirique guiguíjna to nanique. Mu ore chise chequéraque nanique uje dibéchoquí uaté to nanique. Enga ore moji uaté iguíjnai ajei to nanique. Ga chequé uaté chañuru ore guio nanique uje i tu Rahab to nanique.