Números 12:6 - Dupade Uruode

^6-8 Ga Dupade narare nanique ga chósi tome ore: "Uacamóño uje yiqueta yu aja yuruode atatasórone uñane to, mu yedugádode u purigode ome ore, jeoga edominone. Jé basa ga Moisés sué ore gáyode jnese uje que cho caru ome dapesudode yiroquéo gotique, ga yoquicatecãrainipise ñane. ¿Ama ca atodóyo gadoi a? uje uacadojnóchoja yiroguipísi to é."

Números 12:6 Iomraidhean Croise

Génesis 15:1

Cucha dacadode udore quigade nanique enga Pangarádejnai Dupade chiqueta raja Abram nanique iji denominone enga catecã́ri, ga chojninga: –Jé ca atodo yu, Abram. Barotangóri tu yu. A yo boré iji cucha datérique jne.–

Génesis 20:7

Jecute be ga atire uaté abaipísi gai. Chamáñaje yuruode atatasõre uté gu enga a chijócha yajei údi ome ua jne ujetiga ca yo yujuñame ua. Mu ujetiga ca be yuruode enga atire uaté abaipísi gai, enga a atoi jne, jé aja bajogasúode ore jnese."

Génesis 28:12

Mu urigode cuse uje mo. Ga chĩ́cara uje ore uchiejnane déji uje tṍraji jnumi enga chicáji gatajnoquei. Enga chimo uje Dupade irógode gaté unirísoño ore chuchiéjna aja jnumi yui, enga ore chuchiéjnapo aja gaté rĩ.

Génesis 28:16

Enga Jacob tṍra re ome darigode enga chojningame re: "Ũré enga Pangarádejnai dépisiji yari iji de, ga quene yirajapise."

Génesis 37:5

Mu dire uñai enga José urigode cuse iji dejai que, enga jé u uje chingome dayade ore to, enga ore chetaguipise gaté gu urigode.

Génesis 37:9

Udojo quigade enga José e urigode cusapo gaté rĩ. Enga jé isoca uje chingome dayade. Enga chojningame ore: –E yurigode cusapo rĩ. Enga yĩ́cara ga yimo guedé, jé aja guedoside, jé aja guédodie rĩ uje chojmára iji yirídai. Enga ore doi jnumone iji yiquei jnese, enga cho jetiga ore eduguéjna tu yu jnese.–

Génesis 46:2

Enga e ore mo enga Israel uté urigode chiqueta raja. Enga Dupade tibidi enga chĩ́care i bajai aja enga chojninga: "¡Jacob á!" Enga Jacob chajnai ga chojninga: –Yugúsi de é.–

2 Samuel 7:4

Mu iji dejai tuté ga Pangarádejnai Dupade catecã́ri daruode júsõri Natán iji uté.

1 Reyes 3:15

Enga Salomón cho cuyuque nanique, mu ¡urénga, a uricho udore! Ga jnoji uté ga di iji Jerusalén enga doi Pangarádejnai uruode pi cajo uté iquei ujeta chibore dẽrapáidode cuchiso ome Pangarádejnai iji jogadi uté. Enga tẽrápo dẽrapáidode cucha uñane ome to rı̃ uje pajesereringai gajnecho udore, uje gaidi u gu ujetiga pajesereringai déji Dupade, ore ome ñane. Cucha dacadode unojo quigade ga jé u uje Salomón pésu daninaquédatéi ome daróquegatéode ore jnese, jeta ore taguı́ji ñane gari.

1 Reyes 3:5

Enga iji Gabaón uté ga Pangarádejnai chiqueta raja Salomón nanique iji dejai ga Dupade catecã́ri uté iji urigode, ga chojninga: –Ujetiga bajegaitique cucha déji yu, ga atáji yu.–

Sálmos 105:15

Uje chósi te: –Ca ajocáso yajegaidode udore ore, enga ca oyópo uacamitiguéome yirógode udore uñeque rĩ uje udore i tu proféta.–

Sálmos 89:19

Ua upúsu uje bapésu ga baroque uréone ore chimo denominone, ga bojningame ore iji uté: –E yẽrate yátajaquéode ome jnani etoque cuchábi uté; uje e yijosi yajegaidi jnacare jõcarataque uté iji gaté iji ujode ayoré ore ujade.

Éxodo 7:1

Dupade chojningame Moisés: –Cangarami yuru quigode udojo ome ua. Uje a yiqueta yu aja bajei jne enga a jé opise yu jne iji Faraón uté iquei. Jé basa ga bayai Aarón a chajnerame baru quitígo ome eduguéjna cuchábi jne jeta jé acatecãchoi uté.

Daniel 10:8

Gusu yu iji uje yimo udore iji yedominone. Ga cuchadaté udore ome yu. Ga yo caru iji udore jmainie uje yiserẽrája iji uté.

Daniel 2:19

Dejai uté jé u uje eduguéjna cuchábi uricáidi cucha choqui guesi ome Daniel uje que irajatade ore chiraja quitique diríca, jé aja urigode imone cucha. Dupade chingo eduguéjna cuchábi urigode quigode jnese ome Daniel uté iji Daniel urigode to. Daniel uté chicota Dupade iji gaté uje chingo eduguéjna urigode quigode aja.

Daniel 7:1

Uje siqueré chojmára ome eduguéjna Belsasar uté nanique iji dáringai eduguéjna iji daniri Babilónia uté nanique, enga Daniel uté urigode cuse ga imone cucha cusapo rĩ iji dejaque uñai. Uje Daniel niji jmame ga jĩraque churúsãre darigode udore quigode. Ga urusarane udore quigode u udojo:

Daniel 8:2

Iji yenominone ga cho jetiga yiyáguena tié edúdi uje tié uaté i tu Ulai. Ga tié uaté chaquesu ore idáidatéi uje i tu Súsa, uje ore idáidatéi uté ibijoi u iji ore uniri Elam uté.

Números 24:4

Yo jnipe iji ujade ga cuchade choqui guesode ome yu to. Ga Dupa Pujnuéngaisṍri chisi ome yedominone ome yu to iji ujade. Yudute uté uruode to iji ujade ga uté u uje ipesute yuruode uje tṍraji yibijnani ome ore, uhuaque to.

Matéo 1:20

Mu José qué cho dáyugu re eti Dupade iroi gaté unirísõre chiqueta raja iji imoi. Enga chojningame: –José a, David ape disi ejo a, ca o báyugu ua. Enga ca etaque bajma María. Enga ca aya. Uje Dupade Ujopié Espíritu Sánto ipesute uaté abi iji ajei.

Matéo 2:19

Diga Heródes toi. Enga Dupade iroi gaté unirísõre chiqueta raja José iji imoi uje qué déji Egípto. Enga chojninga:

Matéo 23:31

Obiréjna ome uacaruode udore uje uacayode jé ore yuque Dupade uruode atatasórone nanique.

Matéo 23:34

Jecute a yiroque yuruode atatasóningo uñéngo aja uaque jne, jé aja irajatátigo, pacadisóningo ore rĩ. Mu a ca ajéchome ore jne. A oyópise uacamajo yirógode ore jne iji uacaquiningaméone. A ajnáñopo ore aja quedéjnane jne rĩ ome uacajocaningáringo. Quigade enga a ajéyo uñéngo jne. A ajóyopo uñéngo aja curesérigo to jne rĩ.

Matéo 23:37

Mu Jesús cho dáyugu re ome jerusaléngosode. Enga chojninga: –¿Gotique chimo jóroque re uje jerusaléngosode uacoyo uacamajo Dupade uruode atatasórone iji uacajade? Enga jé chopome Dupade irógode iji uaque rĩ uje uacamitingácho ore údode ome cucaranenie. Uje jecucha yáyipie quigode u ujetiga yamáta uágaja ñane enga uacajnúone u yabode. Enga yajnua tu cochagájnaraque uje chamáta dabidie aja dajnóngone údode. Mu que apótayo yu gotique.

Matéo 27:19

Uje qué Piláto déji dayaripi gai uje qué chirote ayorébui ore ajéningo, enga acoté chiroque daruode aja uje chojningame: –Ca báyipieraque gajnaréngaja uté to. Uje que bárique cuse. Yĩ́cara que gu enga yurigode gajnaréchome que.–

Lúcas 1:11

Mu Zacarías chuniname eti Dupade utocaidode gateminore uñai chiqueta raja. Enga cháji Zacarías ãrachua iji gaserani dosadi uje ore chãru cucha ai unérone iji.

Lúcas 1:22

Mu uje Zacarías quene doi guesi iji Dupade iguíjnai ajei puyai mu que narárape. Jé urasade ore chiraja uje a chimo denomitígo iji Dupade iguíjnai ajei puyai. Enga Zacarías chusẽre cuchade uje a ca toque daráringome.

Lúcas 20:6

Mu a yojnicórasa gajneri: "Cachi jnanione ore iroque Juan aja," ga a ayorébui chaguhetarase yoquibai gajneri. Ga a ore chimitingarirase yocúdode gajneri ome cucaranenie. Uje a ore changuretapise gu Juan casica ome úringai Dupade iroque ujetiga chatata Dupade uruode ome ore.–

Héchos 10:11

Enga Pédro chimo gaté uje chuchẽre dabai enga chimo pepeque gajnu cuchábi uje tṍraji gaté uje pigaricho erué gagájnione. Enga pepeque gajnu cuchábi uté basája iquei.

Héchos 10:17

Mu uje Pédro qué cho dáyugu denominone uje que chiraja quigode enga Cornélio irógode e ore chise Simón uñai iguíjnai piagoi. Uje ore catecã́ri ore aja dajesúode ome Simón iguíjnai jogatique.

Efésios 4:11

Ome Crísto uté úringai Cuchade Jnese Ijocayasõre, enga pésupúsu dajequigode ome da-iglésia uaté. Ga uté jé upúsu uje guẽrate dajegaidode darócho ome da-iglésia, uje ucuei tu iglésia uaté omitigárique gu. Jecute gueranone uñane u apóstoles, ome ore úringane Dupade iroguipíso. Jé basa ga profétas u uñane, uje ore chatata dajnepídode Dupade urúo. Jé basa ga Pujnomé Ueradi júsorone u uñane, ga ore jno Jesús úringai piquetangore ujnomei údi aja uñane uje cáma ore changureta to. Jé basa ga pastores u uñane, enga ore gajnepídi tu ujetiga ore chañurúpusu dojode Dupade anguresóño guio; jé upo rĩ ujetiga ore chacadipise udore ore. Ga ore isocai uté acãrájane u áyasadie irodisóningo uje susípise darodedie udire guio.

Hebréos 1:1

Dupade catecã́ri yocai jnani bajácho gatuaque icaite enga isocade orocoi uje catecã́ri ore. Enga angúroméone u uruode atatasórone uje catecã́ri ore nanique.

Apocalípsis 11:10

Enga a pududique udore ore ujnomei jne iji erámi jnese uje e ore toi. Enga a pininaquei jogadi tu ome ore enga a ore tẽrája ñane jne ome darasitigade. Chamáñaje Dupade ipijogúsõre gáreode udore, uje ore chatata Dupade uruode ome ore, ore pésupúsu ore ujuredie ica gu.

Apocalípsis 11:3

Enga a yiroque yipijogúsõre gárerigo aja ore jne ujetiga ore chatata yuru uréone ome ore. Enga a dirode 1.260 jne ujetiga ore pésu yiroquéode iji ore ujade. Enga a ore chigui bora utatadie jne uje imoi tu uje pujnusiétigai sué ore gai.–

1 Samuel 28:6

Saúl chutṍri Pangarádejnai Dupade ome pocaningai yui jeta chiraja Dupade uté áyipieraque, mu catecã́ri jórogui, mu que Pangarádejnai Dupade chajnai gotique. Pota jóroga jeta Dupade chatata isocáringome iji uritígo mu que chĩ́cara cuchárique. Chicáji Dupade irógode uñai ujetiga chijnime Dupade áyipiedie pijogútodie uje udire uñai i tu Urim. Mu catecã́ri jórogui ome mu que pijoque cucháringome. Ga jé chuságaja Dupade uruode atatasórone ore to ga que toc jeta udore uñeque chiraja Pangarádejnai Dupade áyipie quitique gotique. Ga Saúl que chirajapise dasocáringome pocaningai uté yui.

1 Samuel 3:15

Uje Dupade cha catecã́ri Samuel ga Samuel mo to, ga niji iji dúrasabía uje jecucha isoca ga chuchẽre Dupade iguíjnai gai. Mu Samuel que chatatame Dupade uruode míraque ome Elí uje todo gu jeta chatatame Elí uje quigode gajnarécho ome Elí gu.

1 Samuel 3:21

Ga jé ate uje Pangarádejnai Dupade chiqueta raja Samuel iji ore idai Sílo nanique ga chingo daru quigode ome uté jeta chatatame darasade ore to.