Números 12:2 - Dupade Uruode

² Ga ore chojninga: "Gajnareque uje ore cho cuchadatei iji Moisés ga que pajirique gadórique to. ¿Ga jé ca ore chimo a? uje Dupade catecã́ri yoque to." Mu Yocangarádejnai Dupade chudute ore uruode udore nanique.

Números 12:2 Iomraidhean Croise

Génesis 29:33

Enga Léa jequepo rĩ enga diyoquíapo rĩ enga daté chĩ́care Simeón aja uté enga chojninga: "A Pangarádejnai chudute ore uru gajnaréngone ome yu uje yabai que chijnóra yu gu, jecute chisiapome yabi uñai tome yu rĩ."

2 Samuel 11:27

Udojo quigade ga David chiroque darógode aja uaté yui jeta ore chimánaja David iguíjnai. Ga chácariji to, ga David cho dacoté iji uaté. Ga abi déji ajei. Ga uaté abi chise diri uje base ga diyoqui. Mu que Pangarádejnai Dupade irasique David isocai uté gotique uje chijna jnani quedéjnarique acoté aja re gu, ga doi ga tẽra abai ome pocaningai.

2 Reyes 19:4

"Jecute yijócha bajei údi, Isaı́as, ujetiga acatecã́ri Pangarádejnai ome judágosode amirámone suyoque to uje qué yiquecágo iji de. Chamáñaje ası́riagosode eduguéjnai chiroque datocaidi uté aja de gu jeta chietáyime Dupa Uecai uté que. ¡Mu yipésupú ga Pangarádejnai, bangureni Dupa a chidójnangarása ası́riagosode ore eduguéjnai utocaidi uruode udore jne, jõ! ¡Ga yipésupú ga Pangarádejnai Badupade dorási ga cho dajuñame ore eduguéjnai uté ome ichietabáitigade udore uje e chudute ome re, jõ!"–

Éxodo 4:14

Ga Dupade uruode dosója Moisés ga chojninga: –Cachi bayai Aarón déji Egípto to arĩa, uje uacai cásodicáite ore gãrapi jé u uacáqui gatei Leví to nanique. Yiraja bayai uté to uje chirajapise daru quigode ome dojode ayoré uaque. A bayai uté chachai ua iji dajei dirome jeta acáji ore. Ga a irasiguipise ua jne jeta eso ñane uje que qué amóñopo ñane to gu.

Éxodo 4:30

Ga Aarón chatata Dupade uruode jnese ome ore uje Dupade chingome Moisés diríca. Jé basa Moisés pésu dasocádatérigo iji ore ujade to.

Éxodo 5:1

Udojo quigade ga Moisés, Aarón ore chicáji eduguéjna cuchábi Faraón iquei. Ga ore chojningame: –Pangarádejna Dupa Eyúgojmai chiroque yógaja bei jeta yingongo uru quigode udojo aja ua. Uje chojningame ua: 'Ajuéga doi ome yuague cásidicáite ore jne enga ore jnomíji uaquedai jne enga ore chicáji erãpetarei ga ore chopo dajñare iji sañeque jne rĩ jeta ore tẽrája yu iji ome dachidode aquirájna uñéngo jne.'–

Éxodo 7:10

Uje Dupade chejna daruode udore guesi ome Moisés ore ga ore jno, ga ore tibágui Faraón ga ore doi Dupade uru quiso ome raque. Ga jé u uje Aarón tṍra dogué aja jnumi iji Faraón, ujode eduguéjna ore iquei ga udore ore pañaji jnese uje docogué mu nóña ga uga.

Provérbios 13:10

Uje ayoréode ore cho ayorédatéi iji raque enga que ore tangári dojórigo ayoré, mu jecucha ga ore botare ñane. Mu obiréjnapise áyipierane iji yocujade. Ore u gu uje ore tangári dojode ayoré enga ore doi ore uruode quigode.

Números 11:1

E chise diri nanique uje Dupade chudute israélgosode ore úringane chi-chi-chío uje ore narañime cucha dacadode gu. Ga ore chijnime Dupade ájningai ome raque nanique ga Dupade chiroque pioi aja ore irengúi ga ore chácariji pioi ajã́ro ga chajuguipise ore agutedie.

Números 11:29

Mu Moisés chojninga: –¿Ama atodo jeta ore sué yibai ome darajatígadatéode to a? Ga jé ore dóji to ga ore chatata darajatígadatéode to. Yipésupú ga Dupade Ujopiédaté Espíritu Sánto irágurásu yurasade ajéode jnese to jõ, ga ore chatatarása Dupade uru iyiejájnane ome ñane to jnese jõ.–

Números 12:3

Ga Dupade doi nanique ga chirotápise Moisés to uje chirajapise gu uje jnani pajnotaque Moisés to, ga que chosi riji gaté to. Jecucha ga chosi riji jnumone to.

Números 16:3

Ga ore nóna ñane aja Moisés, Aarón ore to. Ore gaidi tu jeta ore chusẽre ore edodie to. Enga ore chise Moisés, Aarón ga jĩraque ore chusẽre ore edodie to ga ore narare ga ore chojningame ore: –Yachógopíse uacajosipiedie to uje uacoyo ayorédatéi iji uaque to ga uacajnáño uacamenuringuéone ome yoque to. Jecucha ga uacasíyo uacabáyode ome Dupade uje chiese Dupade iroguipise uáguiji yocujade to. Mu Dupade ajegaite israélgosode uyoque jnese. ¿Ama gosi guẽrate uacamenuringuéone ome uaque ujetiga yangácoi uaque to ga gusu pangarate uaque to a?–

Romános 12:10

Ajnóraño ñane ga uacajnoraquei ome ñane gajnui tu ujetiga uacáringai cucherãque chojmara iji jnumi ga hermanopise uágome ñane. Enga etingacho jeta ajnuéño ñane gáyode ome uacáringane pajnotácho ome ñane uje uacoyo bajágu uacajorane ore ome cuchade, ga qui tu uje uacasíyo ore gáyode.

Romános 12:3

Uje Dupade e guẽrate yúringai apóstol ome yu ome dacaniratiguei uté, jecute yósi te ome Jesús anguresõre chojmara, chojmarane udore jnese iji uacajade: Jé ca dicotare uacuñeque ome dajnéone Dupade iroquéo, mu gosi áyipie ome re chajnárase cucha uréone quigode. Uje Dupade u uje guẽrate panguretigai ome yoque ujetiga yipéco uté ajegaidode cucha ome yoque iji yocúringane uté irócho, ga que tṍraji uyoque gotique.

Filipénses 2:14

Apéso cuchade unojo jnese enga ca oyo chere chere ome ñane, enga ca abotácho ñane rĩ.

Filipénses 2:3

Ujetiga apéso cuchárique jne, mu ca uacáyipieraque déji oréraque ome uaque, jeoga uacáringárique picotaque. Mu beyoi enga apéso uacapesutique cucha enga ca uacáyipieraque dépisiji uaque. Uje ueradi u ujetiga yajicopise yocujode ayoré yui ome cuchade, enga yisigopise uté gosi gai, enga cho ujetiga sué yoquibai ome cuchade.

1 Pédro 5:5

Jé adi u ome jnacarode uaque to, beyoi enga angáchoi uacangaránone anciáno to. Uje omi tu ujetiga pajnotaque yógome ñane enga yangacopísi ñane uje: Dupade chetaque dicotárechoquíode enga que chátaja ore go. Mu Dupade chejna dacaniratiguéode aja ayoré pajnotágode ore enga chatapísaja ore.