Números 12:16 - Dupade Uruode

¹⁶ Uje dirode e gare iji ti ga María chisápo darasade ore to rĩ ga quene ore jnoji darengúi uté to uje i tu Hazerot. Enga ore jno ga ore chise dajminémei iji erãpetarei ajei to nanique uje i tu Parán enga ore chácariji uté to.

Números 12:16 Iomraidhean Croise

Números 10:12

Jecute israélgosode ore pésu dagúchade ga ore pésu dajochade aja dajesúode ga ore jno jnese to. Ga ore jnoji dapáringaméi darengu iji erãpetarei to uje i tu Sinaí, ga ore jno ga ore chajnápo gue abuja aja jnumi to rĩ aja ujoi erãpetarei to uje i tu Parán. Enga jé u uje gue abuja chácare to.

Números 11:35

Uje israélgosode ore jnoji dajmini Dasirope Piba Ducodebi uté nanique ga ore pésapo darengu uñai to rĩ iji dajminémei to uje i tu Hazerot.

Números 12:15

Enga ore chijócãre María nanique ga chácariji ore irengúi ejode ga guejnane dire gare iji ti iji ore irengúi ejode. Mu urasade qué ore chirote uaté tiji darengúi nanique ga que ore jnoji darengúi uté to.

Números 13:1

Yocangarádejnai catecãrápoi Moisés to nanique rĩ ga chojninga: "Acatecã́ri jnanione uñéngo to ujetiga ore chope guidai ome cananéogosode ore uniri bajaque. Yojningai uté Canaán u uje yichaga uacayode ore to nanique uje yojningame ore nanique: 'A uacape disi ejode ore gajneque punire ueradéjnarique jne iji uacaquigáningo to.' Apuse israélgosode uacáguedie aja jnese to jne ujetiga caníratígo cho guidai ome yojningai punire ueradéjna uté to. Ga ajnime jnani chojmarai, chojmaráringo iji uacáguedie ore jnese ga ore nóna ñane aja yojningai punire ueradéjna uté to. Yojningane u pangaranipísode ore jeta ore cho guidai ome cananéogosode ore."

Números 13:26

Enga ore jno ga ore chise darasade iji ore apáringaméi uje i tu Cádes, ga uté déji erãpetarei ajei to nanique uje erãpetarei uté i tu Parán. Enga israélgosode, Moisés, Aarón ore chimo ore ga ore nínapúsu raque ome ore diringai. Enga ore tangaripísi ore ojñane quigode. Enga ore chingo dajnunguenie úvai ubugode aja ore to enga chajuque ore agutedie uje adie cuchadatei.

Números 13:3

Uje Moisés e chimate datocaidode ga chiroque ore aja doi to. Ga ore jno ga ore jnoji erãpetarei uté to nanique uje i tu Parán. Enga que ayoré gajnarécho utocaidode, mu pangaranipise udore ore jnese nanique.

1 Samuel 25:1

Uje Dupade uruode júsõri Samuel toi ga israélgosode ore chimáta ñane aja uté ga ore poji Samuel ejode jnese iji úringai toque. Ga ore chijóchame iji gajnei jnupe ajei iji iguíjnai ejoi. Ga uté ode déji ore idai Ramá nanique. Iji uté úringai toque quigade ga David chicáji erãpetarei uje puniri uté i tu Parán.