Números 11:8 - Dupade Uruode

⁸ Enga israélgosode ore chimáta iji durasedie to. Enga ore nája pĩracadie ajéode to jeta ore pésu tórtade iji gaté to. Ga ore chijáro gaté ga ore pésu dotíyai iji to. Uje ore chetingare bajaque ga ore chojninga: "Jé chopise harína to uje yátago aceite aja ga yimeco iji ñane to."

Números 11:8 Iomraidhean Croise

Génesis 25:29

Chise diri uje Jacob qué chãrei ore posode, mu urẽjai di mu isoránenie chujé enga eyuguipise.

Éxodo 16:23

Ore chingo Moisés ga Moisés chojningame ore: –Dupade jé urúo diríca gu jeta jiei yoquigode iji dire chojmaráitı́a uje que pota gu jeta yisago yoquejórigo iji dire garijitia gu, enga pota jetiga yoco yocujñare iji dire garijitia gatuaque uje dire puyaque gu ome Dupade. Jecute jeta uacãraca piagórigo déji, ga achachója piogode jne iji dire chojmaráitı́a udac jeta sué uacabáyode jne, mu a acho udore irérigui dirome iji dire garijitia uje a jé ca pisaque pejóriguiji dire garijitia uaté dirome gu.–

Éxodo 16:31

Israel ájnape disi ejode udore ore pésu dabosode udore i nanique ga ore chojningame maná. Ga ore potedie udire uje i tu maná póroropise nanique ga chosi cucha ajñu atíãtaque uje pórorape ga i tu cilántro nanique. Ga uneripise ga cho cutepetique ome danéningajnai, ga cho jeta pimera uaté aja cutepeque pipesutique nanique.

Números 11:7

(Ore ojningane arureque quedéjna uje Dupade chisi ome ore chosi cucha ajñáminie nanique uje perupíjnami ga gajnui tu poridie irisode to ome dáringanie perupíjna.

Números 11:9

Uje qué israélgosode ore mo nanique, mu Dupade e pésu jeta pejnare erámi ga tetáringai e nóna arureque quedéjnane aja jnumi to.)

Juan 6:27

Ayáyo uaquedójnaringuéone ome uacacuegode cucha pibose uje jĩraque íjnoque. Mu uacacuegode urásu cucha pibosode uje que eruénique cuse. Cucha pibosode udore u gu uje chisi ome pucuecaringué eyúgojmai ome uaque. Enga pibosode udore guẽrasṍri jé u Dupade utocaidi uyu ujetiga yisi ome uaque jne. Chamáñaje yai Dupade ajegaite yu ome udore gu.–

Juan 6:31

Mu jé ate ome ore uje ore jno daruode údi ome Jesús. Enga ore chojninga: –Yocayode jnani bajácho ore tagu arurégode nanique uje i tu maná iji erãpe eyutiguei. Dupade uruode urusãrasórone ore urusarane quigode u udé: "Dupade u nanique uje guẽracho arureque gateminórone ome ore nanique uje garani u gatajnoquei."–