Números 11:5 - Dupade Uruode

⁵ Urénga ueradéjna nanique uje yicoi egíptogosode ore iroquéode nanique ga yajo ore gueranone oyite arione to nanique enga subudépise yóguiji arione to nanique. Mu que gusu oyídode arione nanique mu yajo ore acade cucha to nanique, jé aja pepínonie, jé aja melonie, jé aja cebólladie, jé aja ájodie.

Números 11:5 Iomraidhean Croise

Sálmos 17:14

Pangarádejná, ome bajmanai aqueta yu ome jnanione udore, ome udore ore uje ore gajnepídi déji erámi tudé ga gusu ore cho dagutíyabádode cucha iji erámi jogonórone cucha aja dacuecaringuei eruénique. Ua u uje bãreta ore icadie ome bañerane cucha pagutíyabácho udore ore. Ga ore abode nunaji udore to, enga ore noñome daquebéode iji cucha pagutíyabádode udore ore ome dape parátagabode sudore ore to iji daquigade.

Éxodo 16:3

Uje ore chojninga: –Uje yugúcoji Egı́pto ica ga yichago yoquĩraca piagode aja yoquejode ica uje yocãraqueguedie aquirájna irágu ga subudé yóguiji ejode ica ga que yejnángo. Mu uje uacajnicho yóguiji Egı́pto ica ga uacoreyoi yóguiji erã́petarégode udojo ga a yitogoi ome cutejmane yoquiyaguhéo jne iji udojo. Jé go uje Dupade que noñome yóguiji Egı́pto ica ga yichago yocóderigui aja uté to ica, mu a yichago yocóderigui aja erã́petarégode udojo gajneri uje Dupade chorei yóguiji erámone udojo ica.–

Números 14:2

Uje dire uñai nanique ga ore pojna Moisés, Aarón ore údode to ga ore chojninga: "Omi turásu jeta jé yácagoji Egípto to ica enga yichagorása yocódedie aja to jne. Jeoga yichago yocódedie aja erãpetarei udé ajénigo.

Filipénses 3:19

Mu a Dupade cho dajuñame udore ore jne. Uje cachi ca udore ore chajire Dupade yúrique go, mu cho ujetiga ore idupade u dapotiguéode cucha. Enga que ore chajéngome date gajnaréngone gotique, mu ore irasique re ome date gajnaréngone. Udore ore áyipiedie gaidode u cucha jnutiminórone gatuaque ome re.