Números 11:16 - Dupade Uruode

¹⁶ Ga Moisés chejna daruode guesi nanique ga jé u uje Pangarádejnai Dupade chajnai uruode to iji quigade ga chojninga: –Moisés á, acué israélgosode dayode uñéngo uje pangaranipise ore ome darasade, jeta ore chise 70 to. Enga ajína ore aja yiguíjnai ajé uñai uje i tu 'Dupade, Yutuãjóa Ñane Iji Te.' Enga ácayoji guesi iji uté ejoi ga arochope yu iji to jne.–

Números 11:16 Iomraidhean Croise

Génesis 46:27

Enga José abode gare ore nanique enga ore batigai u Egípto jnese nanique. Jecute uje Jacob e ore cháta raja José ore iji Egípto enga jé u uje ore chise 70 nanique.

Éxodo 18:25

Doi Israel ájnape disi ejode ga chimáta ore uje áyipierãque udore ore iji darasade ore ujade. Ga udore ore uje Moisés pésu ore úringane eduguéjna ga chicha ore aja ore urasade ujade jeta ore chajire ore yúode. Enga uñane irodigode 10, jé 50 uñane, jé basa jorane ga 100, jé qué uñane irodigode chise 1.000.

Éxodo 24:1

Dupade catecãrápoi Moisés gaté rĩ ga chojninga: –Moisés á, ajína bayai Aarón, jé aja Nadab, Abiú ore jne, enga ajínañopo uacojode israélgose ore angaránone uñane rĩ ujeta 70 u ore jne, enga ocho yijogapi udé cucarãte to jne rĩ uje yugúsiji. Enga a uacajárique cuse ome yu jne, ga a achacho uacagataidie aja jnumi tiji yiquei jne ga a yicatecã́ri uaque to iji te.

Éxodo 24:9

Ga jé u uje Moisés, Aarón, Nadab, Abiú ore choru cucarani uté ga ore nóna dojode pangarate israélgose uñane uje 70 u ore nanique.

Éxodo 4:29

Uje ore diji Egípto ga Moisés, Aarón ore tibidi dojode israélgose ore daníngo ga ore taquiri ñane nanique.

Números 11:24

Enga jé u uje Moisés jnoji dayaridi uté enga chicáji gáguedaté ore ga chingo Dupade uruode aja ore. Ga chojninga: "Aruyo uágaja jnumone uje Dupade a chisi ome dosipéode ome uaque dirome." Ga jé u uje doi dajegaidode iji ore dayode enga oidode u 70 enga chijna ore aja Dupade iguíjnai.

Números 16:25

Ga jé u uje Moisés, jorane pangarácho ore chicáji Datán, Abíram ore yúode to.

Lúcas 10:1

Mu udojo quigade ga yocangaráni Jesús chisa ayorérigo uñane to ujetiga ore dobi iroquéode to. Ga ore batigai u 70. Ga Jesús chojningame ore: –Boyo ga bajaque uágaja yiquei. Ga gare uágaja ñane jne. Ga angoñoma uágaja ore idáyode jnese uje ore déji yoquiquigode udore iji yoquiquei.–

Lúcas 10:17

Mu Jesús utocaite ejóiso uje 70 ore, ore jno Jesús uruode údi mu ore chisápo Jesús rĩ. Enga ore irasiguipise raque. Ga ore chojningame: –Yocangaráni á, yoquirasiguipise yoc, uje Satanás utocaidode isagode, yiquetágo ore uje yĩ́caco bei enga yijnángo bajopié tome ore.–

Deuteronómio 31:28

Enga Moisés chojninga: "Abichoi israélgosode uáguedie to jeta ore eduguéjnane chise yu iji udojo to, jé aja uacangaránone ore jnese. Yigaidi tu gu ujetiga ore tangári Dupade uruode udojo iji yibijnani to ujetiga yĩraráraja gai jne. Enga jnumi, gaté a ore chudute yu to jne enga a yuruode pijogúsorone u ore jne uje que yipógu Dupade uruode quigode ome uacangaránone udore gotique.