Números 11:1 - Dupade Uruode

¹ E chise diri nanique uje Dupade chudute israélgosode ore úringane chi-chi-chío uje ore narañime cucha dacadode gu. Ga ore chijnime Dupade ájningai ome raque nanique ga Dupade chiroque pioi aja ore irengúi ga ore chácariji pioi ajã́ro ga chajuguipise ore agutedie.

Números 11:1 Iomraidhean Croise

Génesis 38:10

Mu Pangarádejnai chujãpise Onán isocade udore to enga jé u uje chujépo to rĩ enga topísi to.

2 Samuel 11:27

Udojo quigade ga David chiroque darógode aja uaté yui jeta ore chimánaja David iguíjnai. Ga chácariji to, ga David cho dacoté iji uaté. Ga abi déji ajei. Ga uaté abi chise diri uje base ga diyoqui. Mu que Pangarádejnai Dupade irasique David isocai uté gotique uje chijna jnani quedéjnarique acoté aja re gu, ga doi ga tẽra abai ome pocaningai.

2 Reyes 1:12

Ga Elı́as jé uru qui chojmara ome ore nanique, uje chojninga: –Ujetiga jé ũré ua ga Dupade iroi tu yu, enga ¡yipésupú ga pioguéjnarique tṍraji gaté ga basája uacabai jne jõ, ga chejna ua, jé aja barógode soldácho jnese to, uje ore batigai u 50!– Enga jé u nanique uje pioguéjnai tṍraji gaté ga basája soldádode udore ore gai nanique. Ga chejnápo 50 udore nanique rı̃, jé aja ore eduguéjnai uté, que uñeque chapite nanique.

Sálmos 106:18

Pioque papósi tagu puague uaté gai ¡jaripe! Uje gajnarenguipise udore ore adode, ga que cho daquebégu uñeque uje pioque ocarate cuchábei udire gu.

Sálmos 78:21

Jecute Pangarádejnai uté cho júruru uje chudute ore uruode udore. Enga uté ájningai cho piotique uje tocade ome Jacob uté ape disi ejode, ga uté ájningamíe chõre re ome israélgosode udore ore.

Sálmos 78:63

Pioi chejna jnacarode udore ore, ga gapu paredie que ore chudute pijñiecárique to ujetiga pisi ore gai ome dáringanie amanachugué.

Éxodo 16:9

Moisés chojningame dayai Aarón: –Angome yocujode Israel ájnape disi ejo jne enga ore chose Dupade iquei jnese jne, uje chudute ore ichietabáitigade ome re gu.–

Números 10:33

Ga jé u nanique uje Moisés acoté dajai tuté nóna israélgosode ore aja quedéjnane to nanique. Ga jé u nanique uje ore jnoji erãpetarei Sinaí ga ore chajna Dupade uruode pi jnungórone iji jnumi ga cho jetiga Dupade uruode pi cajo chingo ore irengu ejórigaja ore to. Enga ore jno nanique ga Dupade ichajagué gue abuja déji israélgosode ore gai ga nonapísa ore aja dajei iji deréjnane údode jnese. Enga dire ga obiréjnapise iji ore gai to. Ga dirode gadioque nanique uje quene ore chise darengu ejoi to.

Números 11:18

Jetiga e yimate cucha dacadode udojo ga beyoi ga abichoi gáguedaté enga angoño yuruode ome ore to. Ga ojnichome ore to jne: "Beyoi ga aruyópise uágaja jnumone to. Uje Dupade a pésu dapesútedatérique ome uaque dirome. Enga a chejnápise uacasirobode to jne. Uje Dupade chudute to uacayacade. Ga Dupade chudúdapo uacaruode to rĩ uje uacojnicho: 'Yipésupú ga yajo dosipéode jne enga subudé yógome to.' Chudute to uje uacojnicho: 'Yoquiboso de jiei iji Egípto to nanique ga ueradéjna ome yoque jeta yajníngopórasaja yoquirósorone gáyode to ga yajopórasu ore gueranone dosipeque to rĩ.'" Ga ojnichome gáguedaté tuaté to jne: "A uacatióbio iji to jne ga a oyo pabu iji to jne rĩ, uje a acho dosipéode jne ome uacabosode iji guedosi chojmarai údode jnese." Enga yujuyaquéode a u ome ore to jne ome dosipéode uje ore chetaque yu gu ga yejnáreque ore uruode to diríca gu uje ore chisa dabade ome dosipéode diríca ga ore chojninga: 'Ueradéjnapise Egípto ome yoque diríca uje yajo cucha arione iji nanique. ¿Ga gotique gu a uje yijínango Moisés aja erãpe eyutiguei udé to diríca?'–

Números 12:2

Ga ore chojninga: "Gajnareque uje ore cho cuchadatei iji Moisés ga que pajirique gadórique to. ¿Ga jé ca ore chimo a? uje Dupade catecã́ri yoque to." Mu Yocangarádejnai Dupade chudute ore uruode udore nanique.

Números 14:2

Uje dire uñai nanique ga ore pojna Moisés, Aarón ore údode to ga ore chojninga: "Omi turásu jeta jé yácagoji Egípto to ica enga yichagorása yocódedie aja to jne. Jeoga yichago yocódedie aja erãpetarei udé ajénigo.

Números 14:22

Enga que potigayagápo yurúrique rĩ, uje yĩrarare enga jecucha yuruode tocade. Jecute uje yãraque yojningai punire ueradéjna ome ore ga que potigayaquérique déji yuruode udore to, enga a ca ore chisípise yojningai tuté punire jne. Yojningane u israélgosode ore uje ore pañaji yipesútedatéode iji egíptogosode ore uniri ica uje yijnime ore iji egíptogosode ore jmainie ica, jé aja yipesútedatéode to uje yipésu iji de erãpetarei udé ajei. Ore chimo to mu ore dojnóngaja yipesudode udore ore jnese. Ore u uje ore pañapísiji yingoningájnai mu ore cho cucha bisidéguiji, enga ore pésu yujuredie gatuaque to iji erãpetarei udé ajei. Que ore áyipieraque dépisi yuruode úringáringo pipesucho to enga ore tagu yuruode aja gatuaque to.

Números 14:27

Enga chojningame ore: –Yachopise israélgosode ate gajnarenguipísode ome yu to uje ore dojnóngasíja uyu to. Enga sijnanguipíso ore enga jecucha ore chaguhéta cuchade yibai. Enga cho jetiga ca yudute ore uru gajnaréngone ome yu to. Mu yudute ore ichietabáitigade to.

Números 14:28

Mu boyo ga angoñopísa yuruode aja ore to ga ojnichome ore: "Yocangarádejnai dopísi daruode ome cuchade enga chósi tome uaque: 'Que anguretáyo yu to jecute uacatodóyo cuchade jnese. Jecute a yujuéga uágome uacatódode cucha to, ga a ore tocade jnese jne, ga uacaruode udore chajni uacabáyode to jne. Uje Dupa ueca yu ga que yuruode toja to.'

Números 16:11

¿Jé gotique a uje gajnarécho uacaruode ome Aarón que, uje que uté ichajapite re aja Dupade iroquéode nanique? Cachi uacachietabáidi tupúsu Dupade, uje Dupade u gu uje chisi ome yoquisagode ome darógode uyoque jnese.–

Números 16:35

Uje jnumi e chaco Coré ore gai ga Dupade chirógapo pioque dequejnangóri taja ore jorane jnanío to rĩ uje 250 u ore to. Ga chejna ore ¡jaripe! Ga imoi tu uje Dupade que chimesẽre ore iborigode cucha ai unéño to.

Números 17:5

Ga a yipésu yajegaidi uté ogué jne enga ujniéringui cuse to aja guesi yui. Ga a obiréjnapise ome ujode pangarácho ore to uje yajegaidi tu uté gosi uje ogué ujnienie cuse to. Yigaidi u gu ujetiga israélgosode ore chiraja uacáringane yajegaicho ga ore cha bu dachietabáitigade ome uaque to iji yiquei."

1 Coríntios 10:10

Yirajágo to uje yocayode jnani bajácho uñane ore cho chere, chere ome Dupade to nanique uje ore chetaque adode. Jecute Dupade chiroque daroque gaté unirísõre dequejnangóri aja ore ujetiga chujé ore. Enga uásejna togode. Jecute ajuso uaqueo to enga ca oyo chere, chere ome Dupade to.

Deuteronómio 32:22

Uje gosi ijnimique yájningai enga quene chiraja uje cuchadaté yájningai to. Ga gajnúrique u pióquedatérique to uje tagu dajesui erãpe enga tagu jnumi urui aja dajesui to iji daróbuchatíque to, enga que cuchárique chapídiji iquénique to.

Hebréos 12:29

Uje Yoquidupade gajnui tu pioque ditaguei uje tagu cuchade enga chejna cuchade udore jnese.

Santiágo 5:4

Uacarócho uacarógode aja uacaroquéode bisideque uje que oyo ore oré. Enga e ore chayója Dupade ome uaque uje que oyo ore oré. Enga ore agoyedie e chise Yocangarádejnai iji gaté uje gaté unirísõre dipeséode ore eduguéjna cuchábi tu Yocangarádejnai tuté.

Júdas 1:16

Jnanione udore ore chachóguina cuchade ome raque. Ore dojnóngapója dojode ayoréo rĩ. Que ore chucué dojode ayoréo ueratigárique, mu ore ucuegode u dahueratigade ome raque. Enga ore chisipise dabáyode ome dojode ayoréo. Aringácachoquí ore to uje ore uruode ueracho ome dojode ayoréo, mu ore ajegaitígo u ore guẽrapáitigo cucha.