Números 10:9 - Dupade Uruode

⁹ Ujetiga israélgosode uacamajósoningo cugujnárasi uaque to jne iji uacanínique ajénique to, mu uacabuchugode ubuchusóningo ore cugujnáji dabuchugode yúrique to enga ore chubúchu ga ore naráraja dabuchugode ga ore chinguíra dabijnanone aja dosadode jnese to enga jé u ujetiga arajáyo jnese uje uacamajosórone u, enga jĩraque boyo ga beyoi pocaningai ome ore to. Enga a yudute ore ubuchugode agoyedie to enga a yáta yu aja uaque to jne enga yãraque uaque jne iji jõcaratade ore iquei. Ga a yisi ome uacáringáringo pujnuéngaisóño ome uaque to ujetiga ajnuéño uacamajosórone ore gáyode to.

Números 10:9 Iomraidhean Croise

Génesis 8:1

Dirode udore quigade nanique enga Dupade áyipie doi Noé ore nanique. Jé aja cuchisode to rĩ iji cucoi ajei. Ga jé u nanique uje Dupade chiroque emi aja erámi nanique ujeta chubúchu yodi jetiga doi jnumi, doi jnumi, doi jnumi, doi jnumi nanique.

Sálmos 106:4

Pangarádejná, ca báyipie jnoji uyu jeta apésu barasade ore arétigai. Ga abágui yu to ome báringai piquetasõre ujeta aqueta udore ore.

Sálmos 106:42

Ga ore umajosórone udore cho dajosipié ome ore, ga udore ore umajosórone chosi ore iji jnumi jeta ore cho daróguiji ore.

Sálmos 136:23

Uté u uje érãtique chicadígui yoque uje yejnárejo yoque. Chamáñaje que ijnoraquédatéi eruénique cuse gu.

1 Coríntios 14:8

Isocai jé u to soldádode uje ore déji pocaningárique gai. Ujetiga ubuchui ubuchungóri chapúsaja uje chubúchu dabuchui enga a ca soldádode ore timíningarása go. Mu ujetiga ubuchungóri pésupúsu aja quigode enga jĩraque soldádode chiraja uje ũré ome dabuchui uté enga jĩraque dimane ore ome damajósoningo yui.

Josué 6:5

Mu ujetiga uacadúcho uje ore naráraja dabuchugode to enga jé u ujetiga anguíraño uacabijnanone aja ore to ga ejnáñopusu uacabijnanone. Ga a jé u jne jeta amóño ore ujuyaquéode iji ore idai gai ga cṍra ga urúji jnumone jne uje taratapísiji jnumi. Enga a jé u jne ujetiga acugujnáñoji ore idai ajei enga jé u jne jetiga ejnáño ore jnese."

Juéces 10:8

Enga siqueredie chise 18 años nanique uje israélgosode ore chejnáringui jóroque filistéogosode, amóngosode ore josipiedie ome raque. Ga cuchiyíode upúsu israélgosode ore uje ore déji guedé garani yui iji yote quedéjnai Jordán uéchamitó, uje ore déji amorréogosode ore uniri Galaad ajei.

Juéces 2:18

Mu uje qué padode irajasónique qué eca ga Dupade jecucha cháta cuchade aja israélgosode gu uté ijnoraquei ome Dupade. Dupade tangári israélgosode cutejmane ore uyaca uje ore chisa dabade iji damajosórone josipiedie jmainie, ga chosõripise ore gatuaque. Ga jé u uje chiroque padode irajasórone aja ore jeta chijnime ore iji pisocade udore jmainie.

Juéces 3:27

Enga uje Aod e chise daniri Israel ga choru cucarani uje i tu Efraín ga chisa dapúpuria ga chubúchu ome darasade ore ga ore chudute ga ore tibágui. Ga jé u uje ore doi jnumi tiji cucarani ga ore chijñaque Aod aja jnumi.

Juéces 6:34

Enga Pangarádejnai Dupade chĩreta Gedeón ome dajopié ome madiángosode ore yui. Ga Gedeón chisa dapúpuria ga chubúchu ome darasade, Abiezer ape disi ejode ore, ga ore tibágui púpuria uaté.

Juéces 6:9

Mu uyu u nanique uje yijnimique uacáquiode israélgose iji egíptogosode ore ujade nanique. Jé adi tu ome uacamajosórone uñane nanique uje yijnime uáguiji ore josipiedie jmainie to nanique. Upo rĩ uje yijócãre ore iji ore unirone ga uacoyo uacaniri iji ore unirone nanique.

1 Samuel 10:18

Uje e ore déji uté jnese ga Samuel chojningame israélgosode ore: –Pangarádejnai Dupade uruode chósi tome israélgosode uyoque que: "Uyu u nanique uje yijna uáguiji egíptogosode ore gari nanique, ga yibéro uacajnenie ore josipiei nanique iji uacabai. Mu que gusu egíptogosode ore, mu yijnapo uáguiji uacamajosórone uñane jmainie to jnese nanique rĩ uje ore pota jeta ore sué uacabáyode to nanique."–