Números 10:1 - Dupade Uruode

¹ Yocangarádejnai Dupade catecã́ri Moisés nanique ga chojninga:

Números 10:1 Iomraidhean Croise

Génesis 42:13

Mu ore chajnai José uruode ome raque enga ore chojninga: –Yoqueduguéjná, yoco uacaróguiji yoque arĩ́e iji baquei tudé. Yocai ujnacarode uyoque gare yóguiji yirídai. Enga yoquejopísi qué chácariji yocai gari iji yocuniri, jé basa ga uñai e cho jmíti, jmíti ome yoque, ga que dépoji yocari to.–

Génesis 46:15

Enga yatataque bajade udore ore daté jé chojmára jnese nanique enga Jacob acoté bajé Léa u nanique ore datépise. Enga ore batigai u ore uniri Padan-áram jnese nanique. Enga ore nero Dína jé batigai upo uté to nanique rĩ. Enga uje pisecarãte Léa uaté ape disi ejode, diyoquíode, diyequedíe ore aja ñane enga e chise 33 ore nanique.

2 Samuel 6:15

Uje David, urasade israélgose ore di Dupade uruode pi cajo údi iji David Idáidatéi ga ore chubúchu dabuchugode, enga ore ichorájna uje ore chachietai Dupade uruode pi cajo uté nanique gu.

2 Reyes 11:14

Ga uaté chise Pangarádejnai iguı́jnai uté ga chajire mu ¡chimo jóroque re! uje disi eduguéjnami chaguesi iji Pangarádejnai iguı́jnai cutádedaté uaté ejoi, uje jecucha eduguéjnane ore isocabei u nanique. Ga uaté chimo capitanie ore iji eduguéjnami ejode, jé aja uñane uje ore chijna dabuchugode to iji disabi suté ejode. Ga Atalı́a chimo ayorébujnai uje ore tṍraji ore uniri Judá uté údode jnese, uje ore nı́na raque jnese iji deduguéjnami ejode, ga uñane chubúchu dabuchugode iji ejode rı̃. Ga jé u nanique uje Atalı́a uaté chajnangarase daguidedie iji dabai ome dáyuguhebátigai, ga tibite ore gai ga chósi te: –¡E uacayague yu que! ¡E uacarané yu que!–

Ésdras 3:10

Uje Pangarádejnai Dupade iguíjna cuchábi orasórone e ore chimate Dupade iguíjna cuchábi cutádedie aja gaté nanique, enga Dupade iroguipísode uje ore isai tu picatecãraitigai ome darasade ore jeta ore catecã́ri Dupade ome ore, enga ore chacája daguidé ueradéjnanie uje ore úringane Dupade iroque pijógome daguidedie udire nanique, enga ore chague enga ore chubúchu dabuchugode. Ga levígosode uje ore dáqui gatei i tu Asaf, udore ore chinguíra degode guebecho aja ñane ¡cã! ¡cã! ¡cã! Enga udore ore dopísi eduguéjna cuchábi casicaite David uruode quigode enga ore nínapúsu re uje e ore chimate Pangarádejnai Dupade iguíjna cuchábi cutádedie aja gaté gu.

Sálmos 47:5

¡Dupade dóji gaté ga pibijnane udore nína re iji uté ejode. Ome Pangarádejnai uté, ga pubuchuque pubuchugode iji uté iquei!

Sálmos 81:3

Abúchuyo uacabuchugode trompéta jeta chise guedosi tocachuque ichai. Jé aja jeta chise guedoside uje e dai ga yoquininquei dire puyaque jogadi u uté.

Sálmos 98:6

Asayo uacabuchutígo iji gatéode uje edodie tṍraji pajéode, jé aja uacabúchudie púpuri udire jocarãtígo ome uacacotaquéode iji Pangarádejnai edominone uje Peduguéjna Cuchábi u uté gu.

Números 10:2

"Apéso uacabuchutígo jne jetiga gare uacabuchutígo to. Ga ajároyo guebeque serẽrachuque pórororigo ome paranguéraque ga ayóyo údi ga quérã aja quedéjnane to, ga jé u jne ujeta apéso uacabuchutígo iji uté to. Ga a aroque ubuchusórone aja jne enga a ore chubúchu dabuchugode ga jé u ujeta barasade ore chimáta rágaja ñane jnese. Mu ore chubúchapo rĩ enga jé u uje ore chiraja ujetiga ore jno to.

Matéo 24:31

Enga a yiroque yirógode gaté unirísoño uñeque ujetiga chubúchu dabuchui jne enga a chejnápusu. Enga a yiroque yirógode uñéngo aja erámone quigode jnese jne ujetiga ore chamáta yajegaidode ayoréo jnese aja yari.–

Josué 6:4

Leví ape disi ejórigo uñane uje ore icatecãraite yu ome uaque to, a ore chácariji yuruode pi cajo jnungórone ore iquei jne, enga yojningane udore a gare ore iji yijmanai uñai jne. Ga a ore chijna dabuchugode iji dajmainie jne uje pipesucho udore iji áyasa choquíode uedie. Mu ujeta e chise uje dirode gare iji ti dirome enga obechopísi yui dirome iji dúrasabía jetiga apacho ore idai gai ga gariji ti iji dire chojmarai tuté. Ga yicatecãraisórone udore jé u jeta ore chubúchu dabuchugode ¡pu! ¡pu! aja dajesúode to."

Apocalípsis 8:2

Enga jĩraque yimo Dupade iroque garitíode ore uje ore déji Dupade iquei, enga ore chisi ome pubuchuque garitíode ome ore.

Juéces 7:20

Ga ore jõráiso ore chubúchu dapúpuridie to ga ore chusaque coidie to. Ga ore chijna dajnaningone iji darasei, jé ore chijna dapúpuridie iji dãrachua ga ore pijnacarachi ga ore chojningame dabijnane: "¡Pocaningai e u ome uaque é! ¡Uje uaquesórone u Pangarádejnai Dupade, iroi Gedeón ore é!"