Matéo 5:3 - Dupade Uruode

³ –A ore nína raque jnese jne uje ore chiraja Dupade úringai ore agutíyamáte. Chamáñaje Dupade a urasade u udore ore jnese jne gu.

Matéo 5:3 Iomraidhean Croise

Sálmos 1:1

Pininaquei gajnengóri tu jnani uté gosi uje que tangári jnani sijnángone ore áyipie quigode udore to, jé aja uje que nóna cucha gajnaréngone ipesusórone udore aja quedéjnane to, jé aja jnanione ore rĩ uje udore ore chujñieta Dupade ga jnani uté gosi que chácariji udore dosatique to.

Sálmos 112:1

¡Picotaque Opejã Pangarádejnai! Pininaquei gajnengóri u uté gosi uje dosóñime Pangarádejnai. Ga uté irasiguipise áyipiedie quigode jeta doi quigode ome re.

Sálmos 128:1

Pininaquei gajnesórone u udore ore uje ore dosóñime Pangarádejnai, ga ore chajna uté isocade quigode ome re.

Sálmos 146:5

Pininaquei gajnesṍri u gosi uje átajasṍri tu jnani bajai Jacob uté angureni Dupa, ga uté anguretigai jogadi u Dadupa Pangarádejnai.

Sálmos 2:12

Ga achacho uacagataidie aja jnumi iji uté iquei. Ja seca ca apéso udore ga ajei dotárome uaque ga uaque gosi toi ¡paque! iji dajesúrique erãpe, uje jĩraque cho júruru. ¡Mu pininaquei gajnesṍri u gosi uje chucué dãrésonique cucha iji Pangarádejnai uté!

Sálmos 34:18

Pangarádejnai idógosipísiji udore ore uje pajnangaráña ore áyipiedie aja quedéjnane, enga uté chiqueta udore ore uje cuchade na ore áyipiedie aja jnumi.

Sálmos 41:1

Pininaquei gajnesṍri tu gosi uje chiraja posongaquei ome dojórique ayoré uje garósi gosi etotiguei; uje Pangarádejnai a chijnime osõratai uté gosi iji gajnenie pujuré jmainie to jne.

Sálmos 51:17

Cucha pẽrapáidode udore uje Dupade chimesẽre u ujetiga gosi cho derani cucha iji dáyipie ajépisi uje pimocherã uaté. Que adojnóngaja gosi ujetiga cuchade chusũrurase uté áyipie, jé aja ujetiga gosi cho dáyugu re ome date gajnaréngone udore, Dupade á.

Sálmos 84:12

¡Urénga, Pangarádejna Ujopíerãque Cuchábi á, pininaquei gajnesṍri tu jnani uté uje chicha danguretigai aja ua gatuaque!

Provérbios 16:19

Mu yababi á, jé ca ajéngome ugucharane ore jetiga ore cana babai ome bajõra jmatágode ore, uje que cucha gotique jeta o bajõrai iji ayoré jmatátique. Mu bajõrai tuté ayoré jmataque suépise bajorane ayoré ugúcharã́que dicotárechoquí ore gáyode ome úringai ayoré uerate.

Provérbios 29:23

Ayoré dicotárei ujode ayoré ore chosi iji jnumi gu icotaquéode ome re. Jé basa ga ore chosi jnani pajnotai iji gaté gu pararinguei.

Provérbios 8:32

Yababode uaque á, beyoi ga angachopísi yarecujaidie quigode udojo jnese. Jé beyoi yijmapié ome yojningane udojo cucha jnese to jne enga a uacarasique uaque gatuaque jne.

Matéo 11:25

Enga Jesús e catecã́ri Dupade enga chojninga: –Yapá, yisípise babai uje bajnué gaté unirisórone ore gai jnese gu. Enga jé cho jnutiminórone ore, uje bajnué ore gáyode to. Yisípise babai to uje bapógu badode ome dicotárechoquíode, irajatade ore. Mu que apógu ua ome udore ore gotique uje qué garósi ore irajatigade.

Matéo 11:6

Angoñome Juan to ujetiga ca cho caru ome danguretigai. Uje uté gosi a ninapísa re jne ujetiga ca anguretigai doi jnumi ome yu.–

Matéo 13:16

Mu pininaquei gajnesórone u uaque uje uacamóño ome uaquedodie. Enga uacadúchopo rĩ ome uacangoninguinone.

Matéo 19:14

Mu Jesús chojningame dacadigode: –Jé dóji enga disabode ore chisósi yu to. Enga ca ãracho yejode ome ore. Uje Dupade a chopise darása iji disi parátagabode sudore ore gajnúringo jne.–

Matéo 24:46

Enga a uté irasique re jne ujetiga irósõri di enga chisíji daroquéode gai uje pésupúsu aja quedéjnane.

Matéo 25:34

Mu eduguéjnai uyu a yojningame yãrachua jogonórone jne: "Dupade angacarane uaque á, boyo ome uacáringane purása yui ome Dupade. Uje jé ipesute ome uaque naninguéjna iji erámi taningápisode.

Matéo 3:2

Enga Juan acajnaquéode qui tu uje chojninga: –Ecãcho uacajéode. Ayáyopo uacate bajade rĩ, uje e idógosi ujetiga Dupade chijna dáringa dacasuté cuchabe aja jnumi uné.–

Matéo 8:11

Jesús chojningame dacadigode: –A uásejna purása unejángone iji erámi údode ujetiga ore chacásõra jnani bajade Abraham, Isaac, Jacob ore iji dáringane Dupade urása jne. Jé aja judíode uñéngo.

Márcos 10:14

Mu uje Jesús chudute dacadigode ore uruode ga ájningaránguipísome udore ore. Ga chojningame ore: –Ca ãrácho yejode ome disabode sudore ore. Ca amecho ore iji ome gadoi. Uje Dupade úringárique pibi gajnúone u disabode sudore uje ore gajnenguipise dáringane Dupade urásapíso to gu.

Lúcas 11:28

Mu Jesús chajnai uaté uruode ga chósi tome: –Úngare. Que quigode u udore gotique. ¡Picotaquéode gajnetodie udire ore u uje ore chudute Dupade uruode ga ore doi quigode!–

Lúcas 18:14

Jecute yo yuruode quigome uaque. Uje jnani tuté ore eduguéjnai iroi uté uje utaidé ore iplátadie, a chajni aja daguíjnai ga Dupade imeserãi tu. Mu que Dupade chise fariséogosi catecãraitigade unétique. Mu a Dupade sosi uté gosi iji jnumi ujetiga gosi chicotapise re. Jé basa sosi uté gosi iji gaté ujetiga ca gosi cho ayorédatéi iji re.–

Lúcas 22:29

Jecute a yẽrája uaque ome jne jeta eso Yapade uniri to ome uacáringáringo ibijócho jnese. Adi tu uje Yapade guẽrate yúringai ibijoque ome yu nanique.

Lúcas 22:30

Ga a acásoraño yu jne iji yocatigai jne ujetiga e yibasája yúringai eduguéjna cuchape. Ga jé u ujetiga abasója uacáringáringui ayoré dacasuté jne. Ga jé u ujetiga israélgosode uáguerigui uje gare ore iji yirídai, a ore cho dacasuté cuchabé iji uaque jne.

Lúcas 4:18

Yocangarádejnai Dupade Ujopié déji yari. Uje imeserãque yu gu ujeta yiji uté ujnomei údi ome ayoré jmatágode, ayoré gajnaréngone ore to rĩ. Chiroque yu aja udé gu ujetiga yiqueta ayoré jnusietade, áyuguhebátade ore. Ujetiga yijnime udore ore iji ore isijnaringuéone ajei. Ujetiga yiqueta edoparigode ore enga ore chimópo cuchárigo rĩ. Jé upo ome ayoré pumajone rĩ ujetiga yijnime ore iji ore umajósoningo ore gari to.

Juan 20:29

Jesús chojningame Tomás: –Tomás, bamo yu que, jecute bangureta yu. Mu a pininaquei jogadi upúsu ome udore ore jnese jne uje que ore chimo yu mu ore changureta yu.–

Santiágo 1:10

Jé basa ga ujetiga ugúcharã́que yocujórique Dupade anguresõre, mu uté gosi irasique re to. Chamáñaje Dupade chosi uté gosi iji jnumi gu, enga e chopise Dupade anguresórone iji jnumi to. Uje cucha bisidécho ugucharane ugúchade gu, enga gajnunie u pore asíguedie uje base enga jĩraque íjnoque.

Santiágo 1:12

Pininaquei jogadi tu ujetiga gosi chidota re iji dáringai petingarãque jmainie. Chamáñaje e petingarãque gu ome Dupade, enga jogadi u jne ujetiga Dupade chisi uté gosi. Enga Dupade guerani a u pucuecaringué eyúgojmai jne ome uté gosi. Chamáñaje Dupade e chichaga pucuecaringuei tuté ome dajnorasórone ore jnese nanique gu.

Santiágo 2:5

Yujode Dupade anguresóño uaque á, angáchoi yuruode unojo: Dupade ajegaite jmatágode ore to iji erámi tuné. Enga gaidi u gu ujetiga chinoningase ore, enga ataque ore to ome danguretigai. Chamáñaje a ore gajneque Dupade ingoningájnai to jne gu ujetiga diga ore chise dáringane Dupade urása iji gaté. Chamáñaje Dupade jé urúo udore gu ome dajnorasórone ore jnese.

Apocalípsis 19:9

Enga Dupade iroi chojningame yu rĩ: –Arúsãrape unojo: "Uje Dupade urúo udore enga ũrepíso uje a chamáta dajnacari Jesucrísto, anguresórone ore aja ñane jne ome dabose uneréjnane. Enga pirasitigai jogadi tu ome ore jne ujeta Dupade tibidi ore ome to."

Apocalípsis 22:14

Pininaquei jogadi tu ome udore ore jnese ujetiga puruguei ore iguidedie enga póroroi. Uje a udore ore gajnei tu jne ujetiga ore chacája Jerusalén icha piagode. Enga a ore gajnei tupo jne rĩ ujetiga ore tagu poria adie uje pucuecaringuei déji.

Apocalípsis 3:17

Uacoyo ayoré ataque iji uaque. Enga chiese ca cuchárique chona uaque ome uacajéode. Uacajosopo eti jé areguipise uaque rĩ ome Dupade adode. Mu que arajáyopise cuchárique. Uje Dupade chujnapise uaque enga cho ayoré choquíbi iji uaque, enga chopo edopariguíji uaque. Que ataguipise uaque go mu jmataguipise uaque ome Dupade adode.