Matéo 15:3 - Dupade Uruode

³ Jesús chajnai fariséode enga chojninga: –Jé cho uaque erĩ́e uje que beyoi Dupade iroquéode quigode to. Uacagaidode jé u jnani bajade jmapiedie ome cuchade.

Matéo 15:3 Iomraidhean Croise

Colosénses 2:23

A uacuñane jos eti áyipierãque jnanione udore ore jõ, enga uerate ore acajnaquéode quigode ome uacajéode. Chamáñaje ore chãraque cuchade ome raque gatuaque, enga ore chejna rángaja dacatecãraitigade ome dangurenone cucha. Mu que ore ipesudode udore chatapísaja ore gotique. Chamáñaje ore áyipie ayoredie jé qué jogate ore, enga ore ipotiguéode ome erámone jogonórone cucha qué déji ore to.

Colosénses 2:8

Ajuso uaqueo ome pacadisõre tágode ore uje ore chacate uágome dáyipie bisidéguedie, dabotaquéode ore. Uje udore ore acajnaquéode que garani tu Crísto to go, mu garani tu ore jmapié dipesedie, jé upo páyipie ayoré dipesedie rĩ.

Márcos 7:13

Que gusu uté mu uacapéso cucha ponáyone uñane to rĩ uje jé chopise udore. Jecute uacoyo cucha bisidégome Dupade uru quigode. Mu uacabeyoi jnani bajade ore acajnaquéode. Uje que pacajnaquéode udore garani u Dupade gotique, mu jiei garanone ome uaque. Uje garanone jé u ayoréode uaque iji de jnumi.–

Títo 1:14

Enga angome ore ujetiga ca ore tangári judíode ore acajnaqué bisidégode uje cachi ore ipesute dacajnaquéode udore. Enga jé ca ore doi ore iroquéode quigode ome yoque. Uje udore ore u gu uje ore cho dedobóya Dupade uru uréone.

Matéo 15:2

–¿Gotique gu a uje bacadigode que ore doi yocayode jnani bajácho ore jmapiedie to? Uje yimóngo bacadigode gu uje que ore churu dajmainie gatuaque go ome dabosode.–

Matéo 15:4

Uje Dupade uruode chojninga: "Ajusópise uacayode, uacatedie ore guio, enga angáchoi ore." Chojningápo rĩ: "Ujetiga uñeque uruode gajnarenguipise aja danique, datéraque ore enga a chuque uté gosi jne."