Lúcas 9:5 - Dupade Uruode

⁵ Mu ujetiga uaqueyai tuté guidai, ca uñeque dejéna uágaja daguíjnarique ga jĩrique boyóji ore idai tuté. Boyóji ore idai tuté mu abócho jnumi isapídode iji uacarídade uje imoi tu gu uje uaquetachopise cucha dacatígo iji ore idáidatéi tuté.–

Lúcas 9:5 Iomraidhean Croise

Nehemías 5:13

Ga Nehemías uyu ga yiporigase yiguidé aja jnumi enga yojninga: "A Dupade jé isocai u unome uaque gosi jne jeta ca ũrepise gosi ome uruode uje uacangoñome yoque que. Enga a jé doi uaque gosi isocai jne uje uaquejnáño ore ugúchade jnese, ga a chejna uaque gosi ugúchade jnese to jne." Enga eduguéjnane ore jnese, jé aja atade, iplatarane ore, ore chajnai yuruode ga ore chojninga: "Baruode qui jé upúsu yocuruode qui to rĩ ome yoque." Enga e ore nínapo raque jnese jne rĩ, enga ore chacãre Dupade gai ome cucha dacadode udojo. Enga ore doi daruode udore jnese, enga uñeque que déji jetiga ca doi darúrique quitique.

Matéo 10:18

Enga a ore chijnapo uágaja deduguéjna cuchábode ore iquéode to jne rĩ uje ore chetaque uacáringáringo yanguresóño. Piotiguei a u jne ujetiga angoño yuruode ome eduguéjnane udore ore to, jé aja purása quedéjnane to rĩ.

Márcos 6:11

Ujetiga uaqueyai tuté ore idai idaisórone ca ore chise uacanétique enga jĩrique boyo iji ore idai uté. Mu ajninguéso jnumi isapídode iji uacarídade aja ore gai. Uje judíode jé yoquijmapié u gu uje yetajopise gosi isocárique. Ũrepise yu ome yuruode udojo: ujetiga ayoréode udore ca ore chimesẽre yirógode uaque ga a ca Dupade ujuyaquei chajire re ome ore dirome. Ga a suépise Dupade ujuyaquei casica gai jne ome Sodóma, Gomórra idaisórone ore gáyode jne.–

Márcos 9:37

–Ujetiga uacuñeque ca chuseque disírique uté gajnúrique, ga cho ujetiga uté gosi chijna yunerai ome disi suté, enga jé imoi tupo rĩ ujetiga uté gosi ca chuseque yu to. Uté gosi ujetiga ca chise yunerotiguérique mu que gusu yu go uje irasique yu, mu irasi tupo yirósõri Yai uté to rĩ.–

Lúcas 10:16

E Jesús catecãrápoi dacadigode ore rĩ ga chósi te ome ore: –Ujetiga uñeque ca tangári uaque ga jé gajnui tu ujetiga ca tangári yu to gotique. Mu ujetiga uñéngo tangári uaque ga cho ujetiga ore tangaripísi yu. Mu uté gosi ujetiga chetaque yu ga gajnui jé u ujetiga chetaque Dupade uje iroque yu aja uaque gu.–

Lúcas 5:14

Mu Jesús chojningame uté: –Ca angoma báringai piquetaque aja erámi. Mu bope bádi aja judíode yocangaránone sacerdote uñeque iji Dupade iguíjna cuchábi ajei. Ga bebi Moisés áyipie quigode ome báringai piquetaque ga ẽramája Dupade ome cuchisórique ujetiga imoi tu ujetiga ore cho ayoré ijõre iji ua.–

Lúcas 9:4

Mu ujetiga eso uacaquitique guidai ga ayorérique dejéna uaque aja daguíjnarique ga ca ecãcho uacayaripírique guiguíjna. Ga jé asáchoja jeta boyo iji ore idai uté.

Lúcas 9:48

Jesús e catecã́ri dacadigode ore enga chojninga: –Gosi ujetiga chimesẽre disi udé uje changureta yu, gajnui u ujetiga chimesẽre yu. Jé chopo to rĩ, gosi ujetiga chimesẽre uyu ga gajnui upo rĩ ujetiga chimesẽre yirósõri Dupade. Chamáñaje uaque gosi uje pajnotaguipise, uté u uje suépise dajorane ore gáyode jnese. Ga obiréjnai tu uté iji uacajade.–

Héchos 13:51

Mu Páblo, Bernabé ore chijninguese jnumi iji darídade aja ore gai ga imoi tu uje ore chetaque guidai idaisórone udore isijnaringuéone. Enga ore jno enga ore chicáji guidai uñai uje i tu Icónio.

Héchos 18:6

Mu judíode ore chetaque Páblo. Enga ore uruode gajnarécho ome. Jecute Páblo chijninguese daguidedie aja jnumi. Imoi tu gu uje a jnoji ore gari jne. Enga chojninga: –Ujetiga diga eso uacáringárique toque mu a ca u gu uje que yingome uacaquetangóri aja uaque. Mu a uacangoninguite paritigade u gu ome yatatagode. A yiji jne jé iji de gajneri enga a yiji Dupade uruode údi aja purása quedéjnane jne.–