Lúcas 9:3 - Dupade Uruode

³ Ga Jesús chósi te ome ore: –Boyome uacaquitígo ga ca ajnáño uacagutadéraque, aja uaquepétique rĩ. Jé aja cucha pibotique rĩ. Jé aja uacaplátaraque rĩ. Mu gusu uacaguidéraque iji uacamánique ujetiga aguíyo.

Lúcas 9:3 Iomraidhean Croise

Sálmos 37:3

Be ga acha banguretigai aja Pangarádejnai uté, enga jecucha apésu cucha arégode. Ácariji bayaridi jnupe iji erámi udé ome báringai ũré ga a tijode cho jnángome ua jne.

Márcos 6:7

Enga Jesús chamáta dacadigode aja dari uje gare ore iji yirídai ujetiga chajuguína óraja tijode. Enga gare ore aja ñane aja ore quigode ujetiga ore jno Dupade uruode údi. Enga chisi ome dajopié tome ore to ujetiga ore chiqueta Satanás utocaidode pírigo ore to.

Lúcas 12:22

Mu Jesús catecãrápoi dacadigode ore rĩ ga chósi tome ore: –Jé ca ejnáñopise uacáyipiedie aja cucha pibotique jeoga uacaguidérigui ujetiga acueyoi cuchade udojo.

Lúcas 12:28

Ujetiga jec ũré enga Dupade chosõre cucha pojnánguenie ome úringanie ueradei, uje udire jĩrique ore beta, móitapũrérase ome uacaguidérigui ujetiga chisi ome uaque. ¿Gotique gu a uje garósi uacanguretigai ome Dupade a?

Lúcas 22:35

Jesús cho quique darógode ga chósi tome ore: –¿Ga ajnusináño to a uje yiroque uágaja erámi nanique? Ga yojningame uaque nanique: "Ca ajnócho uaquepétique, ga jé aja uacaplátaraque. Jé aja uacachiétigo uñane ujetiga boyo yujnomei údi." Uje uacaboyo nanique iji uacajesui tuté erãpe ¿ga cuchárique chona uaque a?– Mu ore chojningame: –Úngare, que cuchárique chona yoque gotique.–

Lúcas 3:11

Mu Juan chajnai ore uruode ga chósi tome ore: –Uacuñeque ujetiga iguidérigui gare, ajuguína uñáraque ome uñeque ujeta gosi ca iguidéraque cuse. Ga jé cho ome cucha pibosode rĩ. Ujetiga uacabotígo cuse ga asíyo udore ore iji uje ore jmáta.–

Lúcas 5:29

Enga Leví jno Jesús údi aja daguíjnai ga pésu uraque dabose unéningo ome raque. Ga Leví ujórigo jnacare, ore eduguéjnai iróquegatérigo, ayoréode uñéngo ore chise ñane iji te, ga ore cháta rágaja ñane iji ore atigai gai.

Lúcas 9:4

Mu ujetiga eso uacaquitique guidai ga ayorérique dejéna uaque aja daguíjnarique ga ca ecãcho uacayaripírique guiguíjna. Ga jé asáchoja jeta boyo iji ore idai uté.

2 Timotéo 2:4

Uje jõcaratade ore déji dajocaningárique gai enga que ore áyipieraque dépoji daguíjnarique, dajogasúrique ore rĩ, mu ore áyipiedie jogadípise dasuté áyipiedie.