Lúcas 9:10 - Dupade Uruode

¹⁰ Mu uje Jesús irógode apóstoles ore chejna Jesús utoquéode guesi ga ore chajni Jesús gai ujetiga ore chatatame uraque dapesudode cucha ome. Ga chise udore quigade ga Jesús jno dacadigode ore údi aja daquique uñeque ujetiga gusu ore iji. Mu ore qui tuté idógosiji ore idánique uje i tu Betsáida.

Lúcas 9:10 Iomraidhean Croise

Matéo 11:21

–¡Jé bioque ji! Ujetiga Tíro, Sidón idaisórone ore chimo yipesútedatéode unojo to nanique, enga a ca toguírasome ore ujetiga ore cho uaque. Enga a ore chécãrirase datígo to. Uje a ore chorase dáyugu cutejmane dapesute gajnarécho unojo. Mu corazíngosode uaque, jeoga betsáidagosode uaque, uacapáñañoji yipesútedatéode unojo, mu que ecãcho uacatique go. Jecute iyieja jóroque Dupade ujuyaquei yui jne ome uaque.

Márcos 2:7

Enga ore chojninga iji dáyipiedie: "¿Gotique chimo jóroque re uje jnani tuté pota ujetiga sué Dupade gai, enga chiese chĩro pisijnaringuéone? Uje gusu Dupade múñi uje gajneque ujetiga chĩro pisijnaringuéone."

Lúcas 10:17

Mu Jesús utocaite ejóiso uje 70 ore, ore jno Jesús uruode údi mu ore chisápo Jesús rĩ. Enga ore irasiguipise raque. Ga ore chojningame: –Yocangaráni á, yoquirasiguipise yoc, uje Satanás utocaidode isagode, yiquetágo ore uje yĩ́caco bei enga yijnángo bajopié tome ore.–

Juan 1:44

Felipe uté idai u Betsáida. Enga Pédro, Andrés ore idai jé u to.

Hebréos 13:17

Angachopísi uacangaránone pastor ore ome Dupade adode enga beyopísi ore uruode quigode. Udore u gu uje ore susípise uaqueo. Chamáñaje ore chiraja gu uje Dupade a catecã́ri ore ome ore ipesudode cucha iji uacajade. Ujetiga angáchoi ore enga a ore irasique raque iji dasagode gai, enga a ca ore isagode chibéro ore údode jne. Mu ujetiga ore isagode chibéro ore údode gu uacangoninguite paritigade, enga a ca toque jne ujetiga agutíñañome ore.