Lúcas 8:8 - Dupade Uruode

⁸ Jé basa ga cucha ajñunie udire uje jnani chacáji jnumi ueratigai u uje que chajire re dedórojnaraque.– Uje Jesús chejna dacajnaquéode udojo guesi ga doi ga chinguíra dabijnani aja ore ga chojningame ore: –Uacuñéngo angoninguitígo guesa ga a udore gosode u jne ujetiga ore chiraja yuruode udojo quigode.–

Lúcas 8:8 Iomraidhean Croise

Génesis 26:12

Ga jé u nanique iji sequeré uje Isaac chutãre to nanique enga pésu dejnai tiji ore idai enga acade cucha jiépisi uje ore na. Chamáñaje Pangarádejnai Dupade chatapísaja nanique gu.

Provérbios 20:12

Pangarádejnai pésu yocangoninguinone gu ujetiga angoninguite guesaque yógome cuchade jnese; enga pésu yoquedodie gu ujetiga yajico cuchade aja quigode ome yoquedodie udire.

Provérbios 8:1

Bamo uje payuquetotiguei uté narare to. Ujetiga gosi tangaripísi uté ga a uté gosi chudute uruode quigode jne.

Matéo 11:15

Amíningachó yuruode unojo eti uacangoninguitígo guesa.–

Matéo 13:23

Mu cucha ajñunie udire uje pacáji jnupe ueratigai, gajnúone u ayorérigo ujetiga ore tangári Dupade uruode enga ore chirajapise quigode. Enga ujnomerãque ore ome Dupade adode uje ore doi. Ore isocai jé u ajñunie udire uje chaquesu re enga que chajire re dedórodie. Mu ore adie cha ñane yui. Uje uñanie adie guejnanie 100 u. Jé basa uñanie adie guejnanie 60 u, jé basa uñanie guejnanie 30 u.–

Márcos 4:20

Mu ayoréode uñane ore chudute Dupade uruode ga Dupade uruode catája ore áyipiedie. Jecute ore gajnunie u cucha ajñunie uje pacáji jnumi ueratigai. Jecute jĩrique quérã enga chaquesu re ga adie cuse. Jecute ayoréode udore cho cucha ajñunie uje chaquesu re enga adie cuse. Mu adie cha ñane yui. Jecute uñane adie cho 30. Jé basa uñane cho 60. Jé basa uñane cho 100.–

Márcos 4:23

Uacuñeque ujetiga angoninguitígo guesa ga ca acusúyo uaque. Mu beyoi ga angáchoi yacajnaquéode udojo.–

Márcos 4:8

Jé basa ga cucha ajñunie uñáringui basája jnumi ueratigai. Jecute jĩrique sué enga ijõrei gatuaque uje quérã. Ijõrei jnani acadie jnese mu chaquesu re ga ore adie cha ñane yui. Uje uñanie adie guejnanie 30 u. Jé basa uñanie adie guejnanie 60 u. Jé basa uñanie guejnanie 100 u.–

Márcos 7:16

Ujetiga arajáyo yacajnaquéode udojo quigode ga beyoi ga ajnáño to.–

Lúcas 14:35

Que toc ujetiga ayorérique chijna ome datique. Nóña ga cucha bisideque. Mu pisocai u ujetiga parãte. Mu uacajnúone cucha déji to. Mu ujetiga apéso uacáyipierigui ome ga a arajáyo quigode udore, ujetiga angáchoi.–

Lúcas 8:15

Mu cucha ajñunie udire uje pacáji jnumi ueratigai, gajnui tu ayoré parai uje dimane ome Dupade adode. Uje chudute Dupade uruode enga jĩrique doi. Enga chajo raja dagaidode Dupade iroquéo. Jecute jiei ate omone enga gajnua tu sequeré ueradé uje ore na dacadie enga jiépisi adie.–

Lúcas 8:7

Mu cucha ajñunie uñanie udire suéji jnacarapui. Ga a ca togome ujetiga ijõrei uje jnacarade nóna aja gatéode ga que chise dajóningárique go.

Efésios 2:10

A jé ca uñeque chisírase dabánique arĩa, uje Dupade u uje chiqueta yoque. Ga uté cho dapesute cucha ichai iji yoque, enga chisíome pucuecaringué ichai, páyipie ichadie udire ore ome yoque gu uje Jesucrísto, yitojmárangopísiji jnumi. Uje Dupade ajequigode ome uyoque jé iji piquéode u ujetiga jecucha yocátegoningáne cusirase gatuaque iji yocucuecaringué ichai udé. Enga jé u uje Dupade e pésu dáyipie ome pátegoningáne quigode udore ujetiga dimane udore ome yoqui. Gaidi tu gu ujetiga jecucha ga yipécorásu udore ome uté.

Colosénses 1:10

Ujetiga cuchade udore chise uaque enga a u jne ujetiga ajuso uaqueo enga a apijócho jne ome uacáringane Yocangarádejnai anguresõre. Enga a apéso ajegaidode cucha gatuaque jne. Enga a uacajnimique cucha omone jnese jne aja guesi ome uacadode udore. Enga arajayopise Dupade adode gaté to jne rĩ.

Apocalípsis 13:9

Ujetiga angoninguite guesaque uacuñeque, angaripísi yuruode unojo.

Apocalípsis 2:11

Ujetiga angoninguite guesaque uaque enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime uacãrírique enga a ca arajáyo pitoringai ejoi urõsoringuéringo to jne."–

Apocalípsis 2:7

Ujetiga angoninguite guesaque uaque, enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime uacãrírique enga a yujuéga poria tome uaque jne uje déji yidai iji gatajnoquei. Enga a acho adie udire jne enga pucuecaringuei a déji uaque jne iji deréjnane jnese."–

Apocalípsis 3:13

Ujetiga angoninguite guesaque Dupade anguresórone uaque, enga ca ajusécho Dupade Ujopié Espíritu Sánto uruode ome uaque."–

Apocalípsis 3:6

Ujetiga angoninguite guesaque Dupade anguresórone uaque, enga ca ajusécho Dupade Ujopié Espíritu Sánto uruode ome uaque."–