Lúcas 8:5 - Dupade Uruode

⁵ –Jnanírique jnome dáringai utáca ujetiga chaca dajonatígo cucha ajñui. Mu cucha ajñunie uñáringui basája dajei edúdi. Mu a ayorérigo ore tṍrai tome ga ore chuchiéjna jnumone. Jeoga chugúperenie chimo ga tagu. Jecute que sué go.

Lúcas 8:5 Iomraidhean Croise

Génesis 15:11

Mu Abram chimate degode ga cobotodie doi, mu Abram doi ore ga chijócãre ore iji ejode.

Sálmos 119:118

Ua u uje bajia ti yui ome udore ore uje ore chayo báyipie parénguenie udire gai. Jé ũré uje udore ore pésu jórogu cucha dacadode ome dáringane aringáca.

Matéo 13:37

Enga Jesús chojningame ore: –Jnani uje chaca cucha ajñu ueradedie gajnui jé u Dupade utocaidi uyu.

Matéo 5:13

Uacajnui u echoi iji erámi unirisórone ore ujade. Ujetiga echoi íjnoque unéningai iji ga e úringai cucha bisideque jogadi u. A jogadi u jne ujetiga ducarãte echoi aja jnumi ga jogadi upo rĩ uje ore chuchiéjna aja jnumone.

Márcos 4:15

Ayoréode uñane ore gajnunie u cucha ajñunie uje basája dajei. Chamáñaje quene ore chudute Dupade uruode mu Satanás jĩrique doi ore áyipiedie ga chijna Dupade uruode iji ore gari.

Lúcas 8:4

Jiépisi ayoréode ore uje ore tibágui Jesús to uje ore tṍraji pidai uñéngo. Uje Jesús chimo ayorébui ore ga jé u uje chacate ore ga chacãra dacajnaquéode aja cucha ajñúringui uje jnani utácai chaca ga chojninga:

Lúcas 8:6

Mu a uñanie basája cucaranépitabui ga cucha ajñunie udire sué mu jĩrique beta. Uje a ca jnup otadi déji udire jogadi gu.

Hebréos 2:1

Jecute yocajnei tu ujetiga yicoi enga yangacopísi yocududigode Dupade urúo, enga ca yicagoi quedéjnarique ome Dupade.