Lúcas 8:44 - Dupade Uruode

⁴⁴ Mu chequé tuaté chaguitóji Jesús yui ga tṍraji quigade ome ga chisa Jesús iguidé eruémami. Jecute Jesús ujopié chise chequé tuaté ga chaquĩ́ra iyode úringane tamutaque.

Lúcas 8:44 Iomraidhean Croise

Éxodo 15:26

Enga chetingarape ore iji uté nanique jeta ore tangári, jeoga ca ore tangári. Enga catecã́ri ore iji uté ga chojningame ore: "Ujeta angachopísi yu jne enga beyopísi yuru quigode jnese jne ome cuchade, ga a jé ca amóño yujuyaquéringome uaque jne. Uacarajáyo egíptogosode uje pejóporinguéi ipesungóño ore ica, ga ore gajnéone u yujuyaquéode ica. Mu uaque, ga a ca amóño yujuyaqué casodica gajnúrique to jne ome uaque jeta beyoi yáyipiedie quigode jnese iji uacajesúrigo. Jé uyu u yu gu, jecute que yujuéga uágome dequejnarétique ga ijõre uaque gu uyu."

Malaquías 4:2

Mu yiríringai a ueradéjna ome yijnorasórone uaque to jne. Ga gajnua tu guedé uje tocade ga dírecaringuéi cho jnip aja gaté ga guedé ojodie chise uaque ga chiqueta gosi ome ejnaréngone to ga pésu uacáringane ijoréjna to. Ga unere yiríringai yui ome uaque ga uacajnua tu aquirájna ucatógabia uje quene gachisṍri chijnime iji pi ajei ga cana ga choja quedéjnane ¡chem! ¡chem!

Matéo 20:34

Jé u uje Jesús chosõre udore ore enga chisa ore edodie gáyode. Enga jĩraque edoparigode ore edodie omépo rĩ. Enga ore quítequiguíji Jesús quigade to.

Matéo 8:3

Enga jé u uje Jesús chicha dajmanai aja jnani ejnarétai gai enga chojningame: –Yipota arĩa ujetiga yiqueta ua.– Uje Jesús urúo udore enga jé u uje jnani ejnarei jĩraque jnoji uté.

Matéo 9:20

Mu chequé ejnaretéraque déji ore gari to. Uje sequeredie e gare iji yirídai uje pésu uaté iyosoringuéone. Ga ejnarei u uje iyode que cha tamutaque. Mu chequé uaté chaguitóna Jesús enga tṍraji quigade ome. Enga jé u uje chisa Jesús iguidé eruémami.

Márcos 6:56

Enga a ca ayorébui chimoque Jesús quitique ome doidode daguiose ejnarétacho iji ore píode ore idáyo. Uje ore chijna darása ejnaretade aja Jesús quigade uje Jesús chise ore idáyode, jé aja acorásedie ore iji ore idáyode dosadode rĩ. Enga ore nejepúsu Jesús údode ujetiga juégabá daguidé eruénique ga ejnaretade ore chisa. Enga ejnaretade udore jnese uje ore chisa Jesús iguidé eruéode ga jogadi u uje chiqueta ore jnese.

Lúcas 13:13

Ga Jesús chicha dajmainie aja chequé gai, enga jĩrique chequé chipotingare re. Ga chequé uaté jĩrique tija Dupade ome ipesudode ome re.

Lúcas 7:38

Mu chequé tuaté chácariji Jesús guídade ejoi. Ga chosõripise re ome dapesudode cucha gajnarécho. Ga poji dejode. Ga educadode basája Jesús guídade gai. Mu chequé tuaté changuñéra datererodie aja Jesús guídade gai ujetiga cajnore. Udojo quigade ga chojne aceite ai unéningaja uté guídade gai. Ga tagu guídade uredie.

Lúcas 8:43

Mu chequé chojmaráraque déji ore gari uje ejnareté. Uje sequeredie gare iji yirídai uje pésu uaté iyosoringuéone. Enga ejnarei tu uje iyode que cha tamutaque. Enga chequé tuaté e tẽra dagúchade jnese ujetiga cho oré daijnane ore ujetiga ore pésu. Mu a ca daijnárique déji ujetiga chibote chequé uaté ejnaréngone ujetiga chiqueta.

Lúcas 8:45

Enga jé u uje Jesús catecã́ri ayorébui ore. Ga chojninga: –¿Goto a iji uaque ujetiga goto chijocase yu que a?– Jecute ayorébui ore chósi tome: –Yocacadisṍri á, que pijocayaque ua arĩ́e.– Mu Pédro jorane ore chojningame Jesús: –Bamo ayorébui uje ore chinguíra ua aja ñane ga ore chijocase ua aja tijode. ¿Gotique gu a uje bacué bajocayasónique a?–

Juan 5:13

Mu jnani que chiraja daquetangóri írique. Enga que chiraja ajesúrique rĩ. Uje uásejna ayoréode ore gu enga Jesús e chacája ore ujade enga que chimópo quitique rĩ.

Héchos 19:12

Enga ayoréode ore chijna borapetígo, piguidérigui ore aja Páblo ujetiga chisa enga jé u uje ejnaretade chisa enga ore eca ome. Jé basa Satanás utocaidode píode ore chisa udore to enga jĩrique Satanás utocaidode doi guesi iji ore.

Héchos 5:15

Enga ayoréode ore chijna ejnaretade aja dajéode aja Pédro ore iquéode. Uñane moji damochápiode gáyode, ga uñane chitarano dataranone. Ore gaidi u ujetiga Pédro oré chise ore ga chiqueta ore.