Lúcas 8:2 - Dupade Uruode

² Mu chequérigui ore nóna ore to uje Jesús chiqueta ore iji ore ejnaréquedatérigo. Ga chijócãre Satanás utocaidode iji ore uñanie to. Enga uñáraque déji ore gari to uje i u María Magdaléna uje Jesús chijnime Satanás utocaitígo iji uaté uje gare iji ti yijmanai uñai.

Lúcas 8:2 Iomraidhean Croise

Matéo 4:24

Síria jogosórone e ore chudute Jesús ujnoméone to. Jecute ore chijna darása ejnaretade aja Jesús to. Jé aja ũrusode uje Satanás utocaidode déji ore ajéode, sereretáguebéode, noñángone ore rĩ. Enga Jesús chiqueta ore jnese.

Márcos 16:1

Mu chise dire puyai uté quigade ga María Magdaléna, Jacóbo ore daté María, jé aja Salomé udaji ore doi cucha otate unéningo ujetiga ore tibágui Jesús ode ga qué ore changuñérama Jesús aoi gai to.

Márcos 16:9

E chise direjnímei iji dire bajai tuté uje i tu domíngoi uje Jesús ecápo rĩ iji datoringai. Ga udojo quigade ga chiquetápise raja chequéraque uje i tu María Magdaléna, enga bajé uaté uje Jesús chiqueta raja. Uaté jé u uje Jesús chijócãre Satanás utocaitígo iji, uje gare ore iji ti yijmanuñai nanique.

Lúcas 23:27

Enga ayoréburique ore nóna to, jé aja chequebúrique ore to rĩ. Ga chequedíe ore chisa dabade aja daquigode uje ore poji Jesús ejode ome dajnusiétigade ome uté.

Lúcas 23:49

Mu Jesús jõráringo jnanío jnese, jé aja chequérigui rĩ uje ore chajna Jesús iji Galiléa, qué ore cháji Jesús cachodi ujetiga ore chirote iji. Mu ore ujánique cuse iji cachodi tuqué.

Lúcas 23:55

Mu uje cáma chise dire puyai tuté ga galiléagotodie ore chajmita Jesús ode jogatique to.

Lúcas 8:30

Enga Jesús chingome írique ga chósi tome: –Jnani, ¿jé bérique a?– Mu jnani chojninga: –Yi tu Ayoré Dipeséode.– Ga uruode u udojo gu uje Satanás utocaite dipeséode déji údode gu.

Juan 19:25

Chequedíe uñáringui ore déji Jesús gajnei curesé ejoi. Jesús daté jé u uña, enga Jesús daté jõra jé upo uña te rĩ. Cleófas acoté uje i tu María déji to. Enga María Magdaléna dépoji to rĩ.

Héchos 1:14

Chequedíe uñanie chamáta rágaja ore to iji uté gatuaque uje ore gaidi u picatecãraitigade ome Dupade. Enga Jesús daté María, jec aja Jesús desade ore cháta rágaja ore to.