Lúcas 7:9 - Dupade Uruode

⁹ Mu uje Jesús chudute soldádode ore eduguéjnai tuté uruode ga irasiguipise re ome uté uruode ga chojningame ayoréode ore uje ore déji gari: –Quene yimópise ayoré agúpurai tuté to uje jé cãraque re ome danguretarétigadatéi ome yu. Uje que yurasade israélgotique isoca uté to go ujetiga changuretapise yu.–

Lúcas 7:9 Iomraidhean Croise

Matéo 15:28

Jé u uje Jesús chojningame uaté: –Chequé á, que iyieque banguretigai. Yipésu bapotigádode ome ua jne.– Enga jé iji deréjnai uté uaté abia ejnarei jnoji.

Matéo 8:10

Uje Jesús chudute soldádode ore eduguéjnai uté uruode enga tijapísa quigode. Enga chojningame ayorébui uje ore déji gari: –Urénga, que israélgose uté, mu jé cãraque re ome danguretígadatéi. Jé ũrepise yu uje que yimópise yurasade israélgose uñeque isocai uté to ujetiga uñeque changuretápise yu.–

Matéo 9:33

Enga Jesús chijócãre Satanás utocaidi iji jnani uté. Enga jé u uje jnani uté nararápo rĩ. Ayorébui ore tijapísa Jesús ome ipesudode udore. Enga ore chojninga: –Que israélgosode uyoque yimóngo cucha dacatique uné gajnúrique nanique, jé aja dirode unojo.–

Lúcas 7:10

Mu uje soldádode ore eduguéjnai tuté iróquegatéode ore chajni aja uté iguíjnai mu ore chise soldádode eduguéjnai iroi tuqué mu e eca.

Lúcas 7:50

Mu que Jesús timíninga ore go mu chojningame chequé tuaté: –E yiqueta ua iji basijnaringuéone ome banguretigai. Bo ga ca opo báyugu ua jne rĩ aja baquitígo.–

Lúcas 7:8

Uje jé yadi tu uje eduguéjna yu mu yoqueduguéjnapísi qué déji uje yiji uté áyipiedie. Ga isocai tu to ome yajnéone soldácho uje yiroque ore. Ga ore tangári yu. Uje a yojningárasome uñeque: 'Bo,' ga uté gosi jno. Jeoga yojningame uñeque: 'Boji te,' ga tibágui yu. Ga jé adi u to ome yirógode ore jnese uje a ore tangári yu ga ore pésu yojningane cucha jnese. Jecute angacãrape yiroi uté ga ecape jne."–