Lúcas 7:43 - Dupade Uruode

⁴³ Mu Simón chajnai Jesús uruode ga uté chojninga: –A uté u uje íode sué dajõrai íode gai.– Enga Jesús chojninga: –Que potigayaque ua go uje quigode jé u udore.–

Lúcas 7:43 Iomraidhean Croise

Matéo 18:27

Jé u uje eduguéjnai chosõre daroi enga chicadígui íode iji dari enga chirame daroi.

Márcos 12:34

Mu uje Jesús chimo jnani tuté uje susípise darecujaidie guio, enga jé u uje chojningame: –Báringai Dupade urásapise que idája iji ua gotique.– Mu jé u iji udojo quigade ga que qué uñeque casapoi ujetiga catecãrápoi Jesús gaté rĩ.

Lúcas 10:38

Mu jé Jesús, acadigode ore jno dáringai urugu údi. Mu ore díji ore idai ajámi uje tõrapísiji chequéraque uje i tu Márta. Ga Márta dejéna Jesús ore ujetiga ore pusi uaté iguíjnai.

Lúcas 7:42

Mu a ca togome udore ore ujetiga ore chimate doidérigui udire. Mu jnani tuté doi ga cha ore ijnose carubode unerai jmete.– Mu Jesús chojningame Simón: –¿Gosi iji jnani gáreode udore ujetiga chijnorapise déode jogosṍri?–

Lúcas 7:44

Enga jé u uje Jesús e chusẽre chequé ga chojningame Simón: –Jé bamo chequé tuaté isocai to ome yu. Uje yise baguíjnai que, mu que osõre yu go ujetiga asi ome yotique ome yu ujetiga yuru yirídade iji. Mu chequé tuaté sué babai. Uje po que ga churu yirídade iji ome deducadode. Ga changuñéra datererodie aja ujetiga cajnore.

Lúcas 7:47

Uje yirajapise uje chequé tuaté chingo dajnoraquédatéi tome yu gu uje chiraja uje e yĩro isijnaringué cuchábode. Mu ayorérique ujetiga garósi ijnoraquei tome yu ga imoi jé u ujetiga garósi isijnaringuéone úringáringo pĩrocho to.–