Lúcas 7:42 - Dupade Uruode

⁴² Mu a ca togome udore ore ujetiga ore chimate doidérigui udire. Mu jnani tuté doi ga cha ore ijnose carubode unerai jmete.– Mu Jesús chojningame Simón: –¿Gosi iji jnani gáreode udore ujetiga chijnorapise déode jogosṍri?–

Lúcas 7:42 Iomraidhean Croise

2 Samuel 14:13

Ga uaté chajnai uruode ga chojningame: –Mu bapésu babai ome Dupade urasapísode israélgose uyoque to. Uje bajócãre bajnacaripísi ga cho darása iji purása quedéjnane ore to, ga gusu iji ore ujade.

Sálmos 103:3

Uté u uje ĩroque yate gajnaréngone, ga ĩrocápo yute chagúode rĩ.

Matéo 18:27

Jé u uje eduguéjnai chosõre daroi enga chicadígui íode iji dari enga chirame daroi.

Matéo 18:34

Jé u uje eduguéjnai ájningarãque cuchape enga doi enga chiroque darógode aja daroi uté ujetiga ore chisa. Enga pujuya uté iji soldádode iguíjnai, jé aja ujetiga cho oré déode jnese.–

Matéo 6:12

Acadígui yoquisijnaringuéone. Adi tu uje yicadíjoi yocujode ayoré ore isijnaringuéone to ome yoque.

Lúcas 7:43

Mu Simón chajnai Jesús uruode ga uté chojninga: –A uté u uje íode sué dajõrai íode gai.– Enga Jesús chojninga: –Que potigayaque ua go uje quigode jé u udore.–

Romános 3:24

Mu Dupade cho ayoré ujñapetáguiji uyógome dacaniratiguédatéi, ¡enga guẽrate bisidei u! Uacamóño uje Dupade chı̃́care pisijnaringuéone oré, ga oré tu pitoringai. Jecute yocajneque pitoringai, uje yipéco pisijnaringuéone jnese ome uté. Mu Dupade chiroque datocaidi Crı́sto Jesús aja erámi ujetiga toji yoquiyaridi. Uje gaidi tu gu ujeta chirame yógome yocajnei pitoringa uté. Uje e Jesús chimate yocoré, enga que Dupade chucuepoi oréraque rı̃.

Romános 5:6

Enga pijoguipise Dupade isoca ueradi uté uje chingongara dajnoraquei aja yoque. Uacamóño uje que yoquisocárique cusipise ujetiga yiquetágo yógome. Mu Crísto di, ga toi ome yoque iji Dupade ajegaidi dire. ¡Chimo jóroque re, uje ate gajnareque uyóguiji Dupade iquei, mu jé Crísto toi ome yoque!

Gálatas 3:10

Ore uje ore changureta Moisés urusarane cucha puyácho quigode jé ore yuque raque ome Dupade. Uje Dupade uruode chojninga: "Uñeque ujetiga doi Moisés urusarane cucha puyácho, mu chó uñeque gai ga jé yuque re ome Dupade."

Efésios 1:7

Jesucrísto uté upúsu uje chimate yocoré ome dayoi úringai pojneque nanique. Chamáñaje yocajneque pitoringai ome yocúringane máracho ome Dupade, enga gose yoquisijnaringuéone. Mu Jesucrísto e chirame yógome yocajnei pitoringa uté, uje chojne ome dayoi iji curesei ome yoquisijnaringuéone úringane pĩrocho. Enga Dupade isocai jé u uté uje chingongara dacaniratiguédatéi úringai cuchadaté aja yoque.

Efésios 4:32

Jé basa ga apajnotáyoja ome ñane jnese, ga osṍcho ñane yúode gatuaque ome uacáyipie pajnotáringai uté. Jĩraque amuráso ñane adode iji jnumi, jeta jé ca uacáyipiedie jnusinápo rĩ. Chamáñaje Dupade adi jé u uté ome uaque nanique, uje chĩro uacasijnaringuéone gu Crísto ate ueradi uté ome uaque, ga que jnusinápo uacadode udore rĩ. Jecute a jé arachórase Dupade uté aja jmapié uaté jnese.

Colosénses 3:13

Yirajágo uje Crísto chĩro yoquisijnaringuéone jnese nanique, enga que jnusinápo rĩ. Jecute beyoi uté adode to enga adotáyo uágome uacojode ayoré ate gajnaréngone ome uaque. Enga jĩraque acadíchoi uaquetétigade ome ore to.