Lúcas 7:40 - Dupade Uruode

⁴⁰ Mu Jesús chiraja uté áyipie quigode iji dajei. Jecute chojningame fariséo uté uje i tu Simón: –Simón á, qué yope cuchade udojo quigome ua jne.– Jecute fariséo uté chojningame: –Be ga angome yu, Yacadisṍri á.–

Lúcas 7:40 Iomraidhean Croise

1 Reyes 2:14

Ga uté qué jno daruode údi, ga chojninga: –Yuru qui déji jeta jé yingo ua.– Jé u uje uaté chojninga: –Be ga ango gotı́go aja yu.–

Malaquías 1:6

Ga Dupa Pujnuéngaisṍre nararápo rĩ ga uruode unojo gajnengórone u darógode sacerdote udore uje ore isai tu picatecãraitigade ome Dupade ome darasade israélgoso. Ga chósi tome ore: "Yimo jnacarode uje ore tangaripísi dayode uruode. Yimópo pirógode ore rĩ uje ore dopísi darósorone uruode. Jé basa yirógode uje uacacatecãchoi uyu ome uacarasade israélgose ore ga quĩrique beyoi yáyipiedie quigode. Ujetiga jé ũré enga uacai tu yu, enga ¿gotique gu a uje que angáchoi yu to? Ujetiga uacarósõri u yu, ga ¿jé gotique to a uje que beyoi yuruode quigode? Jé ũrepise yuruode udore ome uaque to uje uacadojnóchopísaja yu iji deréjnane jnese. Mu yiraja uje a uacuñeque chajnárasi yuruode udore to ga uacuñeque chojningárasa: 'Taguipise ua. Que yidojnójoja ua gotique to. Enga atata yoquisocárigo uje chiese yidojnójoja ua to.'

Matéo 26:49

Enga jé u uje Júdas chijnare aja Jesús enga chojninga: –Yacadisṍri á, qué yibágui ua.– Enga e tagu uré.

Matéo 7:22

Jesús chojningápome ore rĩ: –Ujetiga chise diri ujeta yajire ore adode aja quigode ga a uásejna ore jne ujetiga ore chijócha yajei údi enga a ore chojninga: "Yocangarádejná, yocangarádejná, yico bajnomei údi diríca. Yijnángo bajopié diríca ome Satanás utocaidode ga yórango ore aja guesode iji ore píode ayoré. Enga uásejna yoquipesútedatéode uñane to rĩ uje yĩ́caco bei."

Lúcas 18:18

Mu judíode ore eduguéjna cuchábi uñeque catecã́ri Jesús to. Enga chojninga: –Yocacadisõre paraguipísi á, ¿jé yisocárique erase ujetiga yacája Dupade idai ga yo yuniri iji, iji deréjnane a?–

Lúcas 5:22

Mu Jesús chiraja udore ore áyipiedie quigode. Jecute chojningame ore: –Chamáña uacáyipiedie quigode ome yu.–

Lúcas 5:31

Mu Jesús chajnai udore ore uruode. Ga chojningame ore: –Ayoré ejnaretade ore gajnei tu ujetiga piquetaque ore. Mu jé basa ga ayoré ijónique que áyipieraque déji dáringárique pipesute.–

Lúcas 6:8

Mu Jesús chiraja udore ore áyipie quigode ga chojningame jnani uje jmanai cacoque: –Be ga ayague iji uté ore ajei.– Ga jnani uté jĩrique doi Jesús uruode ga chague iji ore ajei.

Lúcas 7:39

Mu fariséo uté uje inejéramáite Jesús que, chojningame re iji dajei: "Ísega ca Dupade uruode atatasórone jõra uté jõ. Uje que chimo chequé uaté ipesute gajnaréngone. Ujetiga chiraja enga a ca juégarása ujetiga pijocayaque ome uaté. Ga a chijócãrirase uaté iji dejode."

Lúcas 7:41

Mu Jesús cho quique ga chojninga: –Jnani gárerigo qué ore chijna dajnose carutígo iji dojórique jnani. Uje uñeque oidérigui jiei. Jé jõra oidedie garósi.

Juan 13:13

Uacojnichome yu: "Yocacadisṍri á." Uacojnichopome yu rĩ: "Yocangarádejná." Enga jé tiógara ujetiga oyo uacacadisṍri iji yu. Enga oyópo uacangarádejnai iji yu rĩ. Chamáñaje uyu u gu.

Juan 16:19

Jesús chiraja ore áyipiedie quigode uje ore pota catecã́ri. Jecute chojningame ore: –Yuruode quigode u udojo ome uaque que uje yojninga: "Idógosi ujetiga ca amóñopo yu rĩ. Mu dirode garósi to iji udojo quigade ujetiga amóñopo yu rĩ." ¿Uacacatecãraitigade ome ñane quigode u udojo ome ñane a?

Juan 16:30

E yirajágo uje baraja cuchade jnese. Uje cáma picatecãraite ua ome cuchade mu e batata quigode. Jecute yanguretágo ua uje barani tu Dupade.–

Juan 3:2

Dejaque uñai enga Nicodémo tibágui Jesús ujetiga catecã́ri. Enga chojninga: –Pacadisṍri á, yirajágo uje Dupade iroque ua aja de ujetiga acate yoque. Chamáñaje bapésu bapesútedatéode ome yoque gu. Ujetiga ca Dupade iroque ua enga a ca toguírasome ua ujetiga apésu cuchade udore.–