Lúcas 7:34 - Dupade Uruode

³⁴ Ga jé uacasocai tu ome yu to uje uacabóyoja Dupade utocaidi uyu uje chiese acharánecojna yu ome uaque. Chiese yáta yu aja jnani sijnángone ore to iji ore atigade gáyode, jé aja eduguéjna cuchábode ore irótigo rĩ uje uaquetácho. Ga chiese yójiapo ore jotade yote piocho rĩ ome uaque.

Lúcas 7:34 Iomraidhean Croise

Matéo 11:19

Enga jé uacasocai tu ome yu to uje uacabóyoja yu uje Dupade utocaite yu mu. Uje chiese acharánecojna yu ome uaque. Chiese yátapo yu aja jnani sijnángone ore to rĩ iji ore atigade gáyode, jé aja eduguéjna cuchábode ore irótigo rĩ uje uaquetácho ore. Enga chiese yójiapo ore jódode yote piocho rĩ. Mu a pijoque áyipieranguipísiji yoque jne gu yoquipesudode cucha.

Matéo 5:46

¿Ja Dupade tẽrarásaja uaque ujetiga eduyo uacajnorasórone uacojo ayoréo ujetiga ajnóraño ore? Uacamóño uje jnani sijnanguipísode que ore changureta Dupade mu jé ore chijnóra dajnorasórone to.

Matéo 9:11

Uje fariséode chimo Jesús iji ore gari enga ore dojnóngaja. Enga ore chojningame Jesús acadigode: –Uacacadisṍri Jesús e chimate dayoguei uje gajnareque yoqueduguéjnane iróquegatéode adode uje ore utaidei yoquiplátadie ome impuéstos, mu jé taguíji ore gari to, jé aja jnani sijnángone uñane to.–

Lúcas 11:37

Uje Jesús chejna daruode udojo guesi ga fariséode uñeque catecã́ri. Ga dejéna aja daquigade ujetiga tagábiji iguíjnai to. Enga ore chise iguíjnai mu Jesús cháji ore agapi ejoi ujetiga e taque.

Lúcas 14:1

Mu chise dínique iji dire puyátique uje Jesús nóna fariséode uñéngo ore eduguéjnai aja iguíjnarique ujetiga tagábiji to. Mu fariséode uñéngo ore chuquéjnai iji ujetiga ore chimo atígo to.

Lúcas 15:2

Jecute fariséode uñéngo aja Moisés iroquéode atatasóningo ore dojnóngaja Jesús ga ore chojninga: –Cajicho to uje uté que tagu dejórigo ome cucha gajnaréngone ipesungórone ore ga chacásõra ore iji ore agápidóde to rĩ.–

Lúcas 19:7

Mu uje ayorébui chimo uje Jesús dejéna Zaquéo aja daquigade enga jĩrique ore poja. Enga ore chojninga: –Jé go uje Jesús pota nóna ayoré sijnanguipísi ujetiga chácariji iguíjnai.–

Lúcas 5:29

Enga Leví jno Jesús údi aja daguíjnai ga pésu uraque dabose unéningo ome raque. Ga Leví ujórigo jnacare, ore eduguéjnai iróquegatérigo, ayoréode uñéngo ore chise ñane iji te, ga ore cháta rágaja ñane iji ore atigai gai.

Lúcas 7:33

Enga erámi jogosórone uacasocai jé cho disiode isocai uté iji dirode unojo, uje jĩraque ore chetaque ñane. Yiraja uje uacadojnóchoja Juan el Bautísta gu uje garãte ayoréode ore aja yodi nanique. Uje que tagu cucha ueratique. Ga que chójiapo yote pioi to rĩ. Mu ome uaque ga chiese Satanás utocaitique chijocase uté nanique.

Lúcas 7:35

Mu a pijoque áyipieranguipísi iji yoque jne gu yoquipesudode cucha.–

Lúcas 7:36

Mu fariséode uñeque uje i tu Simón dejéna Jesús aja daquigade ujetiga tagábiji gari. Ga Jesús jĩrique nóna uté. Mu Jesús chácariji ore agapidé ejoi iji iguíjnai ajei.

Juan 12:2

Enga Márta, jorane ore nína Jesús yui. Jecute ore pésu ore pose unérone ome Jesús. Márta u uje chisi ore iji ore posode. Mu Lázaro, jorane ore u uje ore nóna Jesús aja ore atigai gai.

Juan 2:2

Enga ore tibidi Jesús, jé aja acadigode ore to ujetiga ore cháta rágaja ore to iji ore ajñamini.