Lúcas 7:30 - Dupade Uruode

³⁰ Jé basa ga Moisés urusarane atatasórone, fariséode ore uje ca Juan garãte ore aja yodi, ore chotigasipise Jesús acajnaquéode. Enga ore chetágapo Dupade áyipie oméringui ome ore to rĩ.

Lúcas 7:30 Iomraidhean Croise

Provérbios 1:25

Mu uaquetácho uje yo quique cuchade ome uaque. Yo quigode uaque ujetiga ca eso uacate gajnaréngone unétique rĩ, mu que angáchoi yuruode gotique.

Matéo 22:35

Uje ore chimate dáyipiedie enga Moisés urusarane atatasórone uñai chague iji ore ajei. Enga catecã́ri Jesús. Mu qué equetingarãque to. Enga chojningame:

Lúcas 13:34

Mu Jesús cho dáyugu re ome jerusaléngosode ore. Ga chojninga: –Gotique chimo jóroque re uje jerusaléngosode uacoyo uacamajo Dupade uruode atatasórone proféta iji uacajade. Ga jé chopome Dupade irógode aja uaque rĩ uje uacamitingácho ore údode ome cucaranenie. Uje jecucha ga yáyipie quigode u ujetiga yamáta uágaja ñane ga uacajnúone u yabode. Ga yajnua tu cochagájnaraque uje chamáta dababode aja dajnóngone údode. Mu que apótayo yu gotique.

Lúcas 20:6

Mu a yojnicórasa gajneri: "Cachi jnanione ore iroque Juan aja," ga a ayorébui chaguhetarase yoquibai gajneri. Ga a ore chimitingarirase yocúdode gajneri ome cucaranenie. Uje a ore changuretapise gu Juan casica ome úringai Dupade iroque ujetiga chatata Dupade uruode ome ore.–

Lúcas 7:31

Mu Jesús chojningame ore: –¿Ma yacãrájarique cucha aja Juan uyoque yoquetesórone ore iji dirode udojo a?

Héchos 20:27

Chamáñaje e yingo Dupade ojningane cucha jnese aja uaque gu enga que yipógu ojningárique cucha.

Romános 10:21

Mu Isaías jé upo rĩ uje chajnerame Dupade uru quigode udojo ome israélgosode udore ore, uje chósi te: "Iji deréjnai údode ga yáyipie dé jórogui yurasade israélgose udore, uje jecucha yisa ore yui ome yijmanecai uté; enga yigaidi tu gu jeta yinejé ore údode, ga ore chajnírase yibai. Mu jé ore ate uje ore chijarója dangoninguinone ga jecucha ore tagu yuruode aja ome dáringane ducusuréchoquío."

2 Coríntios 6:1

Jecute yijorane uyoque iji Dupade iroquéode, yijóchago uacajéode údi ujetiga ca oyo cucha bisidéguiji uacajnéone Dupade icaniratiguédatéo ome uaque.

Gálatas 2:21

Enga que yetaque Dupade áyipie omenie udire ome yu ujetiga chiqueta yu ome dajnacari Jesús. Mu ujetiga Dupade chiquetárase yógome Moisés urusarane cucha puyácho ga a ca cuchárique tõrarásiji Jesús itoringai tome yoque jeta chiqueta yoque.

Efésios 1:11

Uje Crísto jé yitojmárango ga qui jé u to uje Dupade cho dajnenguíji uyoque. Enga pésu dáyipie jetiga yoco yocajnéngu uté gajnéone cucha oreránguejna jne ome yocúringane uté abío. Chamáñaje Dupade jé ajegaite aro yoque gu iji erámi taningane iquéode. Enga uté isocai ome yoque jé chajna áyipie iyajmenie jnese iji jnumone, uje Dupade jecucha ga chimate dajegaidode cucha jnese aja guesi gu.