Lúcas 7:27 - Dupade Uruode

²⁷ Juan jé upúsu Dupade ojningai datocaite ome dajnacari diringai yui uje jnani bajade ore urusarane quigode jé upúsu uje chojninga: A yiroque yutocaite gatérigaja baquei jne ujetiga dimane ore atígo ome baríringai yui jne.

Lúcas 7:27 Iomraidhean Croise

Malaquías 3:1

Dupa Pujnuéngaisṍri chojninga: "A yiroque yiroi aja Yiquei to jne jeta chajo dajetique iji Yiquei to. Ga jé u jeta uacajnati Pangarádejnai uyu yĩri iji uaque to. Ga yĩri ga jĩraque yacája yiguíjna cuchábi iji uacajade to. Uacajnátuyo Dupade Utocaidi jeta uté di ga pésu Dupade áyipie ejodie úringáringui ujñapetei ome uaque to, ga idógosi ujetiga uté di jne ga pésu uacáringáringo ujñapetácho to ome Dupade."

Matéo 11:10

Juan jé upúsu Dupade ojningai datocaite ome dajnacari diringai yui uje jnani bajade ore urusarane quigode jé upúsu uje chojninga: A yiroque yutocaite gatérigaja baquei jne ujetiga dimane ore atígo ome baríringai yui jne.

Márcos 1:2

Dupade uruode atatasṍri jnani bajai Isaías urusarane ojningai jé u Juan uje chatata uje a jnanírique di jne ujetiga chingome darasade ome ore iquetangónique diringai yui. Ga proféta Isaías uté urusarane chósi te: Dupade chojningame dajnacari nanique: "A yiroque yutocaite gatérique aja baquei jne ujetiga ore chucué dasocárigo ome baríringai yui.

Lúcas 1:76

Zacarías e tujua dababi ga chósi tome: Yababi á, a Dupa Pujnuéngaisṍri uruode atatasõre ua jne ome yocurasade. Chamáñaje a bajaque ua aja Yocangarádejnai iquéode jne gu. Uje a bo uté ujnomei údi ome yocurasade jne ujetiga ore chécãre dadode ome uté yui.

Lúcas 7:26

¿Ja ca ũré yu a uje uacacuei tu Dupade uruode atatasónique nanique uje uaqueso erãpetarei? Jé ũrepise yu arĩ́e. Mu uacacuei tuté úringai uñai cuse uje suépise dáringai Dupade uruode atatasõre.

Lúcas 7:28

Que yimo Dupade uruode atatasónique iji jnani bajade, jec aja diríe jogonórone rĩ ujetiga sué Juan gai, uté uje tṍra ore aja yodi nanique. Mu ujetiga Dupade e chimate darásapísode aja re ome úringai ore eduguéjna cuchape jne enga a ayoré gajnareque udore uñeque mu a jé uté gosi suépise Juan gai jne.–

Juan 1:23

Jecute Juan chajnai ore enga chojninga: –Dupade uruode atatasṍri Isaías ojningai u yu uje chojninga: "A pududicho gosi pijnane jne uje tṍraji erãpe tarétigai. Enga a uté chojninga: 'Achẽcho dajei gai iji Yocangarádejnai iquei.'"–