Lúcas 7:26 - Dupade Uruode

²⁶ ¿Ja ca ũré yu a uje uacacuei tu Dupade uruode atatasónique nanique uje uaqueso erãpetarei? Jé ũrepise yu arĩ́e. Mu uacacuei tuté úringai uñai cuse uje suépise dáringai Dupade uruode atatasõre.

Lúcas 7:26 Iomraidhean Croise

Lúcas 1:76

Zacarías e tujua dababi ga chósi tome: Yababi á, a Dupa Pujnuéngaisṍri uruode atatasõre ua jne ome yocurasade. Chamáñaje a bajaque ua aja Yocangarádejnai iquéode jne gu. Uje a bo uté ujnomei údi ome yocurasade jne ujetiga ore chécãre dadode ome uté yui.

Lúcas 16:16

Gusu Moisés urusarane Dupade iroquéo, jec aja Dupade uruode atatasórone ore acajnaquéode nanique ujetiga ore doi quigode. Ga jé chuságaja Juan uté diringai uje pangarate urusarane udore. Mu iji udore quigade enga pacajnaqué ichai chise ore enga unere pacajnaquéode udore quigode. Enga quigode u uje a Dupade cho darása iji ore jne, enga a ore cho dacasuté iji Dupade to. Jecute ore chejna rángaja jnese ujetiga ore chise dáringáringo Dupade urása.

Lúcas 20:6

Mu a yojnicórasa gajneri: "Cachi jnanione ore iroque Juan aja," ga a ayorébui chaguhetarase yoquibai gajneri. Ga a ore chimitingarirase yocúdode gajneri ome cucaranenie. Uje a ore changuretapise gu Juan casica ome úringai Dupade iroque ujetiga chatata Dupade uruode ome ore.–

Lúcas 7:25

Ujetiga ca ũré udore enga ¿ja ca uacacuetique ayoré dacasuté a ujetiga ca suseque re? Que uacacuei tu gotique. Uje uacarajáyo gu uje ayoré atade que ore charidi u erã́petarétique go. Mu ore charidode u eduguéjna cuchábode ore iguíjnane. Ore chejna rángaja dáyipiedie gaidode cucha.

Lúcas 7:27

Juan jé upúsu Dupade ojningai datocaite ome dajnacari diringai yui uje jnani bajade ore urusarane quigode jé upúsu uje chojninga: A yiroque yutocaite gatérigaja baquei jne ujetiga dimane ore atígo ome baríringai yui jne.

Juan 5:35

Uje Juan gajnui u papósi ica uje e tagu enga chijñate dejode gáyode. Mu catadé deréjnai uje díreca uaquejode ome uté acajnaquéode. Mu uje déji uacajade ica enga uacanínaño uaque ome acajnaquéode.