Lúcas 7:16 - Dupade Uruode

¹⁶ Enga chajuque ayorébui ore agutedie jnese. Jecute ore chicotapise Dupade. Ga uñane ore chósi tome dacotaquéode ome Dupade: –Dupade irótique ujopíerã́tique a chiqueta raja yoque que.– Ore chojningápo rĩ: –Dupade gaidi upúsu ujetiga chátaja judíode uyoque.–

Lúcas 7:16 Iomraidhean Croise

Sálmos 65:9

Ua u uje bajuse jnumi udé guio, ga bata iji jnumi ome yodi. Bãreta jnumi ome cucha uerate ponáyone jnese, uje Dupade tiedie udire irágu ome yodi; ga bapésu ujetiga jé ca ayorérique jmáta ome trígo úringárique pacaque. Badi jé u uté jeta dimane jnumi ome udore ore yui.

Éxodo 4:31

Ga jé u uje israélgosode ore dayode que ore chotigase gotique uje Dupade utocaidipíso Moisés, Aarón ore ome ore. Ga jĩraque ore áyipiedie déji to uje Dupade jé ca áyipieraque jnoji ore gotique iji ore gajnenie pijosipiei jmainie enga pañapóji ore to ome dedodie rĩ uje ore jnaríji jnumone ica ome dajnéone ore iroquéo jmainie. Ga quene ore áyipie déji uje ore dáqui cásodicáite ore urása casicaite Dupa que chiramurase ore iji dajénique. Ga jogadi jé u uje ore chichaga dagataidie aja jnumi ga jé u uje ore catecã́ri uté ga ore chicota uté to ome ate ueradode ome raque.

Matéo 15:31

Jé u uje ayoré dipeséode ore tṍra rángome Jesús adode uje uru eyúgode ore narare. Jé chopome cõrocorone ore rĩ uje omápo ore rĩ. Noñángone ore digápo rĩ. Edoparigode chimópo dajirigode rĩ. Jecute ayorébui ore chicotápise israélgosode ore angureni Dupade.

Matéo 21:11

Enga ayorébui ore chojninga: –Dupade uruode atatasṍri Jesús u erĩ́e. Uje garani u ore idai Nazaret, iji ore uniri Galiléa.–

Matéo 28:8

Enga jé u uje chequedíe ore jnoji ode mu que ore digape. Jĩraque ore chayo. Ore todo gu uje ore chimo Dupade iroi, mu e deroco ore isadodéringai uje ore áyipie dépoji dacadisṍri casé úringai uecápo rĩ. Jecute ore irasé ráguiji ujade. Enga ore chijna dagajñunie aja acadigode ujetiga ore chatata Jesús ujnomei ome ore uje ecápo rĩ.

Matéo 9:8

Enga chajuque ayorébui ore agutedie uje que ore chimo cuchárique uné gajnúrique nanique. Enga ore chicotápise Dupade ome Jesús átedatéi. Enga ore chojninga: –Yicotágo Dupade uje chisi ome dajopié ome yocujoi ayoré uje yipáñangoji.–

Lúcas 1:65

Ore tijapúsu uje Zacarías nararápo rĩ. Ga ore chingo cucha dacadode udore ome ñane iji dedai údode. Jé ore chuságaja dedai eruéode. Jé u iji guidáyode iji cucarani edodie rĩ iji puniri Judéa.

Lúcas 1:68

Picotaque opejã israélgosode Yocangarádejnai Dupade. Uje di iji yoque ujetiga chiqueta yoque. Uje gajneque yoque iji yocuniri.

Lúcas 19:44

Ga a uacagachodi u jne ujeta ore chejna uágaja jnutique. Ujeta ore chejna uacarasade ore jnese ga a ore chajnangarase uacaguíjnane aja tijode to jne, uacajuyaquéode jnupe rĩ. Ga a ca pimópo cucaranéringui jogatique jne rĩ ujetiga chuguéja ñane gánique. A Dupade ujuyaquéode upúsu cucha gajnaréngone udore uje chajo raja uaque jne gu. Uje que ajuécho Dupade ome uaquedai ujetiga chacája to.

Lúcas 2:20

Mu áyasadie irodisórone ore chajni aja darodedie dachidei. Enga ore tija Dupade aja dajei. Uje ore chimo Dupade ojningane cucha uje ore chudúdome Dupade utocaidi gateminore uruode. Uje tocadepise ojningane cucha ome ore.

Lúcas 24:19

Enga jé u uje Jesús chajnai ore ga chojninga: –¿Jé gotígo a cucha tocachugode a uje uacacatecãchoi uñane ome a?– Enga ore chajnai uruode ga ore chósi tome: –Yicatecãcoi ñane ome Jesús ucácasicá uje idai tu Nazaret ica. Dupade uruode atatasṍri proféta u ica enga cucha pitijabácho uruode jé aja ipesudode rĩ ome ayoréode uyoque jnese. Enga ujopié garani u Dupade.

Lúcas 5:26

Mu chajuque ayoréode ore agutedie jnese uje a ca ore chimo cuchárique to gu ujetiga ate uté ome ore. Ga ore tijapísa Dupade to ome adode udore. Enga ore chojninga: –Quene yoquimo pipesudode cuchadatéo udore iji udé deréjnai.–

Lúcas 5:8

Mu quene Simón Pédro ore chiraja Jesús úringai ujopíerãque ome ipesútedatéode udore ome ore. Ga jé u uje Simón Pédro chichaga dagataidie iji iquei enga chojningame: –Yangarádejná, bome yu uje jnani ate gajnareque uyu gu.–

Lúcas 7:15

Mu ore chuninga mu ayoré toi tuté chague ga e catecã́ri ore iji dejode. Ga jé u uje Jesús chingongara aja daté.

Lúcas 7:39

Mu fariséo uté uje inejéramáite Jesús que, chojningame re iji dajei: "Ísega ca Dupade uruode atatasórone jõra uté jõ. Uje que chimo chequé uaté ipesute gajnaréngone. Ujetiga chiraja enga a ca juégarása ujetiga pijocayaque ome uaté. Ga a chijócãrirase uaté iji dejode."

Lúcas 8:37

Jecute gadáragosode ore jnese iji uté ore uniri ore chijócha Jesús ajei údi ujetiga jnoji ore gari. Chamáñaje ore todópisa gu. Jecute Jesús jĩrique chacája cucoi ga jnoji ore uniri uté.

Lúcas 9:19

Enga acadigode ore chojningame: –Ore chacãra ua aja Juan el Bautísta, uté uje garãte ayoréode aja yodi nanique. Jeque uñane ga ore cho jnani baja cásodicáite Elías iji ua. Jé basa ga uñane ga ore chojninga: "A Dupade uruode atatasṍri cásodicáite uña uté ga a e ecápo rĩ."–

Juan 1:21

Enga ore catecãrápoi Juan gaté rĩ enga ore chojninga: –Ujetiga Crísto ca u ua, ango ua aja yoque. ¿Ja Dupade uruode atatasṍri Elías u ua ya?– Mu Juan chojninga: –Que u yu gotique.– Jecute ore chojninga: –Ore erángani Dupade uruode atatasõre ¿ja u ua ya uje a di jne iji yoque?– Mu Juan chojninga: –Que uyu u gotique.–

Juan 1:25

Enga ore catecã́ri Juan gaté enga ore chojninga: –¿Gotique gu a uje baca ore edodie iji yodi? Ujetiga ca Crísto u ua enga ca Elías upo ua gotique rĩ. Jé aja ujetiga ca Dupade uruode atatasṍri upo ua rĩ uje yijnátugo diringai.–

Juan 4:19

Uje chequé chudute udojo, Jesús uruode, enga chojninga: –¡E yiraja uje Dupade uruode atatasórone uñai u ua!

Juan 6:14

Uje ayoréode ore chimo Jesús ipesútedatéi uté enga ore chojninga: –Jé ũré uje Dupade uruode atatasṍri u uté ujetiga di iji jnumone udojo.–

Juan 9:17

Jecute ore catecã́ri jnani edopari gaté enga ore chojninga: –Boji te é. Yangácoi báyipierigui quitígo ome baquetangóri jnani uté.– Jnani edopari chojninga: –Ome yajéode, ísega Dupade uruode atatasórone jõra, ¡jõ!–

Héchos 5:5

Uje Ananías chudute Pédro uruode udore ga cṍra enga toi. Enga pisadodéringai jogadi u uté ome udore ore jnese uje ore chudute Ananías ujnomei.

Héchos 7:37

Moisés jé upo rĩ uje chojningame israélgosode nanique: "A Dupade chiroque daruode atatasónique uñeque aja uaque jne. Adi jé u uje chiroque yu aja uaque. Enga garani a jé upúsu uaque jne. Angáchoi uté ome ojningane cucha jnese."

Gálatas 1:24

Enga uje ore chudute yujnomei tuté enga jogadi u uté uje judéagosode ore chacãre Dupade gai ome yu.