Lúcas 7:12 - Dupade Uruode

¹² Mu Jesús ore chirõre ore idáidatéi uté mu ore chimo ayorérigo uje ore chijnoque ayoré totique, ujetiga ore chijóchame. Uje datéraque chequé eca uje gusúpusu chequé tuaté abi. Enga ayorébui ore nóna daté to.

Lúcas 7:12 Iomraidhean Croise

Génesis 22:12

Enga Dupade iroi catecãrápoi rĩ enga chojninga: –Ca ajé bape ugurui uté. Yimo uje bangaripísi yu enga jecucha ua u uje babé yuruode. E yiraja uje que ãraque bape ugurui ome yu uje bajérase.–

Génesis 22:2

Enga Dupade chojningame Abraham: –Abraham, be bape ugurui uje bajnorapise enga asi ome yu jne. Bo údi aja ore uniri Moriah, enga ocho yojningai cucarãte jne enga acáji ójo jne. Ga apésu gaserani iji cucarani uté enga ẽra babi tuté ome yu iji uté jne enga abore, enga a gajnui tu cuchiso pẽrapáitique ome yu jne.–

2 Samuel 14:7

Yijogasui ore jnari yu ome jetiga yẽra yabi yungóri casica ome ore, ga jé basa ga ore cho ujo ome úringárique chuque to uje chujé desai ica gu. Gusu yabi uté iji diri uje irodei dai casica gachidode cucha iji quigade, jé aja gajnei jnupe jeta chajire yui. Ujetiga ore chujé yape uecai tuté jne enga cho jetiga ore chibéro yagutíyamáni yape jne, ga jé u jeta yácariji te ¡paque! jne. Ga yabai toi casica e i togadeque iji erámi tudé. Bamo uje a gosi toi ga ca atique déji quigade ga que pujnusinamaite gosi uje que gosi atique déji quigánique gu.–

1 Reyes 17:12

Enga uaté chajnai Elı́as uruode ga chósi tome uté: –Íjnonguipı́se arurégode iji yu, que yãra ua. Enga yuru uréone udojo gajnesṍri tu Pangarádejna Uecai, uje bangureni Dupade u uté. Uté chiraja uje garósosi harı́nami irábia iji pi ajei enga a jé chorase yijmanai ajébi. Ga garósiapo asébi iji pi ajei te rı̃. Uje bese uyu iji de ga e yijı́rasi yeroque garósiode jeta yiji údi aja yiguı́jnai ome yoquibotique yúrique. Uje yigaidi tu ujetiga yipésu pioi ga yarósirase dotı́yai ome yabi, uyoque jne. Enga a yajórasu iji de gajiné, mu a jé yitogórasi jne ome yoquiyaguhei uté jne iji quigade.–

1 Reyes 17:18

Enga jé u uje chequé uaté chaguhéta Elı́as gai ome abi itoringai uté, ga uru dosógode udore chósi tome uté: –¿Yibárique cucha ome ua yá, Dupade iroi chá? ¡A ese de que gu jeta ayóji yisijnaringuéone yui ome uyu jõ, ga jé upo rı̃ ujetiga equésãre yabi uté!–

1 Reyes 17:23

Ga Elı́as chimo uje ecásiapo rı̃ ga chisa ¡saque! jeta chijna aja daté to. Uje Elı́as mochádi déji ajé uñai iji ore gai, ga chijnási disabi aja jnumi yui enga chisı́ome daté. Ga chósi tome chequé uaté: –¡Cajirósi to! Babi e ecásiapo rı̃.–

1 Reyes 17:9

Enga chojningame uté: –Elı́as, ayague ga bo enga acáji sidóniogosode ore idai Sarépta uté ujetiga o bayaridı́ji uté. Adójnanga uje e yingo chequé eca iji ore idai uté ujetiga chosõre ua jne.–

2 Reyes 4:16

Ga Eliséo chichaga cucha ueradode aja uaté yui, uje chojninga: –Iji siqueré ejo jogosṍri guedosi, enga a batique déji barúdi jne.– Enga chequé uaté chotigase Eliséo uruode ga chojninga: –Úngare, Yangaráni á. Jé ca o barupatáringame barogué uyu, Dupade iroi chá.–

2 Reyes 4:20

Ga iroi chisa disi uté, ga jno údi aja daté. Enga daté chicha dabi uté aja detarúdode gai, enga jé ore chuságaja guedé gatócoro uje disi chácariji uaté gai iji ore charidi uté. Mu uje guedé batigai déji gatócoro ga disi tosı́pisi.

Lúcas 7:11

Mu udojo quigade ga Jesús chicáji ore idánique uje i tu Naín. Ga acadigode ore nóna to, jé aja ayoréburique ore.

Lúcas 7:13

Mu Jesús chimo uaté ga chosõripise ga chojningame: –Ca abo.–

Lúcas 8:42

Jnani uté gaidi tu ujetiga Jesús chiquetásiape ape ugurátaque. Disabía suaté sequeredie gare iji yirídai iji yui. Uje qué idógosipise ujetiga tosi. Jesús nóna mu ayoréburique ore nóna to. Uje ore irágu ore iquéode. Ga ore chujé raja Jesús to aja daqui.

Lúcas 8:52

Enga ayorébui ore chisa dabade iji disabía ejode uje ore po. Ga ore yuare iji ejode ome suaté. Mu Jesús chaquĩ́ra ore ga chojningame ore: –Ca abóyo. Disabía que tosi go. Qué mósi.–

Juan 11:19

Enga uásejna judíode ore uje ore tṍraji Jerusalén ga ore chicáji Betánia ujetiga ore chajire Márta, María ore ome dajai itoringai.

Héchos 9:39

Uje ore díji Jope ga Pédro nóna ore aja Dórcas jogadi, guiguíjnai ajei gatéminóri. Enga chequé ecadie qué ore po iji ejode. Enga ore chingo Dórcas ugaguedie ore iguidei aja Pédro uje ugaguei uje qué eca.

Héchos 9:41

Pédro chisi ome dajmanai ome enga chiringare. Enga tibidi dojode Jesús anguretasõre, jé aja chequé ecadie ore ujetiga ore chajire to uje Tabíta e eca.

Santiágo 1:27

Pacajnaqué ueque omone, uje que diquiyaque iyoguérique ome Yocai Dupade, pijoque gu gaisórone ore isocade: ujetiga ore chatapísaja disijádode ore, jé aja abai toguedie ore to uje ore chejnáreque re ome cucha gajnaréngone. Enga u to uje gaisórone ore chãraque re ome cucha gajnaréngone to rĩ iji erámone unojo. Jecute ujetiga gosi adode u unojo enga obiréjna uje que cucha bisideque uté angureni gotique.