Lúcas 6:9 - Dupade Uruode

⁹ Mu cáma Jesús jnátu ayoré jmana cacoi gotique ujetiga chiqueta jmanai. Uje qué catecã́ri ayoréode udore bajaque. Enga chojningame ore: –¿Jé déji rique Moisés casica áyipiedie quitígo a? ¿Ujetiga piquetaque ayorérique iji dire puyátique jeoga pijnari jetiga toi? Mu a yo yiba ujetiga ca yipésu cucha arétiguiji dire puyátique. Mu cucha arei tu ujetiga yiqueta ayorérique uñénguiji.–

Lúcas 6:9 Iomraidhean Croise

Márcos 3:4

Quigade enga Jesús catecã́ri judíode ore iji darosadode enga chojninga: –Angoñome yu cucha pujuegátique ujetiga pipesudi iji dire puyade udore. ¿Ga pujuegate a ujetiga pipesute cucha oníngo iji, jeoga cucha gajnarétigo? ¿Arei tu ujetiga piquetaque ayorériguiji a, jeoga chuque uñénguiji?– Mu que togome ore gotique ujetiga ore chajnai uruode quigode.

Lúcas 14:3

Mu que Jesús chiqueta jnani míraque mu catecã́ri Moisés urusarane atatasórone, fariséode ore bajaque. Ga chojningame: –¿Ga jé areque ujetiga piquetaque jnanírique iji dire puyátique a?–

Lúcas 6:10

Enga Jesús tangári ore yui ujetiga uñeque chajnai uruode. Mu que pichajnáicho go. Ga jé jogadi tu uje chojningame jnani uté: –Apotingare bajmanai.– Ga jé u uje jnani tuté chipotingare dajmanai ga e ueradápo rĩ uje ijoréjna.

Lúcas 6:8

Mu Jesús chiraja udore ore áyipie quigode ga chojningame jnani uje jmanai cacoque: –Be ga ayague iji uté ore ajei.– Ga jnani uté jĩrique doi Jesús uruode ga chague iji ore ajei.

Lúcas 9:56

Dupade utocaidi uyu que yĩri iji jnumone nanique gu ujetiga yo yujuñame uñeque. Mu yĩri gu ujetiga yiqueta erámi unirisórone ore.– Jecute ore chicai pidai uñeque ujetiga ore chise dapusiétique iji.